කටාර් රාජ්‍යයේ මැදිහත් වීමෙන් ආරම්භ වුණු ඊශ්‍රායල හමාස් සටන් විරාමය සහ සාම සැලැස්ම තව දුරටත් ක්‍රියාත්මක වෙයි.
සටන් විරාමය යටතේ මෙම සතිය ඇතුළත, හමාස් සංවිධානය ඔවුන්ගේ ග්‍රහණයේ පසුවන තවත් ඊශ්‍රායල ප්‍රාණඇපකරුවන් සය දෙනකු නිදහස් කිරීමට නියමිතය.
එම ප්‍රාණඇපකරුවන් හය දෙනා වෙනුවෙන්, ඊශ්‍රායලය ඔවුන්ගේ අත්අඩංගුවේ පසුවන පලස්තීන සිරකරුවන් පිරිසක් මුදා හැරීමට ද නියමිතය. ඊට අමතරව, පලස්තීන වැසියන්ට ගාසා තීරයේ උතුරුදිග පළාත්වල ඔවුන්ගේ ගම්බිම් බලා යෑමටත් අවසර හිමිවෙයි.
කටාර් රාජ්‍යයේ මැදිහත් වීමෙන් ආරම්භ වුණු ඊශ්‍රායල හමාස් සටන් විරාමය සහ සාම සැලස්ම සාර්ථක කර ගැනිමේ දී ඇමෙරිකාවේ ද සහාය හිමිවෙයි.
සටන් විරාමය ආරම්භ වූයේ මීට සතියකට පෙරය. එදා සිට ඊයේ (26) වනවිට හමාස් ග්‍රහණයේ පසුවුණු සිටි ඊශ්‍රායල ප්‍රාණ ඇපකරුවන් හත් දෙනකුට නිදහස හිමිවිය. එම හත් දෙනා වෙනුවෙන්, නිදහස ලැබූ පලස්තීන සිරකරුවන් ගණන 300 කි.
(ඒ.එෆ්.පී.)
