බංග්ලාදේශය සහ ඉන්දියාව අතරේ පවතින රාජ්‍ය තාන්ත්‍රික අර්බුදය කඩිනමින් අවසන් නොවුණොත්, එයින් අවාසි අත්වන්නේ බංග්ලාදේශයට යැයි විදෙස් දේශපාලන විශ්ලේෂකයෝ අනතුරු අඟවති.
බංග්ලාදේශය සහ ඉන්දියාව අතරේ පවතින අර්බුදයෙන් කලාපීය බලවතා වන ඉන්දියාවට බලපෑමක් නොවන බවත්, වැඩි බලපෑම අත්වන්න් බංග්ලාදේශයට බවත් දේශපාලන විශ්ලේෂකයෝ වැඩි දුරටත් පැහැදිලි කරති.
විශ්ව විද්‍යාල සිසුන් මැදිහත් වී කළ අරගලයෙන් ධුරයෙන් නෙරපා දැමුණු අගමැතිනී ෂෙයින් හසීනා දැඩි ඉන්දීය හිතවාදියෙකි. බංග්ලාදේශයෙන් පලාගිය ඇය මේ වනවිට රැඳී සිටින්නේ ද ඉන්දියාවේය. ෂෙයික් හසීනා සහ ඇගේ රජය ඉන්දියාවට ගැති වී කටයුතු කළ බවට බංග්ලාදේශ වැසියන්ගෙන් චෝදනා එල්ල වී ඇත. හසීනාගේ රජය පෙරළා දැමීමට එක් හේතුවක් වූයේ ද මෙම චෝදනාවය.
බංග්ලාදේශ අන්තර්වාර රජය මේ වනවිට අර්බුද රැසකට මුහුණ දෙයි. ඉන්ධන සහ බලශක්ති අර්බුදය එයින් කැපී පෙනෙයි. බංග්ලාදේශ ඇගලුම් කර්මාන්තය සම්බ්න්ධයෙන් ද අර්බුදයක් පවතී. මෙම අර්බුද සියල්ල විසඳා ගැනීමට නම්, ඉන්දියාව සමඟ තුලනාත්මක සබඳතා තිබිය යුතු බව ද ජාත්‍යන්තර දේශපාලන විශ්ලේෂකයෝ පෙන්වා දෙති.
(එන්.ඩී.ටීවී.)
