ට්‍රම්ප් ඇමෙරිකා ජනාධිපති ලෙස පළමු ධුර කාලය හොබවද්දී ඔහුගේ සගයා මෙන්ම උප ජනාධිපතිවරයා ලෙස ද කටයුතු කළ මයික් පෙන්ස් සහ ට්‍රම්ප් අතරේ හමුවක් පැවැත්විණි. ඒ වසර 4 කට පසු වීම විශේෂත්වයකි.
හමුව පැවැත්වූයේ ට්‍රම්ප් සහ පෙන්ස් දෙදෙනා අභාවප්‍රාප්ත ඇමෙරිකන් ජනාධිපති ජිමී කාටර්ගේ අවමංගල්‍යයට සහභාගී වූ අවස්ථාවේදීය.
2020 ජනාධිපතිවරණයෙන් ට්‍රම්ප් පරාජය වූ විට, ඔහු ධුරයෙන් ඉවත් වීම ප්‍රතික්ෂේප කළේය. එහිදී පෙන්ස් ප්‍රතිවාදීන් සමඟ එක් වී ට්‍රම්ප්ට එරෙහිව ගියේය. මෙම සිද්ධිය මුල්කොට ගනිමින් ට්‍රම්ප් සහ පෙන්ස් අතරේ ඒදිරිවාදිකම් පැවතිණි.
කෙසේ නමුත්, ජිමී කාටර්ගේ අවමංගල්‍යය පැවැති අවස්ථාවේදී මයික් පෙන්ස්, ට්‍රම්ප් වෙත පැමිණ යළි ඇමෙරිකාවේ ජනාධිපති ධුරයට පත්වීම සම්බන්ධයෙන් සුබ පැතුවේය. දෙදෙනා අතරේ සුහඳ කතාබහක් ඇති වූයේ ඉන් අනතුරුවය.
(එන්.ඩී.ටීවී.)
