52 ක්ම වෙඩි තැබීම් |
ගෙවල් බිඳීමත් වැඩිවෙයි |
සුජිත් හේවාජුලිගේ
පසුගිය 2023 වසරේ මුල් මාස දහයේදී මනුෂ්ය ඝාතන 488ක් වාර්තාවී ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ. මින් ඝාතන 52ක්ම සිදුවී ඇත්තේ වෙඩි තැබීම්වලිනි.
තංගල්ල, නුගේගොඩ, ගම්පහ, රත්නපුර හා ඇල්පිටිය යන පොලිස් කොට්ඨාස පහේ පිළිවෙළින් 32, 27, 24, 24, 20ක් වශයෙන් මනුෂ්ය ඝාතන වාර්තාවී තිබේ. දිවයින පුරා 2018 - 2022 අතර කාල පරිච්ඡේදයේදී බරපතළ තුවාල සිදු කිරීම් හා මනුෂ්ය ඝාතන 7017ක් සිදුවී ඇතැයි පවසන එම වාර්තාව, ඉන් අපරාධ 2030ක්ම වාර්තා වී ඇත්තේ පසුගිය වසරේදී බවද කියයි.
රටේ බල අපරාධ වාර්තාවීම වර්ධනය වීම වැළැක්වීමට ප්රමාණවත් ක්රියාමාර්ග ගත යුතුව ඇතැයි එම වාර්තාව නිර්දේශ කරයි. මේ අතර පසුගිය වසර හයක කාලය සැලකිල්ලට ගැනීමේ දී ගෙවල් බිඳීම් හා කොල්ලකෑම් වැඩිම සංඛ්යාවක් වාර්තා වී ඇත්තේ පසුගිය වසරේදීය. 2018 වර්ෂයට සාපේක්ෂව පසුගිය වසරේදී එම අපරාධවල සියයට පනහක පමණ වර්ධනයක් පෙන්නුම් කෙරුණු බව ජාතික විගණන කාර්යාලය පවසයි. ගෙවල් බිඳීම හා කොල්ලකෑම යන බල අපරාධ විසඳීම ගත් විට පසුගිය වසර හයේදී අඩුම විසඳීමේ ප්රතිශතයක් වාර්තා වී තිබුණේද පසුගිය වසරේදීය.
මේ අතර කාන්තාවන්ට එරෙහි බල අපරාධ 2022 වර්ෂයට සාපේක්ෂව පසුගිය වසරේදී සියයට විසි හතකින් වැඩිවී තිබූ බව පවසන එම වාර්තාව ස්ත්රී දූෂණ සංඛ්යාව 182 සිට 226 දක්වා ඉහළ ගොස් තිබූ බවද සඳහන් කරයි. කාන්තාවන්ට බරපතළ තුවාල කිරීම් සංඛ්යාව 154 සිට 221 දක්වා ද පිහි ආදියෙන් තුවාල කිරීම් සංඛ්යාව 74 සිට 96 දක්වා ද බරපතළ ලිංගික අපයෝජන සංඛ්යාව 21 සිට 37දක්වා ද වර්ධනය වී තිබූ බව එම වාර්තාව අනාවරණය කරයි.
පසුගිය වසරේදී මෙම අපරාධ විසඳීම සියයට 99ක ප්රගතියක් පෙන්නුම් කළද අපරාධ වාර්තා වීම වැඩි වී තිබූ බව පවසන විගණන කාර්යාලය අපරාධ පාලනය හා වැළැක්වීමට ප්රමාණවත් ක්රියාමාර්ග ගෙන නොතිබූ බවද ප්රකාශ කරයි.
බන්ධනාගාර ගතව සිටින සිරකරුවන් අතර උපාධිධාරීන් 331 දෙනෙකු සිටින බව බන්ධනාගාර තොරතුරු වාර්තාවලින් පෙනී යන්නේ යැයි පේරාදෙණිය විශ්වවිද්යාලයේ ආර්ථික වි
තමාට විරුද්ධව තිබෙන චෝදනා සියල්ල ඉදිරි සතිය ඇතුළත ඉදිරිපත් කරන ලෙස ශුද්ධවන්තයන්ගෙන් සහ ශුද්ධවන්තියන්ගෙන් ඉල්ලා සිටින බව පාලිත රංගෙ බණ්ඩාර පිටකෝට්ට
සමගි ජනබලවේගයට තිබූ සියයට40 ක ඡන්ද පදනම මේ වනවිට තීරණාත්මක ලෙස වර්ධනය වී ඇති බවත්, දෙවැනි මනාපයක් ගණන් නොකර සියයට 50ක ඡන්ද ප්රතිශතයක් ලබාගත හැකිබවත් සජබ
ඉදිරි ජනාධිපතිවරණයේදී අනුර කුමාර දිසානායක ජයගනු ඇත්තේ සීයට හැටක පමණ ඡන්ද ප්රතිශතයක් ලබමින් බව ජනතා විමුක්ති පෙරමුණේ ප්රධාන ලේකම් ටිල්වින් සිල්වා
ජනාධිපති රනිල් වික්රමසිංහ ජනාධිපතිවරණයේදී ගන්නා ඡන්ද ප්රතිශතය මේ වෙනවිට සියයට51 ඉක්මවා ඇතැයි එක්සත් ජාතික පක්ෂ සභාපති පාර්ලිමේන්තු මන්ත්රී වජිර
සැප්තැම්බර් 21 වැනිදා පැවැත්වෙන ජනාධිපතිවරණය වාර්තා කිරීම සඳහා දිවයිනට පැමිණීමට අපේක්ෂා කරන විදේශ මාධ්යවේදීන්ට පවතින වීසා නිකුත් කිරීමේ ගැටලුව හේත
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
2023 මුල් මාස දහයට මිනීමැරුම් 488 ක්