පැනමා කෝපා එයාර්ලයින්ස් ගුවන් සේවයට අයත් ගුවන් යානයක ගමන් කරමින් සිටි මගියකු යානයේ ගමන් කරමින් සිටිද්දී, එහි දොර විවෘත කිරීමට උත්සාහ කළේය.
ගුවන් සේවිකාවන්ට සහාය දක්වමින් සෙසු මගීන් ද එම මගියා සමග පොර බදා පහර දී ඔහුට සිහිසුන් වනතුරු පහර දී අඩපණ කිරීමට සමත් විය. මෙය සිදුවූයේ බ්‍රසීලයේ සිට පැනමාව බලා පියාසර කරමින් තිබූ ගුවන් යානයකය.
ගුවන් යානය ගොඩබැස්වීමට මිනිත්තු 30කට පමණ පෙර එම පුද්ගලයා ආහාර බන්දේසියේ තිබූ ප්ලාස්ටික් පිහියක් රැගෙන ගුවන් යානයේ පිටුපසට දිව ගොස් දොර විවෘත කිරීමේ අරමුණින් ගුවන් සේවිකාවක් ප්‍රාණ ඇපයට ගැනීමට උත්සාහ කළේය.
එම පුද්ගලයා ශක්තිමත් අයකු වූ බැවින්, ඔහුව පාලනය කිරීමට මගීන්ට අපහසු වී ඇති නමුත්, ඔහුට පහර දීමෙන් පසු ඔහුව පාලනය කිරීමට සෙසු මගීන් සමත් වී විය. සෙසු මගීන් ඔහු සිහිසුන් වන තුරු පහර දුන්නේ ඉන් අනතුරුවය.
