ජපානයේ නිෂ්පාදිත, ලොව ප්‍රථම ලී චන්ද්‍රිකාව පෘථිවි කක්ෂයට යැවීම සාර්ථකව සිදුවිය. ජපන අභ්‍යවකාශ ආයතනයේ විද්‍යාඥයන් මෙම කුඩා ලී චන්ද්‍රිකාව, පෘථිවි කක්ෂයට යැවීම සිදු කළේ ඇමෙරිකාවේ නාසා ආයතනයේ ද සහාය ඇතිවය.
චන්ද්‍රිකාව රැගත් රොකට්ටුව, ඇමෙරිකාවේ කෙනඩි අභ්‍යාවකාශ මධ්‍යස්ථානයෙනි. මේ වනවිට පෘථිවි කක්ෂයේ කසල පිරී ඇත. ඒ අභ්‍යවකාශ ගමන් බිමන් සහ අභ්‍යවකාශ කටයුතු හේතුවෙනි. මෙම කසළවලට අක්‍රිය වූ චන්ද්‍රිකා ද ඇතුළත්ය.
මීට පිළියමක් වශයෙන් සහ අනාගතයේ සඳ, අඟහරු ගවේෂණ මෙහෙයුම් සඳහා ලී යොදා ගනිමින් ගවේෂණ යානා නිර්මාණයට යොමු වීම කළ හැකි බව පෙන්වීමට, ජපන් විද්‍යාඥයන් මෙසේ ලී යොදා ගනිමින් මෙම චන්ද්‍රිකාව නිර්මාණය කළ බව පැවැසෙයි.
චන්ද්‍රිකාව නිර්මාණයට දායක වී ඇත්තේ ජපානයේ කියෝතෝ විශ්වවිද්‍යාලයේ විද්‍යාඥයින් පිරිසකි. ඔවුන් මෙම චන්ද්‍රිකාව නම් කර ඇත්තේ ලතින් බසින් ‘දැව’ යන අර්ථය ඇතුළත් ‘ලිග්නෝසැට්’ යනුවෙනි.
