( චමින්ද ජයලත්)
වරකාපොළ, ගනේගම  ප්‍රදේශයේ   නිවසක සිදු වූ වෙඩි තැබීමකින්  22 හැවිරිදි තරුණියක් මිය ගොස් ඇතැයි  පොලීසිය කියයි.
 
මෙස් මිය ගොස් ඇත්තේ  නිරෝෂා නිරංජලී නැමැති තරුණියකි. ඇය කෙටි කළක් යුද හමුදාවේ සේවය කර නිත්‍යනුකූලව ඉවත් වී ඇතැයිද පොලීසිය කියයි.
 
මෙම වෙඩි තැබීමෙන් ඩි.එච් වයලට් රංජනි නම් 52 හැරිවිරිදි ඇගේ මවද බරපතල තුවාල ලබා  කෑගල්ල මහ රෝහලට ඇතුළු කර තිබේ.
 සැකකරු සහ තරුණිය අතර ඇති වූ පෞද්ගලික ආරවුලක් මත අද අලුයම මෙම වෙඩි තැබීම සිදු වී ඇති බවට තොරතුරු අනාවරණය වී ඇති බවද පොලීසිය  පවසයි. බෝර 12 ගිනි අවියකින් මෙම වෙඩි තැබීම සිදු කර ඇති බව පොලීසිය සඳහන් කරයි.
 
සැකකරු උඩුමුල්ල දොරවක ප්‍රදේශයේ පදිංචි දෙදරු පියෙකු බව හඳුනාගෙන ඇති අතර  සිදුවීමෙන් පසු ඔහු ප්‍රදේශයෙන් පලා ගොස් ඇති බවත්  ඔහු සොයා පරීක්ෂණ අරඹා ඇති බවත් පොලීසිය කියයි.