යුක්රේන හමුදා ඊයේ (14), රුසියාවේ ඉලක්කවලට දිගින් දිගටම මිසයිල ප්‍රහාර එල්ල කළේය.
රුසියන් යුක්රේන යුද්ධය ආරම්භ වී මේ වනවිට වසර 3 ක් ගත වී ඇති අතර, යුක්රේන හමුදාව රුසියාවේ ඉලක්කවලට එල්ල කළ දරුණුතම මිසයිල ප්‍රහාරය මෙය ලෙස සැලකෙයි.
යුක්රේන හමුදාවෙන් එල්ල වුණු එම මියසිල වළක්වා විනාශ කර දැමීමට රුසියානු හමුදාව සමත් විය. එසේ වුවත් රුසියන් ආරක්ෂක අමාත්‍යාංශය නිකුත් කළ නිවේදනයක දැක්වෙන්නේ, යුක්රේන මිසයිල ප්‍රහාරය වෙනුවෙන් පළිගැනීමට කටයුතු කරන බවය.
යුක්රේන හමුදාව, රුසියාවට පහර දීමට යොදා ගන්නේ ඇමෙරිකාවෙන් සහ එක්සත් රාජධානියෙන් ලැබුණු දිගු දුර මිසයිලය. රුසියාව, මේ සම්බන්ධයෙන් දැඩි විරෝධයක් පළ කර ඇති අතර, රුසියන් ජනාධිපති පුටින් පවසා ඇත්තේ යුක්රේනයට දිගු දුර මිසයිල ලබා දෙන කිසිදු රටකට සමාව නොදෙන බවය.
