බෙල්ලන්විල පෙරහර බලන්නට පැමිණි කාන්තාවක විදුලිබල මණ්ඩලය විසින් සිදු කළ සැරසිල්ලකින් සිදුවූ විදුලි කාන්දුවකින් විදුලි සැර වැදී මිය ගිය පුවත නොබෝදා අප පුවත්පත වාර්තා කළේය.
මහනුවර ඇසළ පෙරහරේ අලි කුලප්පු වීම නිසා හටගත් කලබලයෙන් පෙරහර බලන්නට පැමිණ සිටි පිරිසක් නොසන්සුන්ව තුවාල ලැබූ පුවත ඊට පසුදා එනම් විසිතුන් වැනිදා වාර්තා විය. ඒ පිළිබඳ වීඩියෝ දර්ශන අන්තර්ජාලයේ සමාජ මාධ්යවල ප්රදර්ශනය වූයේය.
මහජනයා රැස්වන ස්ථානවල අනතුරු වළක්වා ගැනීම උදෙසා පූර්වෝපායන් සලසා ගැනීම කෙරේ දක්වන සැලකිල්ල ප්රමාණවත් නොවන බව මෙම සිද්ධි දෙකෙන්ම පෙනී යයි. එම අනතුරු වළක්වා නොගැනීම සම්බන්ධයෙන් වගකිවයුත්තන් සෙවීමත් ඔවුන්ට විරුද්ධව කටයුතු කිරීමත් වෙනම කාරණයකි. එහෙත් මෙම සිද්ධි පාඩමකට ගෙන ඉදිරියේදී සිදුවිය හැකි අනතුරු වළක්වා ගැනීම ඉතාමත් වැදගත් වේ.
ප්රජාවගේ මට්ටමිනුත් ජාතික මට්ටමිනුත් ප්රජා අනතුරු වළක්වා ගැනීම කළ යුතු බවට දෙන අනතුරු හැඟවුමක් ලෙස සලකා මෙම විෂය සම්බන්ධයෙන් දැඩි සැලකිල්ල යොමු කිරීමෙන් මිනිස් ජීවිත බොහෝ ගණනක් බේරා ගත හැකිය.
මහනුවර ඓතිහාසික ඇසළ මහා පෙරහර සියවස් කීපයක් තිස්සේ පවත්වාගෙන එන උත්සවයකි. එම පෙරහරේ අලි කුලප්පු වීම නිසා මහජනයා නොසන්සුන් වී තුවාල ලැබූ ප්රථම අවස්ථාව මෙය නොවේ.
පෙරහර සංවිධායකයන් තමන්ගේ ජීවිත කාලයටත් පෙර සිදු වූ මෙවැනි සිද්ධි පිළිබඳ අසා දැනගෙන ඉන්නා ඇත්තෝ වෙති. එම නිසා අලි කුලප්පු වීමේ අවදානම අඩු කිරීම හා අලි කුලප්පු වීම හේතුවෙන් මහජනයා කැළඹී බියට පත් වීමේ අවදානම අඩු කිරීම සඳහා ගත යුතු පියවර පිළිබඳ අවබෝධයක් පෙරහර සංවිධායකයන්ට තිබිය යුතුය.
පෙරහරේ සංසුන්ව ගමන් කළ නොහැකි අලි ඇත්තු සිටිත් නම් මෙම සතුන් හඳුනා ගැනීම පෙරහරට මෙම සතුන් එක් කරගැනීමට පෙරාතුවම කළ යුත්තකි. අලි කුලප්පු වීමේ අවදානමක් ඇත්නම් ඊට කළ යුතු පිළියම් ද කලින් දැන සිටිය යුතුය. සතුන් තෝරා ගැනීම උන්ගේ ඇත්ගොව්වන්ට උන් කෙතරම් දුරට පාලනය කරගත හැකිද යන්න පිළිබඳ පූර්ව අවබෝධයක් තිබීම වැදගත්ය.
මේ ලෝකේ සත්ව හිංසාව පිළිබඳ මානයන් අලුත් වන යුගයකි. අලින් මේච්චල් කිරීම දී යොදා ගන්නා උපක්රම සත්ව හිංසාව පිළිබඳ නව අදහස් දරන නව පරම්පරාව ශිෂ්ට ඒවා ලෙස නොපිළිගනිති. සමාජ මාධ්යවල ඔවුන් දක්වන අදහස්වලින් ඒ බව පිළිබිඹු වේ. ඒවා අහිංසාව පිළිබඳ බෞද්ධ මතයට ද පරස්පර වූ මත නොවේ.
පෙරහර යනු මෙරට සම්ප්රදායික කලා මංගල්යයකි. එවැනි උත්සව නිසා සංචාරකයෝ වැඩි වැඩියෙන් මෙරටට එන්නට පෙළඹෙති. එනිසා වඩාත් සාධනීය අයුරින් පෙරහරේ පැවැත්ම තහවුරු විය යුතුය. ඒ සඳහා ප්රජා ආරක්ෂාව පිළිබඳ කරුණුත්, සත්ව හිංසාව වැළැක්වීම පිළිබඳ කරුණුත්, එක සේ සලකා නිසි ක්රියාමාර්ග ගත යුතු වේ.
ප්රජාව සහභාගි වන ස්ථානවල සිදුවිය හැකි සෑම අනතුරක්ම මැන බලා පූර්ව තීරණ ගත යුතු බව බෙල්ලන්විල සිද්ධියෙන් පෙනේ.
ප්රජා අනතුරු වළක්වා ගැනීම සම්බන්ධ විෂය අලුත් ලෝකය තුළ වඩාත් සැලකිල්ලට ලක් වූ විෂයකි. මහජනයා රැස්වන ස්ථාන කර්මාන්තශාලා හෝ නිවසේදී සිදු විය හැකි හදිසි අනතුරු හා ඒවා වළක්වා ගැනීමේ දැනුම දැන් විෂයක් ලෙස ගොනු කර ඇත.
විදුලි බලයෙන් සිදුවන අනතුරු වළක්වා ගැනීම පිළිබඳ පොතක් තරම් කරුණු අන්තර්ජාලයේ ඇත. විදුලිබල මණ්ඩලයේ සැරසිලි කණුවකින් විදුලිය කාන්දු වීමත් එයින් මහජනයාට විදුලි සැර වැදීමත් ඒ නිසාම ජීවිත හානි වීමත් අතිශය කනගාටුදායකය.
විදුලි සැර වැදීම වළකාලන තාක්ෂණය දියුණුව පවතින වර්තමානයේ එසේ සිදුවීම වඩාත් ශෝකය දනවන්නකි.
(***)
රටේ අන් පෙදෙස්වල දේශපාලනය සේම උතුරේ දේශපාලනය ද දෙකඩ වී තිබේ. උතුරේ ප්රධාන දේශපාලන පක්ෂය වන දෙමළ ජාතික සන්ධානය දෙකඩ වූයේ පළමුව එහි සෙසු පක්ෂ ප්රධාන පක
ජීවන වියදම සහ ජීවන බර අඩු කිරීමට නම් කළ යුත්තේ රට පල්ලම් බැසීමේ වේගයට තිරිංග තමා රට දියුණු වීමේ වේගය වැඩි කිරීම බව ජනාධිපති රනිල් වික්රමසිංහ මහතා’’ පු
ජනාධිපතිවරණ තරගය, මැතිවරණ කොමිසම නිල වශයෙන් ප්රකාශ කිරීමට මාස කිහිපයකට පෙර සිටම අඩු වැඩි වශයෙන් ආරම්භ වූ අතර, සියලුම අපේක්ෂකයන්ගෙන් සුරංගනා කතා දැන්
ජාතික ජන බලවේගය සිය ජනාධිපතිවරණ ප්රතිපත්ති ප්රකාශය පෙරේදා (26) එළිදැක්වීමට පියවර ගත්තේය. එය නම් කර ඇත්තේ, “පොහොසත් රටක් ලස්සන ජීවිතයක්” යනුවෙනි.
ජනාධිපතිවරණයක දී මුලින්ම විදේශයක මුද්රණය කරන ලද පෝස්ටර් කලඑළි බැස්සේ රණසිංහ ප්රේමදාස ජනාධිපතිවරයා ජනපති සටන මෙහෙයවනවාත් සමගය. රණසිංහ ප්රේමදාස අ
ජාතික ජන බලවේගයේ නායකයා වන අනුර කුමාර දිසානායක සැප්තැම්බරයේ පැවැත්වෙන ජනපතිවරණයට ඉදිරිපත්වන අපේක්ෂකයෙකි. තමා ජනපතිවරණය ජයග්රහණය කළහොත් කිසිවෙකුග
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ජනතාව රැස්වන තැන්වල විදුලි සැරසිලි පරෙස්සමින් ඕනෑ