(සමන්ත යහම්පත්)
ජාතික කලාභවනේ පිහිටි ජාතික කලාගාරයෙන් වසර 93ක් පැරැණි චිත්රයක් අලුතින් සොයාගැනීමට හැකිවී ඇත.
එම චිත්රය සොයාගෙන ඇත්තේ තවත් චිත්රයක් ඇතුළෙන් වීම විශේෂත්වයකි.
ප්රවීණ චිත්රශිල්පී, චිත්ර කලා ගුරු මුදලිඳු ඒ.සී.ජේ.එස්. අමරසේකර මහතා විසින් 1928 දී අඳින ලද කාන්තාවගේ රුවක් සහිත චිත්රයක් ඔහු විසින්ම 1964 වසරේ දී ඇඳි ආනන්ද සමරකෝන් මහතාගේ චිත්රය ඇතුළෙන් සොයා ගැනීමට මෙලෙස හැකි වී තිබේ.
සොයාගත්තේ ඇමෙරිකානු චිත්ර සංරක්ෂික ජෙනිෆර් මයර්ස්
මෙම චිත්රය සොයාගනු ලැබුවේ ජාතික කලාභවනේ පිහිටි චිත්ර සංරක්ෂණය කිරීම සඳහා උපදේශකත්වය ලබාදීමට ඇමෙරිකාවේ සිට මෙරටට පැමිණ සිටින ප්රවීණ තෙල්සායම් චිත්ර ශිල්පිනියක හා චිත්ර සංරක්ෂිකාවක වන ජෙනිෆර් මයර්ස් මහත්මිය විසිනි.
ආනන්ද සමරකෝන් මහතාගේ චිත්රයට දූවිලි අංශු වැදී තිබෙන ආකාරයේ වෙනසක් දුටු ඇය එහි ඇතුළත තවත් චිත්රයක් තිබෙන බවට ප්රකාශ කර ඇත. අනතුරුව චිත්රයේ කැන්වස් රෙද්ද ගැලවීමේ දී තවත් චිත්රයක් එහි තිබෙන බව සොයාගැනීමට හැකි විය. එක් චිත්රයක් තිරස් අතටත්, අනෙක් චිත්රය සිරස් අතටත් ඇඳ තිබෙනු එහිදී දැකගත හැකි විය.
මෙම කලාගාරයේ චිත්ර සංරක්ෂණය කිරීමේ කටයුතුවල අධීක්ෂණ කටයුතු කරන සංස්කෘතික කටයුතු අධ්යක්ෂ තරණි අනෝජා ගමගේ මහත්මිය පැවසුවේ ජෙනිෆර් මහත්මිය නොවන්නට එම චිත්රය සදාකාලිකව වැසී තිබෙන්නට ඉඩ තිබූ බවය.
එහි චිත්ර 239ක් හා මූර්ති 11ක් සංරක්ෂණය කිරීමේ කටයුත්ත කමිටුවක් මගින් සිදුකරන බවත්, මේ සඳහා බුද්ධ ශාසන හා සංස්කෘතික කටයුතු අමාත්යාංශයේ ලේකම් මහාචාර්ය කපිල ගුණවර්ධන මහතා විශාල උනන්දුවක් හා සහයෝගයක් ලබාදෙන බවත් ඇය කීවාය. අලුත් චිත්රය නිසා චිත්ර 240ක් සංරක්ෂණය කිරීමට සිදුවී ඇති බව අධ්යක්ෂවරිය කියා සිටියාය.
අලුතින් සොයාගත් චිත්රය බොහෝදුරට ඉන්දියානු කාන්තාවකගේ විය හැකි බවට අනුමාන කෙරේ. මුදලිඳු අමරසේකර මහතා එවකට තානාපතිවරුන් සමඟ ඉතා සුහදව ළඟින් ඇසුරු කර ඇති බවත්, ඔවුන්ගේ භාර්යාවන් සිතුවමට නඟා ඇති නිසා එසේ සිතන්නට හැකි බවත් ජාතික කලාගාරයේ අභිරක්ෂක හිරන්ති මධුෂානි ප්රනාන්දු මහත්මිය මේ පිළිබඳව කළ විමසීමේ දී පැවසුවාය.
මෙම චිත්ර සංරක්ෂණය කිරීමේ කටයුතු මේ දිනවල සිදුකරන අතර, ඒ සඳහා මධ්යම සංස්කෘතික අරමුදල සංස්කෘතික දෙපාර්තමේන්තුව, ජාතික කලාභවන එක්ව කටයුතු කරයි.
මෙහි චිත්ර සංරක්ෂණය කිරීමේ කටයුත්ත භාරව සිටින ප්රවීණ චිත්ර ශිල්පියකු, විශ්වවිද්යාල චිත්ර කලා අංශ ප්රධානියකු වන මහාචාර්ය ජගත් වීරසිංහ මහතා පැවසුවේ ජෙනිෆර් මහත්මිය ඉතා ඕනෑකමින් මේ කටයුත්තට අවශ්ය සැලසුම් ඉදිරිපත් කරන බවය.
අවුරුදු 40ක් තිස්සේ චිත්ර ශිල්පීන් කළ ඉල්ලීම් ඉටුකරන්නට හැකිවීම විශාල භාග්යයක් බවත්, ඇය මෙරටට නොඑන්නට අලුත් චිත්රය සොයාගැනීමට නොහැකි වන වා සේම ප්රථම වතාවට චිත්ර සංරක්ෂණ සැලැස්මක් පවා හැදීමට ඉඩක් නොලැබෙන බවත්, ඔහු කීවේය.
මෙම අලුත් චිත්රය සොයාගැනීමේ කටයුත්තට මහාචාර්ය ජගත් වීරසිංහ, සංස්කෘතික කටයුතු අධ්යක්ෂ තරණි අනෝජා ගමගේ, කලාගාරයේ අභිරක්ෂක හිරන්ති මධුෂානි, මධ්යම සංස්කෘතික අරමුදලේ සංරක්ෂණ නිලධාරී ශාන්ත, සංස්කෘතික කටයුතු දෙපාර්තමේන්තුවේ ඒ.ටී.එම්. අධිකාරී යන මහත්ම මහත්මීහු ද ජෙනිෆර් මයර්ස් මහත්මියට සහාය වූහ.
(ඡායාරූප- රුෂිරු කොළඹතන්ත්රී)
රටේ අන් පෙදෙස්වල දේශපාලනය සේම උතුරේ දේශපාලනය ද දෙකඩ වී තිබේ. උතුරේ ප්රධාන දේශපාලන පක්ෂය වන දෙමළ ජාතික සන්ධානය දෙකඩ වූයේ පළමුව එහි සෙසු පක්ෂ ප්රධාන පක
ජීවන වියදම සහ ජීවන බර අඩු කිරීමට නම් කළ යුත්තේ රට පල්ලම් බැසීමේ වේගයට තිරිංග තමා රට දියුණු වීමේ වේගය වැඩි කිරීම බව ජනාධිපති රනිල් වික්රමසිංහ මහතා’’ පු
ජනාධිපතිවරණ තරගය, මැතිවරණ කොමිසම නිල වශයෙන් ප්රකාශ කිරීමට මාස කිහිපයකට පෙර සිටම අඩු වැඩි වශයෙන් ආරම්භ වූ අතර, සියලුම අපේක්ෂකයන්ගෙන් සුරංගනා කතා දැන්
ජාතික ජන බලවේගය සිය ජනාධිපතිවරණ ප්රතිපත්ති ප්රකාශය පෙරේදා (26) එළිදැක්වීමට පියවර ගත්තේය. එය නම් කර ඇත්තේ, “පොහොසත් රටක් ලස්සන ජීවිතයක්” යනුවෙනි.
ජනාධිපතිවරණයක දී මුලින්ම විදේශයක මුද්රණය කරන ලද පෝස්ටර් කලඑළි බැස්සේ රණසිංහ ප්රේමදාස ජනාධිපතිවරයා ජනපති සටන මෙහෙයවනවාත් සමගය. රණසිංහ ප්රේමදාස අ
ජාතික ජන බලවේගයේ නායකයා වන අනුර කුමාර දිසානායක සැප්තැම්බරයේ පැවැත්වෙන ජනපතිවරණයට ඉදිරිපත්වන අපේක්ෂකයෙකි. තමා ජනපතිවරණය ජයග්රහණය කළහොත් කිසිවෙකුග
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
වසර 93 ක් පැරැණි චිත්රයක් ජාතික කලාගාරයෙන් සොයාගැනේ