පාකිස්තානයේ සින්ද් පළාතේ පොලිස් ස්ථානයකට තලේබාන් ත්‍රස්ත ප්‍රහාරයක් එල්ල විය. එම ප්‍රහාරයෙන් පොලිස් නිලධාරීන් සිවු දෙනෙකු ජීවිතක්ෂයට පත්වුණු බව වාර්තා වේ.
පාකිස්තානයේ ප්‍රධාන වෙළෙඳ වරාය නගරය පිහිටා ඇත්තේ ද මෙම සින්ද් පළාතේය. පොලිස් ස්ථානයේ නේවාසිකාගාර ගොඩනැගිල්ලක් ද විය. ත්‍රස්තයන් කඩා වැදී එහි සිටි පොලිස් නිලධාරීන්ට ද වෙඩි තැබූ බව පැවැසෙයි.
පාකිස්තානයේ ක්‍රියාත්මක වන්නේ ‘තරීක් ඊ තලේබාන්’ ත්‍රස්ත සංවිධානයයි. පොලිස් ස්ථානයට කඩා වැදී පහර දුන්නේ තම සාමාජිකයන් යැයි ‘තරීක් ඊ තලේබාන්’ සංවිධානය පවසා තිබේ.
(රොයිටර්)
