(බිමල් ශ්‍යාමන් ජයසිංහ)

අඟුරුවාතොටදී ඝාතනයට ලක් වූ මව සහ දියණියගේ අවසන් කටයුතු සිදු වෙද්දී සුසාන භූමියේදී  දෙපිරිසක් අතර ගැටුමක් ඇති වූ බව පොලිසිය කියයි

ඉකුත් 18 වැනි දා  පස්වරුවේ අතුරුදහන් වූ මෙම මවගේ සහ ඇඟේ කුඩා දියණියගේ මළ සිරුරු පසුව  රත්මල්ගොඩ ප්‍රදේශයේ කැලෑවකට විසිකර තිබියදී සොයාගත්තේය.

මෙම ඝාතනය සම්බන්ධයෙන් ඇගේ සැමියගේ මස්සිනා පොලිස් අත්අඩංගුවට පත් විය. ඝාතනය ලක් වූ මවගේ සහ දියණියගේ සිරුරු ඊයේ ඇය පදිංචිව සිටි නිවෙසට රැගෙන ආ අතර ඇගේ සිරුරු තැන්පත් කර තිබූ පෙට්ටියට ද සිල් තබා තිබිණි.

කෙසෙල්හේනාව රාජමහා විහාරවාසී බටුගම්පළ ගුණරත්න හිමියන් ඇතුළු මහා සංඝරත්නය ආගමික වතාවත් සිදු කළහ.

මවගේ සහ දියණියගේ නිසල සිරුරු අවමංගලල පෙරහරින් සුසාන භූමියට රැගෙන ගියේ සතර පෙරුවක ඥාතී්න්ගේ දුක් අඳොනා මැදය.

දේහයන් භූමදානය කිරීමෙන් පසු මියගිය කාන්තාවගේ සහ සැමියාගේ පාර්ශවයේ දෙපිරිසක් අත ඇති වීමට ගිය ගැටුම අඟුරුවාතොට පොලිසිය සහ අමතර කණ්ඩායම් කැඳවා සිද්ධිය සමථයකට පත් කිරීමට කටයුතු කළේය.

සිය ගණනකගේ තම ඥාතීන්ගේ සෝ සුසුම් මැද අද සවස මවගේ සහ දියණියගේ සිරුරු භූමිදානය කරද්දී දෙපිරිස අතර ගැටුමක් ඇති විය.