IMG-LOGO

2024 නොවැම්බර් මස 26 වන අඟහරුවාදා


ඇමෙරිකාවේ ටැක්සි එලවන ඇෆ්ගනිස්ථාන හිටපු ඇමැති

ලංකාවේ හිටපු ඇමැතිවරයකු බලයෙන් ගිලිහී ගියත් උන්හිටි තැන් අහිමි වී වෙනත් රටකට ගොස් රියැදුරු රැකියාවක නිරත වී කලදවස ගෙවාගන්නා බවක් අප කවදාවත් අසා නැත. අඩු තරමින් පිටරටක රැකියාවකට යාම කෙසේ වෙතත් රට ඇතුළේවත් ආදායමක් නැතිව දුකසේ ජීවත් වීමට සිදු වූ බවක් අපේ ඉතිහාසයේවත් සඳහන් නොවේ. මේ නිසා ඇෆ්ගනිස්ථානයේ හිටපු මුදල් ඇමැතිවරයා වන ඛාලිඩ් පයේන්දාගේ කතාව අපට අදහා ගැනීමත් අපහසු වීම ගැන පුදුම විය යුතු නැත.

තම මවුබිමේ ඇමැති තනතුරින් තවත් රටක රියැදුරු රැකියාවකට වැටුණු පයෙන්දාගේ කතාව මේ වනවිට සමාජ මාධ්‍යයේ ප්‍රබල ආකර්ෂණයක් දිනා සිටී. ඔහු පවසන කතාව අනුව ඇෆ්ගනිස්ථානයේ දී හරි හම්බ කළ ඉතිරි කළ සේසතම මේ වනවිට අහෝසි වී තිබේ.

ඔහු හම්බ කළේ වැටුප පමණක් ද යන්න අපි නොදනිමු. එහෙත් මේ වනවිට අමෙරිකාවට පැනගොස් සිටින පයේන්දා තම දරුපවුල නඩත්තු කිරීමේ බරපතළ ගැටලු‍වට මුහුණ දී සිටි. 


ඇෆ්ගනිස්ථානය අමෙරිකානු හස්තය යටතේ ආණ්ඩු කරන කාලයේ එම රජයේ ඇමැතිවරුන්ට ආදායමේ ප්‍රශ්නයක් නොතිබිණි.

ඔවුන්ට තිබුණේ ජීවිතාරක්ෂාව පිළිබඳ ගැටලු‍ව පමණි. ඒ සඳහා ඇමෙරිකානු හමුදාවල රැකවරණය ඉහළින්ම තිබිණි. එහෙත් දැන් පෙනෙන්නට තිබෙන්නේ වත්මන් අමෙරිකාවේ ජෝ බයිඩන් පාලනය මගින් ඇෆ්ගනිස්තානය සම්පූර්ණයෙන් අතහැර දමා තිබෙන බවය. මේ නිසා අමෙරිකන් ගැති ආණ්ඩුවේ හිටපු ඇමැතිවරුන් සහ නිලධාරීන් සියලු‍ දෙනා ලෙල්ල ගැල වූ කෙසෙල් ගෙඩි තත්ත්වයට වැටී සිටිති. කෙසේ හෝ අමෙරිකාවට සේන්දු වීමට වාසනාව ලැබූ හිටපු මුදල් ඇමැති ඛාලිඩ් පයේන්දාද එවැනි ලෙල්ල ගැලවුණු කෙසෙල් ගෙඩියකි.

ඔහු තමන් සතු ධනයක් නැති බවත් මේ නිසා දරු පවුල රැක ගැනීමට කැබ් රියක් පදවමින් හම්බ කරන බවටත් කරන ප්‍රකාශයේ සැබෑව කුමක්දැයි අපි නොදනිමු. එය යථා කාලයේ දී හෙළිවනු ඇත. එහෙත් එක දෙයක් නම් සහතිකය. ලංකාවේ නම් කවදාවත් ඇමැතිවරයකුට තබා මන්ත්‍රීවරයකුටවත් මේ ඉරණම අත් නොවන බවය. ලංකාවේ මැති ඇමැතිවරුන්ට අනුව නම් මේ මිනිහා පල් මෝඩයෙකි.

ඔවුන්ට බලය ගිලිහී ගියත් මේ භවයේදී පමණක් නොව ඊළඟ භවයන් ගණනාවකටත් ඇති තරම් මදි නොකියන්නට හරිහම්බ කරගත් වස්තුව තිබේ. ඉතා ස්වල්ප දෙනකු පමණක් මේ ගණයට අයත් නොවන බවත් කිව යුතුය. ඇමැතිවරුන් පමණක් නොව ඔවුන්ගේ සමීප ඥාතියකුවත් කැබ් රියැදුරකු වන්නේ නැත. ඒ වෙනුවට කැබ් රථ සේවාවක අයිතිකරුවකු වීමේ වරමට නම් හිමිකම් කිව හැකිය.

මේ රටේ බොහොමයක් මැති ඇමැතිවරුන්ගේ දූ දරුවන් අධ්‍යාපනය ලබන්නේ යුරෝපයේ හෝ අමෙරිකාවේ හෝ ඕස්ට්‍රේලියාවේ උසස් අධ්‍යාපන ආයතනවල බව ප්‍රසිද්ධ රහසකි. ඔවුන්ගේ ඉගෙනීම් හැකියාව පිළිබඳ අපි කතා නොකරමු. එහෙත් තම දූ දරුවන් වෙනුවෙන් වියදම් කිරීමට මැති ඇමැති තාත්තලාට ඇති තරම් ධනය තිබෙන බව පමණක් සඳහන් කළ යුතුය. ඒ කාලයේ තිබූ තැපැල් නයින්ටි බයිසිකලේ තල්ලු‍ කරගෙන යන්තම් පළාත් පාලන ඡන්දයෙන් පාලනයට එක් වූ සමහර දේශපාලනඥයන්ට අද නැව්, වතු, පිහිනුම් තටාක සහිත නිවෙස් පමණක් නොව විවිධ ව්‍යාපාර ද තිබේ.

සමහරුන්ට එංගලන්තයේ, අමෙරිකාවේ, ඕස්ට්‍රේලියාවේ තමන්ටම කියා නිවාස ද තිබේ. තවත් සමහරුන්ට වෙනත් රට රාජ්‍යවල විවිධ ව්‍යාපාර පවා තිබෙන බවද මේ රට තුළම අති සුඛෝපභෝගී නිවාස තෑගිවලට පවා ලැබී තිබෙන බව ද සඳහන් කළ යුතුය.

කම්කරු පක්ෂවල යන්තමින් එල්ලී මෝටර් සයිකලයේ කොළඹ පැමිණ බෝල්පොයින්ට් පෑනෙන් අත්සන ගැසූ ඇතැම් දේශපාලනඥයන්ට අද කොළඹ නගරයේ පමණක් නොව ඕස්ට්‍රේලියාවේ පවා නිවෙස් තිබේ. ඒ ගණයට වැටෙන මැති ඇමැතිලා තම බිරිඳට හෝ දුවට පුතාට උපන් දින තෑගි වශයෙන් ලබා දෙන්නේ බී.එම්.ඩබ්ලිව්, බෙන්ස් වැනි කාර්ය.

ඒවායේ ප්‍රතිඵල වශයෙන් බිමටම සමතලා වුණු ආර්ථිකයක් රටට උරුම වීම නිසා ලංකාවට සියලු‍ වාහන පමණක් නොව චීස්, බටර් ගෙන්වීම පවා නැවැතී තිබේ. එහෙත් උපන්දින තෑගි නම් වෙනත් ආකාරයට ලබා දීමට ඔවුන්ට කිසිදු නොහැකියාවක් නැත.

ලංකාවේ නම් මැති ඇමැතින් කවදාවත් අමෙරිකාවේ වැනි රටක වුවද කැබ් රියක් පදවන තත්ත්වයට වැටෙන්නේ නැත. ලංකාව තුළම අමෙරිකානු සුඛෝපභෝගී ජීවිතයක් ගත කිරීමට අවශ්‍ය වන ධනය හරිහම්බ කර ගැනීමට ක්‍රම සහ විධි තිබේ. ඇමැති වගේම ඔවුන්ගේ පවුල්වල අයට පමණක් නොව ඔවුන්ගේ ගජ මිතුරන්ට ද වාහන තබා ගැනීමට ඇති තරම් ධනය තිබේ. දුප්පත් රටවල් බොහොමයක් දුප්පත් බවේම රැඳී සිටින්නේ මේ දහජරා දේශපාලන සංස්කෘතිය හේතුවෙනි.

අප රටේ වුවද රියැදුරු රැකියාව සලකන්නේ අධ්‍යාපන මට්ටම අඩු පිරිසට අයිති රැකියාවක් වශයෙනි. එහෙත් කිසිදු සුදුසුකමක් නැති ඇතැම් පුද්ගලයන් පාර්ලිමේන්තුවට ඡන්දයෙන් පත්වී පිල් මාරු කරමින් හෝ මැති ඇමැති පට්ටම් ලබාගෙන පරම්පරා ගණනකට හම්බ කර ගනිති.

රටේ ජනතාව අපා දුක් විඳිති. එවැනි මැති ඇමැතින්ගේ ඥාතීන් රාජ්‍ය ආයතනවල ඉහළ තනතුරුවලට පත්වීම් ලබා එම ආයතනවල රීරි මාංසද උරා ගනිති. ඇෆ්ගන් හිටපු මුදල් ඇමැති පයේන්දා පල් මෝඩයකු හැටියට ලංකාවේ දේශපාලනඥයන් දුටුවොත් එය පුදුමයට කරුණක් ද? නැත.

(***)



අදහස් (0)

ඇමෙරිකාවේ ටැක්සි එලවන ඇෆ්ගනිස්ථාන හිටපු ඇමැති

ඔබේ අදහස් එවන්න

විශේෂාංග

ළමයින්ට මුල් තැන දෙන්න
2024 ඔක්තෝබර් මස 01 277 0

ශ්‍රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා


කෑලි කැඩුණු උතුරේ දේශපාලනය
2024 සැප්තැම්බර් මස 11 1206 1

රටේ අන් පෙදෙස්වල දේශපාලනය සේම උතුරේ දේශපාලනය ද දෙකඩ වී තිබේ. උතුරේ ප්‍රධාන දේශපාලන පක්ෂය වන දෙමළ ජාතික සන්ධානය දෙකඩ වූයේ පළමුව එහි සෙසු පක්ෂ ප්‍රධාන පක


රනිල්ගේ සම්පූර්ණ ප්‍රතිපත්ති ප්‍රකාශය මෙන්න
2024 සැප්තැම්බර් මස 03 588 0

ජීවන වියදම සහ ජීවන බර අඩු කිරීමට නම් කළ යුත්තේ රට පල්ලම් බැසීමේ වේගයට තිරිංග තමා රට දියුණු වීමේ වේගය වැඩි කිරීම බව ජනාධිපති රනිල් වික්‍රමසිංහ මහතා’’ පු


අපෙක්ෂකයන්ගේ කැරට් කතා
2024 අගෝස්තු මස 30 1051 5

ජනාධිපතිවරණ තරගය, මැතිවරණ කොමිසම නිල වශයෙන් ප්‍රකාශ කිරීමට මාස කිහිපයකට පෙර සිටම අඩු වැඩි වශයෙන් ආරම්භ වූ අතර, සියලුම අපේක්ෂකයන්ගෙන් සුරංගනා කතා දැන්


මාලිමාව රට හදන්නේ මෙහෙමයි
2024 අගෝස්තු මස 28 1795 6

ජාතික ජන බලවේගය සිය ජනාධිපතිවරණ ප්‍රතිපත්ති ප්‍රකාශය පෙරේදා (26) එළිදැක්වීමට පියවර ගත්තේය. එය නම් කර ඇත්තේ, “පොහොසත් රටක් ලස්සන ජීවිතයක්”‍ යනුවෙනි.


ඉන්දියාව සහ චීනය දිනවන ලංකාවේ ඡන්ද
2024 අගෝස්තු මස 27 1333 0

ජනාධිපතිවරණයක දී මුලින්ම විදේශයක මුද්‍රණය කරන ලද පෝස්ටර් කලඑළි බැස්සේ රණසිංහ ප්‍රේමදාස ජනාධිපතිවරයා ජනපති සටන මෙහෙයවනවාත් සමගය. රණසිංහ ප්‍රේමදාස අ


මේවාටත් කැමතිවනු ඇති

BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි 2024 නොවැම්බර් මස 05 530 0
BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි

වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව

සියපත ෆිනෑන්ස් පීඑල්සී මතුගම ශාඛාව දැන් විවෘතයි 2024 ඔක්තෝබර් මස 18 743 0
සියපත ෆිනෑන්ස් පීඑල්සී මතුගම ශාඛාව දැන් විවෘතයි

සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 2067 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

Our Group Site