(නිමල කොඩිතුවක්කු)

සජිත් පේ‍්‍රමදාස මහතා පක්ෂ නායකත්වයට පත් කරනවා සේම ඔහුගේ ජ්‍යෙෂ්ඨ උපදේශකයා ලෙස පක්ෂ නායක  රනිල් වික‍්‍රමසිංහ මහතා කටයුතු කළ යුතු බව  පාර්ලිමේන්තු මන්ත‍්‍රී තලතා අතුකෝරල මහත්මිය කොළඹදී අද (28) පැවසුවාය.
 
පක්ෂයේ සියලූ අභ්‍යන්තර අර්බුද විසදාගනිමින් සියලූ දෙනා ඒකරාශී කරගනිමින් ඉදිරි මහමැතිවරණයේදී විශිෂ්ඨ ජයග‍්‍රහණයක් කරා පක්ෂය මෙහෙයවන බවද අතුකෝරල මහත්මිය සදහන් කළාය.
 
විපක්ෂනායක කාර්යාලයේ  පැවති මාධ්‍ය හමුවකට එක්වෙමින්  ඇය මේ බව පැවැසීය.
 
එහිදී වැඩිදුරටත් අදහස් දැක්වූ පාර්ලිමේන්තු මන්ත‍්‍රී තලතා අතුකෝරල මහත්මිය මෙසේද කීවාය.
 
‘‘2015 ජනවාරි 08 ඉදන්  2019 නොවැම්බර් වෙනකම් දැන් ආණ්්ඩුවේ ඉන්න පිරිස් අපේ ආණ්ඩුවට විවිධ චෝදනා කළා. රට ඇමරිකාවට විකුනනවා, රණවිරුවන් සිරගත කරනවා, බෞද්ධාගම විණාශ කිරිමට කටයුතු කරනවා, රටේ  අනාරක්ෂිත බාවයක් තියෙනවා කියන කාරණා ඒ චෝදනා අතර  ඉදිරියෙන්ම තිබුණා.
 
අසාධාරණ විදියට සිරගත කර සිටින රණවිරුවන් පැය 24 න් නිදහස් කරනවා කිව්වා. දැන් අලූත් ජනාධිපති කෙනෙක්, අලූත් අගමැති කෙනෙක්, අලූත් ආණ්ඩුවක්  පත්වෙලා මාස තුනකට ආසන්න කාළයක් ගතවෙනවා.  එක රණවිරුවෙක්වත් නිදහස් කළේ නැත්තේ අසාධාරණ විදියට  සිරගත කරපු එක රණවිරුවෙක්වත් නැති කියලා අපි මේ ආණ්ඩුවෙන් අහනවා.

ජනාධිපතිතුමන් පැමිනි විගස සිය ආරක්ෂාව අඩු කලා.  අනාරක්ෂිත රටක් නම්, රටේ ජාතික ආරක්ෂාව පිලිබද ප‍්‍රශ්නයක්  තිබුනනම් ආණ්්ඩුයවක් ඇවිත් පැය 72 න් කොහොමද ආරක්ෂිත බාවය තහවුරු කළේ කියලා අපි අහනවා.

කෙළඹ වරාය නගරය,  ෂැංග‍්‍රිලා හෝටලය ඇතුලූ  එදා සින්නක්කරව විකුනපු දේවල් ගැන කවුරුත් කතා කලේ නැහැ. හැබැයි බලයට එන්න තියෙන කෑදර කමට  දේපළ  විකුණුවා කියලා අපිට චෝදනා කළා.  විදේශ රටවලට දේපල විකුණන්නේ නැහැ කියලා දැන් යලිත් බලයට  ඇවිත් ෂැංග‍්‍රිලා  ආසන්න ඉඩම සිංගප්පූරු සමාගමකට විකුණුවා.
 
ඒ වගේම අපි ආණ්ඩු කරපු කාළේ අපිට  තිබුන ලොකුම චෝදනාව තමයි බැදුම්කර වංචාව. අර්ජුන් මහේන්ද්‍රන් මේ රට ගේනවා. ඒ සම්බන්ධයෙන්  චෝදනා ලබපු අය නීතිය  හමුවට ගේනවා කියලා මහා ලොකු පොරොන්දුවක් දුන්නා.
 
 දැන් ආණ්ඩුව, ජනාධිපති, අගමැති ඔයගොල්ලන්ගේ නම් මේ වංචාවට සම්බන්ධ අයව වහාම නීතිය හමුවට  පමුණුවන්න කියලා අපි කියනවා.

අපේ ආන්ඩු කාළයේ කිසිම  ගිවිසුමක් අත්සන් කළේ නැහැ. මේ සියලූ ගිවිසුම්  අත්සන් කලේ 2015 ජනවාරි 08 කලින්.  අපේ ආණ්ඩුව කාළයේ චෝදනා කරපු මේ ගිවිසුම් ඉරා දාලා  රටේ ඇතිකරනවා   කියපු ස්වාධීනත්වය, නිදහස, භෞමික අඛණ්ඩතාවය ඇති කරන්න කියලා විපක්ෂය විදියට අපි මේ ආණ්ඩුවෙන් ඉල්ලා සිටිනවා.