‘නේටෝ’ හෙවත් උතුරු අත්ලාන්තික් ගිවිසුම් සංවිධානයට එක් වීමට කැමැත්ත පළ කරන ෆින්ලන්තයට රුසියාවට අනතුරු අගවා තිබේ.
ෆින්ලන්තය යනු රුසියාවේ අසල්වැසියෙකි. ෆින්ලන්තය, ‘නේටෝ’ සාමාජිකත්වය ලබා ගතහොත්, ඊට එරෙහි ඕනෑම ක්‍රියාමාර්ගයක් ගැනීමට පසුබට නොවන බව රුසියාව පැහැදිලි කර තිබේ.
ෆින්ලන්තය, ‘නේටෝ’ සාමාජිකත්වය ලබා ගැනීමට සූදානම් වන්නේ ද රුසියාවේ ක්‍රියාකලාපය හේතුවෙනි. රුසියාව යුක්රේනයට එරෙහිව හමුදාමය ක්‍රියාමාර්ගයක් අනුගමනය කර තිබේ. යුක්රේනය රුසියාවේ සමීපතම අසල්වැසියාය.
රුසියාව යුක්රේනයට එරෙහිව හමුදා ක්‍රියා මාර්ගයක් අනුගමනය කළේ යුක්රේනය නේටෝ සාමාජිකත්වය ලබා ගැනීමට උත්සාහ කළ බැවිනි. යුක්රේනයට නේටෝ සාමාජිකත්වය හිමිවීම රුසියාවේ ජාතික ආරක්ෂාවට තර්ජනයක් වේවි යැයි රුසියාවේ විශ්වාසයයි. කෙසේ නමුත් යුක්රේනවට සාමාජිනත්වය ලබා දීමට නේටෝ සංවිධානය අදිමදි කරයි.
ෆින්ලන්තය කිලෝ මීටර් 1,300 ක දේශසීමා ප්‍රදේශයකින් රුසියාවට මායිම්ව පිහිටා තිබේ. මේ වනතුරු ෆින්ලන්තය නේටෝ හිතවාදී, අපක්ෂපාතී රාජ්‍යයක් ලෙස කටයුතු කළේය.
(රොයිටර්)
