(රොයිටර් ඇසුරිනි - සැකසුම නිලුක සඳුන් බණ්ඩාරනායක)
වසර විස්සකට පෙර මියගිය තම මවගේ අභාවයෙන් ඇති වූ ශෝකය පාලනය කරගැනීමට වෛද්ය උපදෙස් ලබාගත් බව බ්රිතාන්ය හැරී කුමරු ලන්ඩන් නුවර ඩේලි ටෙලිග්රාෆ් පුවත්පතට ප්රකාශ කළේය.
1997දී පැරීසියේදී සිදුවූ රිය අනතුරකින් ඩයනා කුමරිය මිය යන විට ඇගේ පුත් හැරී කුමරුට වයස අවුරුදු 12 කි.
“ඇගේ අභාවයෙන් පසු මම අවස්ථා කිහිපයක දීම මානසිකව වැටුණා. එය මගේ වැඩ කටයුතුවලට මෙන්ම පෞද්ගලික කටයුතුවලටත් විශාල බලපෑමක් ඇති කළා“හැරී කුමරු කීවේය.
“ඇගේ අභාවයෙන් පසු ඇතිවුණු ශෝකය පාලනය කරගැනීම ඉතාමත් අපහසු වුණා. අම්මා ගැන සිතන්නට පවා මම අකමැති වුණා“
“හිතුවා කියලා මොකද වෙන්නෙ? ඒකෙන් වෙන්නේ මම තවත් දුකට පත් වෙන එක විතරයි. ඇය ගැන හිතුවා කියලා ඇය ආපසු එන්නේ නැහැනේ“ යයි ඩේලි ටෙලිග්රාප් පුවත් පත සමග පැවැති සම්මුඛ සාකච්ඡාවකදී හැරී කුමරු ප්රකාශ කළේය.
“හැඟීම්වලට මම කිව්වා ‘හරි, කීයටවත් හැඟීම්වලට කිසිම දේකට එන්න දෙන්න එපා“ යයි හැරී කුමරු සිය මවගේ මරණයෙන් වසර 20 කට පසුව මවගේ මතකය පිළිබඳ හඬ අවදි කළේය.
මේ සම්බන්ධයෙන් උපකාර හා උපදෙස් ගන්නා ලෙසට ඔහුගේ වැඩිමල් සහෝදරයා වන විලියම් කුමරු කිහිප වතාවක් තමන්ව දිරිමත් කළ බව හැරී කුමරු කීවේය.
ඩයනා කුමරියගේ අකල් මරණයෙන් හැරී කුමරු කෙතරම් කම්පනයට පත්ව සිටියේදී යත් අවස්ථා කිහිපයකදීම ‘කාටහෝ පහරදීමට පෙළඹීම‘ හේතුවෙන් බොක්සිං ක්රීඩා කිරීමට හැරී කුමරු පෙළඹුණේය. ඔහු වසර දෙකකට ආසන්න කාලයක් පූර්ණ ව්යාකූල තත්ත්වයෙන් පෙළුණේය.
ඩයනා කුමරිය 1981-1996 කාලය තුළ බ්රිතාන්ය කිරුළ හිමි චාල්ස් කුමරු සමග විවාහ වී සිටියාය. ඔවුන් දික්කසාද වී දින කිහිපයකින් පසුව ඩයනා කුමරිය සහ ඇයගේ එවකට පෙම්වතාව සිටි ඩොඩී අල් ෆායිඩ් ගමන්ගත් මර්සිඩීස් බෙන්ස් රථය ප්රංශයේදී උමං මාර්ගයකදී අනතුරට පත්විය. මෙම අනතුරෙන් දෙදෙනාම මරු දුටහ.
මිය යන්නට මොහොතකට පෙර ඇය ගමන්ගත් මෝටර් රිය පසුපස පැපරාසීන් යතුරු පැදිවලින් ලුහුබැඳ ගියහ. ඔවුන්ගේ අරමුණ වූයේ බ්රිතාන්යයේ ටැබ්ලොයිඩ් පුවත් පත් සඳහා පෙම්වතුන් දෙදෙනාගේ ඡායාරූප සැපයීමයි.
එංගලන්ත රජ කිරුළට දැනට සිටින උරුමක්කරුවන් අතරේ පස්වෙනි තැනට පත්ව සිටින හැරී කුමරු පැවසුවේ තමන්ට මව නැතිවීමේ සාංකාව තිබූ බවයි. නමුත් දැන් තමන් හොඳ තත්ත්වයකින් පසුවන බවද කුමරු කියයි.
හැරී කුමරු වසර 10 කට වැඩි කාලයක් බ්රිතාන්ය හමුදාවේ සේවය කළේය. දෙවරක් ඇෆ්ගනිස්ථාන යුද්ධවලටද ඔහු සහභාගී වුවේය. වර්තමානයේ දී ඔහු සමාජ සත්කාර සංවිධාන සමගින් කටයුතු කරයි. තුවාල ලැබූ හමුදා සෙබළුන්ට උපකාර කිරීමේ සංවිධානයක් සමගින් ද ඔහු කටයුතු කරයි. ඒ සඳහා විලියම් කුමරු හා ඔහුගේ බිරිඳ කැතරින් ද සහය පළකරයි. විලියම් කුමරු මානසික සෞඛ්ය පුණ්යයාතනයක් පවත්වාගෙන යයි.
“පසුගිය වසර දෙක හමාර තුළ වූ ක්රියාවලිය නිසා මට දැන් මගේ වැඩකටයුතු ගැඹුරින් කිරීමට හැකියාව ලැබී තිබෙනවා. මගේ පෞද්ගලික ජීවිතයත් හොඳින් ගෙවීමට මට හැකියාව ලැබිලා තියෙනවා. මගේ ජීවිතය වෙනස් කරගන්න හැකි දේවල්වලට මගේ දහඩිය, කඳුළු වැය කිරීමට මට දැන් හැකියි“ හැරී කුමරු කීවේය.
ඩයනා කුමරිය විසින් හැරී කුමරු වඩාගෙන සිටියදී
ඩයනා කුමරිය අනුස්මරණ උද්යානයේ ඡායාරූප ගන්නා සංචාරකයන්
කෙන්සිංග්ටන් මාළිගයේ පිහිටි ඩයනා කුමරිය අනුස්මරණ උද්යානය
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
රටේ අන් පෙදෙස්වල දේශපාලනය සේම උතුරේ දේශපාලනය ද දෙකඩ වී තිබේ. උතුරේ ප්රධාන දේශපාලන පක්ෂය වන දෙමළ ජාතික සන්ධානය දෙකඩ වූයේ පළමුව එහි සෙසු පක්ෂ ප්රධාන පක
ජීවන වියදම සහ ජීවන බර අඩු කිරීමට නම් කළ යුත්තේ රට පල්ලම් බැසීමේ වේගයට තිරිංග තමා රට දියුණු වීමේ වේගය වැඩි කිරීම බව ජනාධිපති රනිල් වික්රමසිංහ මහතා’’ පු
ජනාධිපතිවරණ තරගය, මැතිවරණ කොමිසම නිල වශයෙන් ප්රකාශ කිරීමට මාස කිහිපයකට පෙර සිටම අඩු වැඩි වශයෙන් ආරම්භ වූ අතර, සියලුම අපේක්ෂකයන්ගෙන් සුරංගනා කතා දැන්
ජාතික ජන බලවේගය සිය ජනාධිපතිවරණ ප්රතිපත්ති ප්රකාශය පෙරේදා (26) එළිදැක්වීමට පියවර ගත්තේය. එය නම් කර ඇත්තේ, “පොහොසත් රටක් ලස්සන ජීවිතයක්” යනුවෙනි.
ජනාධිපතිවරණයක දී මුලින්ම විදේශයක මුද්රණය කරන ලද පෝස්ටර් කලඑළි බැස්සේ රණසිංහ ප්රේමදාස ජනාධිපතිවරයා ජනපති සටන මෙහෙයවනවාත් සමගය. රණසිංහ ප්රේමදාස අ
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 බ්ලූ ප්ලැනට් ත්යාගලාභී මොහාන් මුණසිංහ මහතා, 2025 අප්රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්යක්ෂක හසිත් ප්රේමතිලක මහතා සහ හේලීස් සෝලාහි අධ්යක්ෂක/ප්රධාන විධායක නිලධාරී රොෂේන් පෙරේරා මහතා සමඟ කතාබ
අප්රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
මවගේ මරණයෙන් කම්පනයට පත් හැරී කුමරු පහර දීමට පෙළඹෙයි
wicky Monday, 17 April 2017 09:30 PM
තම මවගේ වියෝව ඕනෑම දරුවෙකුට දරාගන්න අමරුය් තමා. ඔය විදිහටම පොඩ්ඩක් හිතුවනම් එදා ඉදල තමන්ගේ මහා ලොකු රජ පවුල විසින් මුළු ලෝකේ පුරාම මොනතරම් මව්වරු, පියවරු, දරුවෝ, පවුල් පිටින් සමුල ඝාතනය කලද කියල. කොලුවෝ, මේ ලෝකේ එක ඇත්තක් තියෙනවා; රජකම් කලත් කළකම් පලදෙනව!
akila Tuesday, 18 April 2017 02:02 PM
ඔබේ හිතේ වෛරය පිරිලා ඉන්නේ. හැම රජ පවුලක් නිසාම මිනිස්සු මැරිලා තියෙනවා.
ගිහාන් ප්රනාන්දු Tuesday, 18 April 2017 06:20 PM
දරුවෙක්ට අම්මා නැති අඩුව රජකම ලැබුනත් පුරවන්න බෑ. වැඩිහිටියන්ගේ අමන ක්රියා නිසා දුක් විඳින්නේ දරුවෝ. රාජකීය පවුලකට එකතු වුනත්, කොතරම් රූප සම්පන්න වුනත් දරුවො ඉන්න අම්ම කෙනෙක් විදියට ඩයනා කරපු දේ නම් ඉතාමත් වැරදියි. කොහොම වුනත් ඇයට ජීවිතයෙන් වන්දි ගෙවන්න වීම පිළිබඳව නම් කණගාටුයි.