රාම දෙවියන්ගේ ජන්ම දිනය ලෙස සැලකෙන රාම නවමි දිනය අදට යෙදී ඇති අතර, ශ්‍රී ලංකා සංචාරය නිමා කරමින් යළි ඉන්දියාව බලා ගිය අග්‍රාමාත්‍ය නරේන්ද්‍ර මෝදි, තමිල්නාඩුවේ, පාම්බන් පාලම විවෘත කළේය.
දුම්රිය මාර්ගයක් සහිත පාලමේ දුම්රිය ගමන් සිදුවන අතර, පහළින් නැව් ගමන් කරද්දී එය හැකිළිය හැකි ආකාරයට නිර්මාණය කර ඇත. මෙවැනි හැකිලිය හැකි පාලමක් ඉන්දියාවේ ඉදි කෙරුණු පළමු අවස්ථාව මෙයයි.
රාමනාථපුරම් දිස්ත්‍රික්කයේ ඉදි කෙරුණු මෙම පාලම, රාමේෂ්වරම් දූපත ප්‍රධාන භූමියේ මණ්ඩපම් සමඟ සම්බන්ධ වෙයි.
(එන්.ඩී.ටීවී.)
