යුක්රේනයේ යුද බිය මධ්‍යයේ ස්කයි අප් ගුවන් සේවයේ මගී ගුවන් යානයක් යුක්රේන ගුවන් සීමාවට ඇතුල් වීමට නොදී ආපසු හරවා යවා ඇත.
යුක්රේනයේ ස්කයි අප් ගුවන් සේවය විසින් මෙහෙයවනු ලබන මගී ජෙට් යානයක් සෙනසුරාදා පෘතුගාලයේ සිට යුක්රේනය දක්වා පියාසර කිරීම නවතා දැමීමට සිදු වූයේ එම ගුවන් යානය ස්කයිඅප් වෙත බදු දුන් ගුවන් යානයේ අයර්ලන්ත හිමිකරු යුක්රේනයේ ගුවන් සීමාවට ගුවන් යානය ඇතුළුවීම තහනම් කිරීමෙන් පසුවය.
ස්කයිඅප් විසින් නිකුත් කරන ලද ප්‍රකාශයකට අනුව,මගීන් සමග යුක්රේනයේ කිව් අගනුවර බොරිස්පෝල් ගුවන්තොටුපළ වෙත පියාසර කළ ගුවන් යානය ආපසු හරවා මෝල්ඩෝවා රාජ්‍යයේ අගනුවර වන කිෂිනෙව් වෙත ගොඩබෑමට සිදු වී ඇත.
”මගීන්ගේ පැත්තෙන් අපිට තේරෙනවා ඔවුන් මුහුණපා සිටින තත්ත්වය, සියලු දෙනා යුක්රේනයට ගෙන ඒමට සෑම උත්සාහයක්ම ගන්න අපි බලාපොරොත්තු වෙනවා” ස්කයි අප් ගුවන් සේවය ප්‍රකාශයක් නිකුත් කරමින් පැවසුවේය.
විමුක්ති එස් රුද්‍රිගු
(රුසියානු පුවත් සේවා)
