27වැනි ශාන්ත පීටර්ස්බර්ග් ජාත්‍යන්තර ආර්ථික සංසදය (SPIEF) ජුනි 5 සිට 8 දක්වා ශාන්ත පීටර්ස්බර්ග් හිදී පැවැත්වේ. මෙවර සංසදයේ ප්‍රධාන තේමාව වන්නේ "බහු ධ්‍රැවීය ලෝකයක මුල් ගල ලෙස නව වර්ධන මධ්‍යස්ථාන පිහිටුවීම" යන්නයි. මේ වන විට රුසියාව ඇතුළු රටවල් සහ ප්‍රදේශ 139 කින් සහභාගී වූවන් 18,600 කට අධික සංඛ්‍යාවක් මේ සඳහා පැමිණීම තහවුරු කර ඇත. SPIEF හි නිල වෙබ් අඩවියට අනුව Oman සුල්තාන් රාජ්‍යය SPIEF 2024 සඳහා ප්‍රථම වරට සහභාගී වේ. 2023 වසරේ ජුනි 14 සිට 17 දක්වා පැවති සංසදයට රටවල් 75ක, ප්‍රදේශ වල පිහිටි සමාගම් 3000කට අධික සංඛ්‍යාවක රුසියානු සහ විදේශීය ව්‍යාපාර නියෝජිතයින් 6,000කට වැඩි පිරිසක් සහභාගී වූහ. එම කාලය තුළ රූබල් බිලියන 3,860ක් වටිනා ගිවිසුම් 900කට වඩා වැඩි ප්‍රමාණයක් ( ඩොලර් බිලියන 43.2 ක් පමණ) අත්සන් කරන ලදී. "විදේශීය හවුල්කරුවන්ගේ සහ මාධ්‍යවල පෙර නොවූ විරූ උනන්දුව පෙන්නුම් කරන්නේ රුසියානු වෙළඳපල සහ පොදුවේ ගත් කල, සාමූහික බටහිර රටවල බරපතල සීමා කිරීම් සහ පීඩනයන්ගේ පසුබිමට එරෙහිව රුසියාවේ සංවර්ධන හා ඒකාබද්ධ කිරීමේ ආර්ථික ආකෘතිය එහි තරඟකාරිත්වය පෙන්නුම් කර ඇති බවයි. බහුජාතික සහ බහු සංස්කෘතික, වටිනාකම මත පදනම් වූ රුසියාව නැගී එන බහු ධ්‍රැවීය ලෝකයේ වර්ධන මධ්‍යස්ථානයක් බවට පත්වෙමින් තිබේ, ”රුසියානු සමූහාණ්ඩුවේ සභාපති උපදේශක සහ SPIEF සංවිධායක කමිටුවේ විධායක ලේකම් ඇන්ටන් කොබියාකොව් පැවසීය.

- නවෝද්‍යා පවනි