යුක්රේනයේ තිබෙන ජීව අවි පර්යේෂණාගාර රුසියානු හමුදාව අතට පත්වේවි යැයි බියක් පවතින බව දේශපාලන කටයුතු පිළිබඳ උප රාජ්‍ය ලේකම් වික්ටෝරියා නුලන්ඩ් පවසයි.
ඊයේ (8) දින සෙනෙට් සභාවේ විභාගයක් අතරතුර දේශපාලන කටයුතු පිළිබඳ උප රාජ්‍ය ලේකම් වික්ටෝරියා නුලන්ඩ් මහත්මිය යුක්රේනයේ ජීව අවි පර්යේෂණාගාර තිබෙන බව පිළිගත් අතර ඇය වැඩි දුරටත් පැවසුවේ එම පර්යේෂණ දත්ත රුසියානු හමුදා අතට පත් නොවීමට කල හැක්කේ කුමක්ද යන්න යුක්රේනය සමග සාකච්ඡා කරමින් සිටින බවයි.
මේ සම්බන්ධව රුසියානු ආරක්ෂක අමාත්‍යංශය ප්‍රකාශයක් නිකුත් කරමින් පැවසුවේ ඇමෙරිකාව විසින් සෝවියට් සමූහ ආණ්ඩුවේ සිටි රටවල ජීව අවි පර්යේෂණාගාර පිහිටුවීම සම්බන්ධව ඉතා විමසිල්ලෙන් මේ දක්වා සිටි බවත් යුක්රේනයේ ජීව අවි පර්යේෂණාගාර 30 කට ආසන්න සංඛ්‍යාවක් තිබෙන බවත්ය
එම ප්‍රකාශයේ වැඩි දුරටත් සඳහන් වුයේ කීව් වෙත ජීව අවි පර්යේෂණාගාර වල තිබෙන රෝග කාරක විෂබීජ ඉතා ඉක්මණින් විනාශ කරන ලෙස උපදෙස් ලබා දී ඇති ලියවිල්ලක් ආරක්ෂක අමාත්‍යංශය සොයාගත් බවයි.
එම ලියවිල්ල පෙබරවාරි 24 වෙනි දින ලෙස දිනය සඳහන් වන බවත් යුක්රේන ජීව අවි පර්යේෂණාගාර තුල ඇන්ත්‍රැක්ස්,කොලරාව සහ ප්ලේග් වැනි භයානක රෝග කාරක විෂබීජ වැඩි දියුණු කර ඇති බවත් රුසියානු ආරක්ෂක අමාත්‍යංශය පැවසීය.
(රොයිටර්)
යුක්රේන-රුසියා අර්බුදය:- වැඩිදුර තොරතුරු සඳහා මෙතැනින් පිවිසෙන්න
