පාකිස්තාන දේශපාලනයේ සිටින බලවත්ම පුද්ගලයා එරට හමුදා ප්‍රධානියා බව තාරික් ඊ ඉන්සාෆ් පක්ෂ නායක ඉම්රාන් ඛාන් පවසා ඇත. හමුදා ප්‍රධානියාගේ තීරණ සැවොම අනුගමනය කරන බව ඉම්රාන් ඛාන් පෙන්වා දී තිබේ.
තමන් නැවත බලයට පැමිණීම වැළැක්වීම සඳහා ”දූෂිත මාෆියාවන්ට” එක්ව හමුදා ප්‍රධානියා කටයුතු කරන බවට දෝෂාරෝපණ එල්ල කරමින් ඉම්රාන් ඛාන් තම නිවසේ සිට ආධාරකරුවන් අමතමින් මෙම අදහස් දක්වා තිබේ.
ආනයනය කළ රජය ශ්‍රේෂ්ඨාධිකරණය අංශ වලට බෙදීමට උත්සාහයක් දරන බවත් තම පක්ෂය ඊට විරුද්ධව පෙනී සිටිය යුතු බවත් ඉම්රාන් ඛාන් තම ආධාරකරුවන්ට පවසා ඇත. පකිස්තාන ප්‍රජාතන්ත්‍රවාදයේ මෙය තීරණාත්මක අවස්ථාවක් බවත් සැවොම මෙම අවස්ථාවේ ශ්‍රේෂ්ඨාධිකරණය සමඟ සිටිය යුතු බවත් ඉම්රාන් ඛාන් ප්‍රකාශ කර තිබේ.
(එන්.ඩී.ටීවී.)
