ශුද්ධෝත්තම ෆ්‍රැන්සිස් පාප්තුමන්, නව රෝමානු කතෝලික කාදිනල්වරුන් 21 දෙනකු පත් කරන බව වතිකානය නිවේදනය කර තිබේ.

එම කාදිනල්වරුන් 21 දෙනා අතරට මොංගෝලියාවෙන් ද එක් කාදිනල්වරයෙක සිටින බව පැවැසෙයි. නව කදිනල්වරුන් ලෙස පත්වෙන බොහොමයක් සංවර්ධනය වෙමින් පවතින රටවල පියතුමන් ලා බව වතිකානය පවසා ඇත.

එයින් කාදිනල්වරු 16 දෙනෙකු වයස අවුරුදු 80ට අඩු අය වන අතර, 11 දෙනෙක් යුරෝපයේ සහ උතුරු ඇමෙරිකාවෙන් පිටත රටවල පියතුමන්ලා වෙති.

ඔවුන් ෆ්‍රැන්සිස් පාප්වහන්සේගේ ස්වර්ගස්ථවීමෙන් හෝ ඉල්ලා අස්වීමෙන් පසු ඔහුගේ අනුප්‍රාප්තිකයා ලෙස තෝරාපත්කර ගැනීම සඳහා සුදුසුකම් ලබා ඇත.

කාදිනල් තනතුර දෙවැනි වෙන්නේ පාප් වහන්සේට පමණි. කාදිනල් තනතුරට පත්වන පියතුමන්ලා පාප් වහන්සේගේ උපදේශකයන් ලෙස කටයුතු කරන බව පැවැසෙයි.

එලැඹෙන අගෝස්තු 27 වතිකානුවේ පැවැත්වෙන උත්සවයකදී ඔවුන් නව තනතුරට උසස් කරනු ලැබේ. ෆ්‍රැන්සිස් පාප් වහන්සේගේ නිල කාලයේදී පත්වූ කදිනල්වරුන් 132 ගෙන් 82 දෙනකු ෆ්‍රැන්සිස් පාප්තුමන් පත් කර ඇතැයි පැවැසෙයි.  

(ටයිම්ස් ඔෆ් ඉන්දියා)