යුක්රේනය සඳහා ඇමෙරිකන් ඩොලර් මිලියන 723 ක මූල්‍ය පැකේජයක් අනුමත කිරීමට ලෝක බැංකුව පියවර ගත් බව විදෙස් මාධ්‍ය වාර්තා කළේය.
මෙම මූල්‍ය පැකේජය ලබා දීම සිදුවනු ඇත්තේ රුසියානු හමුදා ප්‍රහාර හමුවේ පීඩාවට පත්වුණු යුක්රේන වැසියන් වෙනුවෙන් යැයි ලෝක බැංකුව නිකුත් කළ නිවේදනයක දැක්වෙයි.
ඒ අනුව, යුක්රේන රෝහල් සේවකයන්ට වැටුප් ගෙවීම, අවාදානමට ලක් වූවන් සඳහා අරමුදල් සැපැයීම ආදිය සඳහා මෙම මූල්‍ය පැකේජය යොදා ගැනීමට යුක්රේන රජයට හැකිවනු ඇතැයි ලෝක බැංකුව පැහැදිලි කර ඇත.
ඉදිරියේ දී යුක්රේනය සඳහා ඩොලර් බිලියන 3 ක මූල්‍ය පැකේජයක් ද ලබා දීමට පියවර ගන්නා බව ලෝක බැංකුව වැඩි දුරටත් පවසා තිබේ.
(රොයිටර්)
යුක්රේන-රුසියා අර්බුදය:- වැඩිදුර තොරතුරු සඳහා මෙතැනින් පිවිසෙන්න
