පාකිස්තානයේ ඉස්ලාමාබාද් අගනුවර පැවැත්වීමට නියමිත ෂැංග්හායි සහයෝගීතා සමුළුවට සහභාගී වෙන්නැයි පාකිස්තාන අග්‍රාමාත්‍ය ෂෙහ්බාස් ෂරීෆ්, ඉන්දීය අග්‍රාමාත්‍ය නරේන්ද්‍ර මෝදිට නිල වශයෙන් ඇරැයුම් කර ඇත.
ෂැංග්හායි සහයෝගී සමුළුව යනු චීනයේ ද මැදිහත් වීමෙන්, කාලාපීය රටවල එකමුතුවෙන්, පිහිටුවා ගත් ආර්ථික හවුලකි. චීනය සේම, ඉන්දියාවත් පාකිස්තානයත් එහි ප්‍රබල සාමාජිකයන්ය. ෂැංග්හායි සමුළුව පැවැත්වෙන්නේ එලැඹෙන ඔක්තෝබරයේ පැවැත්වීමට නියමිතය.
සමුළුවට සහභාගී වෙන්නැයි ඉන්දීය අග්‍රාමාත්‍ය නරේන්ද්‍ර මෝදිට අපි නිල වශයෙන් ඇරැයුමක් යැව්වා. ඉන්දීය අග්‍රාමාත්‍යවරයා සමුළුවට සහභාගී වේවි යැයි අප විශ්වාස කරනවා’ යැයි පාකිස්තාන විදේශ කටයුතු අමත්‍යාංශ ප්‍රකාශක මුම්තාස් සහාර් බලෝච් මාධ්‍ය හමුවකදී පැහැදිලි කර ඇත. ඉන්දු පාකිස්තාන විරසකය හේතුවෙන් ෂැංග්හායි සමුළුවට සහභාගී වෙනවා ද නැද්ද යන්න සම්බන්ධයෙන්, ඉන්දීය අග්‍රාමාත්‍ය මෝදි තවමත් පාකිස්තානයට පිළිතුරක් දී නැත.
(එන්.ඩී.ටීවී.)
