උදාවූ මෙම 2023 වසරේ ජනවාරි 17 වැනි අඟහරුවාදා දිනයේදී  සමාජයතුල පෙරළිකාර සිදුවීම් රැසක් ඇතිකරන ග්‍රහලොව පෙරලිකාර ග්‍රහයෙක් වන සෙනසුරු හෙවත් ශනි ග්‍රහයා වායෝගුණය අධිකම රාශීය වූ කුම්භ රාශීයට පැමිණීම සිදුවිය. වසර 30 කට වතාවත් රාශිවලල්ලේ එක් රාශි නාමයෙන් යුත් යම් රාශියකට මෙම සෙනසුරු ග්‍රහයාගේ පැමිණීම සිදුවන අතර මෙම 17 වැනි දින රාශිවලල්ලේ 11 වැනි රාශියට හෙවත් කුම්භ රාශියතුල ලැගුම් ගැනීම සිදුවන හෙයින් එතැන්සිට වසර 3 ක් පමණ කාලයක් මෙම කුම්භ රාශිය තුලම මෙම සෙනසුරු ග්‍රහයා ගතකරනු ඇත. 

ආකාස ගෝලයේ ක්‍රියාකාරී බලය සහමුලින්ම පතුරුවා හරින බලය කුම්භ රාශියතුල මතුවේ. එසේම පංචමහා භූත බලවේගයේ තිබෙන වායුභූතයේ ප්‍රකෘතිගුණය අධිකම රාශිය ද වන්නේ මෙම කුම්භ රාශියයි. ජ්‍යෝතිෂ නිර්නායනයට ද අනුවත් සෙනසුරු හෙවත් ශණි ග්‍රහයා ද වායෝගුණය අධිකවම ගැබ්ව ඇති ග්‍රහයා හෙයින් මෙම ග්‍රහ සංයෝගය කුම්භ රාශිය මත සංකලනය වීම පදනම් කොට මෙතෙක් යම් යම් පුද්ගලයන් තුල බලපාතිබූ අකර්මන්‍ය ස්වහාවය උකටලීභාවය මෙන්ම අළුත් වැඩකට සම්බන්ධවීමට අළුත් දෙයකට අතගැසිමට සිතතුල පැවති අවිනිශ්චිතතාවය සැකසන්කාව පහවගොස් සිතෙහි නව පිබිදීම උද්යෝගය අළුත් ආරම්භයකට සිත ඇදියාම නැවතත් ගොඩනැගීම සිදුවෙයි.

 විශේෂයෙන් මේෂ, මිථුන, සිංහ, කන්‍යා, ධනු, කුම්භ යන ලග්න හිමියන්ට මෙම ශනිගේ රාශි මාරුව සුබදායි අයුරින් ප්‍රතිපල ප්‍රධානය කලත් කටක, වෘශ්චික, මකර, මීන යන ලග්න හිමියන්ට මෙම ශනිගේ රාශි මාරුව සුබදායි අයුරින් ප්‍රතිපල ප්‍රධානය නොකරනු ඇත. තවද විශේෂයෙන් කිවයුතු කරුණක් වනුයේ මෙලෙස ඔබ කටක, වෘශ්චික, මකර, මීන යන ලග්නයකින් ඉපිද  ඒත් සමගම ඔබ පුනාවස නැකතේ 4 වැනි පාදයෙන් හා පුෂ-අස්ලිස යන නැකත්වලින් උපන් කෙනෙකු නම් සෙනසුරුගේ ඒරාෂ්ඨක අපළය ඔබට වඩාත් අහිතකර ලෙසටම බලපවත්වන බව අවබෝධයට ගෙන මෙලෙස ශනි ග්‍රහයා කුම්භ රාශියතුල ගතකරන කාලසිමාව පුරාවටම මෙන් ඔබ සම්මා සතියෙන් කටයුතු කලයුතුය යන්නයි. මොවුනට තම උත්පත්ති කේන්දර සටහන්හි ග්‍රහබලයෙහි ස්වභාවය පරිදි මෙන්ම බලපවත්නා සුබා සුබ දශා අනුදශා තත්ත්වයන් ද මුල්කොට භාග්‍ය වාසනාවේ අඩු වැඩි තත්ත්වයන් පෙන්නුම් කලත් සෙනසුරු ඒරාෂ්ඨක අපලයන් බලපවත්නා ඉහත සදහන් ලග්න හිමියන්, සෙම් රෝග, අංශභාග, අත්පා හිරීවැටීම්, රක්තවාත හෝ සන්ධි ඉදිමීම හා එවැනි වේදනා සහගත රෝගාබාධ වලින් පෙළෙමින් සිටින්නේනම් ඒවා ව්‍යාප්ත නොකර ගැනිමට වෛද්‍ය උපදෙස් පිළිපදින්න. ගමන් බිමන් වල යෙදෙන විටත් වාහන පැදවීම් වලදිත් හදිසි පීඩා අනතුරු ආබාධ වැනි දෙයින් ආරක්ෂාවන්න. මෙම කාලවල අධික වේගයෙන් වාහන ධාවනය සුදුසු නැත. වැටීම් තැලීම් ආදියෙන් අනතුරු තුවාල සිදුවන බැවිනි. අනවශ්‍ය කලබලය හා අපරික්ෂාකාරී වැඩ හේතුවෙන් දින ගනනාවක් ඔත්පලව සිටීමට නේවාසිකව ප්‍රතිකාර ගැනීමට සිදුවන රෝගාබාධ හදිසි අනතුරු වැනි දේටත් ලක්වන අවස්ථා බහුලවෙයි, පිටස්තර අයගෙන් පමණක් නොව, සේවක සේවකාදීන් හවුල් කරුවන් අතවැසියන් මගින් පවා කෙරෙන සොරකම්වලට අදාළව පාඩු හානි සිදුවිය හැකි අතර සේවකයෝ කරදර ඇති කරනු ඇත්තාහ. පොදුවේ සසදන කල මෙවැනි අහිතකර දෑ මධ්‍යයේම මෙන්, ඔබ රන් හා රෙදි පිළි මෙන්ම සම් භාණ්ඩ පිළිබඳ කටයුතු වලට අදාළ වෙළඳ ව්‍යාපාරයන්හි නියැලෙන්නේනම් එමගින් ධන ලාභ නිසි ආදායමක් ද ලැබිය හැක. ඇතැම් විට පොදු ව්‍යාපෘති, නිවාස හා වෙහෙර විහාර ආගමික ස්ථානවල අඩුපාඩු සපුරමින් පවුලෙන් පිටද ප්‍රසිද්ධියට හා යසසට පත්වනු ඇත. තම කටයුතුවල මනා නිපුණතාවක් ලබමින් එමගින් සැලකිය යුතු ලාභ ප්‍රයෝජන ද උපයා සපයා ගනු ඇත.

ඒරාෂ්ඨක අපලයේ පල විපාක :

තම කේන්දර සටහනෙහි හෙවත් හඳහනෙහි, සඳු සිටි රාශිය මතද එයින් 12 වැන්නේ හෝ 8 වැන්නෙහි ද ( ගෝචර වශයෙන් ) සෙනසුරු ග්‍රහයා හෙවත් ශණි ගමන් කරන කාලයේදී රජකුගේ වුවත් රාජ්‍ය බලය පහවයන බව ශාස්ත්‍ර නියමයයි. තමා නිරත ආර්ථික රැකියා ව්‍යාපාරාදිය හෙවත් තමාගේ ජීවනෝපාය ආදායම දුර්වල තාවයට පැමිණෙයි. දුක් විපත්තියට මෙන්ම ධනහානිය ද ඇතිකරයි. ඔබ කටක, වෘශ්චික, මකර, මීණ යන ලග්නයකින් ඉපිද  ඒත් සමගම ඔබ පුනාවස නැකතේ 4 වැනි පාදයෙන් හා පුෂ-අස්ලිස යන නැකත්වලින් උපන්කෙනෙකු නම් ඔබට සෙනසුරුගේ ඒරාෂ්ඨක අපළය බලපවතිනු ඇත.

මේ “සෙනසුරු ඒරාෂ්ඨක අපල කාලය යැයි ” උසස් යවනාචාර්‍ය්‍යවරයාගේ ද මතය වේ.

 එබැවින් යම් කලෙක ශණි ගෝචර වශයෙන් (12) (1) (2) (8) යන ස්ථාන හතරේ ගමන් කරන කාලවලත් තදබල අසුබ ඵල ඇතිකරයි.

මේ ඒරාෂ්ඨක අපල කාලවල ස්ථාන තනතුරු වල බලතල පිලිබද කරදර ප්‍රශ්න ගැටළු දුෂ්කර කාර්්‍යයන් සිදුවීම රාජභය සතුරු බිය මෙන්ම නීතිමය ගැටළු ප්‍රශ්න හෝ ඒ හා සමාන බන්ධන , රෝග පීඩා  ඥාති මිත්‍රාදීන්ගෙන් කරදර ඔබ විවාහකනම් ස්වාමි/භාර්‍ය්‍යාවගෙන් මෙන්ම දූ දරුවන්ගෙන් පවා අනවශ්‍ය කරදර ආදිය පවා ඇතිකරයි. ඔබ රජයේ හෝ පෞද්ගලික ආයතනයක රැකියා රාජකාරියක් කරන්නේනම් හෝ තනතුරු නිලතලයක් හොබවන්නේනම් එසේත් නැතහොත් ගමක නගරයක කොට්ඨාශයක පළාතක තනතුරක් නිලතලයක් වගකීමක් විධායක බලයක් දරන්නේනම්, හොබවන්නේනම්, බලතල නිලතල දරන්නේනම්, තමට වඩා උසස් ප්‍රධානීන්ගෙන් උසස් නිළධාරීන්ගෙන් විවිධ කරදර හිරිහැර ඇතිකොට බලතල කප්පාදුවටත්, කරදර ව්‍යාකූලතාවන්ට ලක්කිරීමටත් දඬුවම් මාරු ලබාදීමටත් හේතුයි. පොදුවේ මෙහිදී ශරීරය අවලක්ෂණවීම හෙවත් දුර්වර්ණ වීම, ශරීරයෙහි පිරිපුන් බවත්, කාන්තිමත් භාවයත්, අඩුවී යෑම, ශරීර ශක්තිය, චෛතසික උනන්දුව, බලය කීර්තිය, හීනවී යෑමද, අරබන නිරතවන වැඩකටයුතු ප්‍රමාදවීම හෙවත් කාර්්‍යය ප්‍රමාදය ද, තිබෙන පවතින ලැබෙන උපයන ධනය දේපළවල හානිය ද, ඥාති හිතවතුන්ගේ හෙවත් තමාට උදව් උපකාර කරන හිත මිතුරන්ගේ වියෝගවීමේ දුක් ද, බාහිර සතුරු කරදර වදබන්ධන රෝගපීඩා ආදි කරදර බාධක හදිසි විපත් ඇතිකරන බැවින් මේවා කෙරෙහිත් නිසි අවබෝධයකින් අවධාණයකින් තම දෛණික කාර්යය කටයුතුවල හා වගකීම් යුතුකම් රාජකාරීන් හි නිරත වෙන්න. 

මෙම කාලයතුල තමා යමක යම්කාර්්‍යයක කටයුත්තක මූලිකයෙකු වුණේ වී නමුත් ඔබ අන්‍යයන්ගේ අදහස් අනුව කටයුතු කිරීමට මිස තමාගේ තනි අදහසට තම මතයටම අන්‍යයන් පොළඹවා ගැනීමට තැත් නොකරන්න. තම ආදායම නිසිලෙස කළමණාකරනය කරගැනීමත් අසීරුවේ. ලැබුණොත් වියදම් කරයි. නැතහොත් නිශ්ප්‍රයෝජන ලෙස වියදම් වෙයි. මෙහිදී කලයුතු ආයෝජනයන් අතර නිශ්චල දේපළ මිළදී ගැනීම ඉදිකිරීම් හෝ ප්‍රතිසංස්කරණ කටයුතුවල නිරතවීම් වැනි ආයෝජන යන්ය,

යම් කලෙක ශණි ගෝචර වශයෙන් මෙලෙස ගමන් කරයි ද එසේ ගමන් කරන කාලපරාෂය තුලදී තමාගේ අත්‍යාවශ්‍ය කාර්්‍යය කටයුතු සාමාණ්‍ය පරිදි සිදුවුවත් දුක සන්තාපය මෙන්ම අවිනිශ්චිත තාවයෙන් යුක්තව වාසය කිරීමට සිදුවේ-

ශනිගේ ගමනින් ගෙනදෙන අශූභ ප්‍රතිපල සමනය වී  අපල පහකර ගැනීමට පහත සදහන් වත්පිළිවෙත් හි නිරතවන්න :-

තමාගේ ජීවන තත්ත්වයට ඔරොත්තූදෙන පරිදි තමන්ටකල හැකි, පහත සදහන් පුදපූජා නැතහොත් මින් එක්පූජාවක් හෝ හැකි සෙනසුරාදා දිනවල කරන්න. හැකිනම් සෑම මසකම ආරම්භක ශනි දිනයන්හිදී,

1 සතියේ සෙනසුරාදා දිනවල- ස්නානයකොට පිරිසිදුවී සන්සුන් සිතින් යුතූව, නිල්වන් මල් වර්ග හා නිල් කටරොළු මල්, යන මල්වලින් සැකසූ මල්වට්ටියක් මෙන්ම නිල්මානෙල්  හෝ නිල්කටරොළු, වැනි එක්මල් වර්ගයකින් මල් 108ක් ද සිද්ධස්ථානයක ඇති පූජනීය බෝධියකට පුදා, ගූගූල් මිශ්‍රකරගත් අගිල් කූඩු වලින් බෝධින් වහන්සේ වටා දුම් අල්ලා,  තල තෙල් අබ තෙල් පහන් දල්වා, පූජා කොට තමන්ට ආශීර්වාදකරගෙන ඉන්පසු මහාබ්‍රහ්ම දෙවිඳුන්ට එමපිං අනුමෝදම්කර, තම ඉටුදෙවියන්ට පිංදී, ප්‍රේතාදීන්ටත් පින් අනුමෝදම් කරන්න.

2. ඉතාදීප්තිමත් නිල්පාටින් යුත්, නැතහොත් විවිධ නිල් වර්ණ මිශ්‍ර රෙදි හෝ ඇඳූම්, මෙන්ම වියලි ආහාර දාව්‍ය මල්ලක් සමග ඊට තල හා උඳුපිටි මිශ්‍රකොට සැකසූ ආහාරයක්ද එක්කොට, නැතිබැරි දුගී දුප්පත් මහළු කෙනෙකූට  දන් දීම කළ යුතුයි. එමෙන්ම හැකිනම් ඒ සමගම පස්ලෝ වලින් සැකසූ ආභරණයක් ද පරිත්‍යාග කරන්න.

3. තමාගේ ජීවනවෘතතීයෙන් උපයාගත් මුදලෙන් මරණයට නියමවූ සතෙකූ මිලදී ගෙන :කළු මීදෙනක් *නිදහස් කර ඇරීමද අපලකාලය පසුවනතෙක් දිනපතා ඉඩකඩඇති වේලාවක නවගූණ පාඨකීමත් මෙනෙහිකිරීමත් යෝග්‍යයි.

4. මව්පියන්ට ගිලනුන්ට උපස්ථාන කිරීමත්, නැතිබැරි දුගී දුප්පත් මහළු කෙනෙකූට  දන් දීම කළ යුතුයි. එසේම මෙවැනි අසරණ පුද්ගලෙයෙකූට බෙහෙත් ආහාරපාන යනාදිය දිමත්, රෝගීවූ එවැනි පුද්ගලයෙකූ රැකබලා ගැනීමත්, අපලකාලය පසුවන තෙක් කරන්නේනම් හිතකරවේ.  

5. දීප්තිමත් නිල හෝ ඉන්‍දානීල මැණික් ඇල්ලූ, යකඩ-ඊයම් වැනි ලෝහ වලින් සැකසූ මුදුවක් තමා නිතර පැළඳීමෙන්ද ගුණ ලැබේ.

6. එසේම හැකිනම් අසරණ දුගී මහළුඅයෙකූට ඔහුගේ අවශ්‍යතාවය පරිදි පස්ලෝ වලින් සැකසූ ආභරණයක් තෑගිදෙන්න. එසේම රෝගී වී දුක්විදින පුරුෂයින් පමණක් සිටින නිවාසවලට  ආහාර දීමෙන් සංග්‍රහ කිරීමද, වියලි ආහාර දාව්‍ය, ඇඳුම් රෙදිපිළි, fඖෂධ උපකරණ පිරිනැමීමද, මෙම ශනිගෙන් හටගත් සියලු දෝෂ වළක්වා සැප ඇති කිරීමට විශේෂයෙන් හේතු වන්නේය.

එසේම ඔබ මෙම ඒරාෂ්ඨක කාලයතුල දී ලක්විය හැකි හදිසි ආබාධ ශාරීරික පීඩා ජීවන ගමනේ දුර්වල ස්වභාවය සමනයවීම උදෙසා දිනපතා ඉර උදාවන විටත් ඉර බැසයන විටත් මෘත්‍යුම්ජය ජපය කියවීම කරන්න.                

             (මෘත්‍යුම්ජය ජපය)

ඕම් හ්‍රීං ජුං සක් නම ශිවාය ඉරු දින අස්විද ශූභ නක්ෂස්ත්‍රෙණ මේෂ රාශිය්‍යාම් ජාතස්‍ය මාගේ දේහස්‍ය තිදෝෂ කෝප සමස්ථ රෝගාං නාසනන් භූත ව්‍යාද්‍ධි උපද්දාාම් මෝචය ශිව ශිව නසක් ජුං ශ්‍රීං ආයුවර්ධන ආයුවර්ධනාම් ස්වාහා... 

ඕම් ජුං සක් නම ශිවාය, මාගේ දේහස්‍ය කපවාත පිත්තාදී සමස්ථ රෝගාම් නාසය නාසය මෘත්‍යුම් මෝචය මෝචය ජීව දේහං රක්ෂ රක්ෂ සක් ජුං ස්වාහා...

(එසේ දිනපතා උයද / සවස සත්වාරයක් බැගින් මෙම ඉහත සදහන් මෘත්‍යුම්ජය ජපය කියවන්න.)

සැ:යු:

මෙම ජපය තමාට ගැලපෙන පරිදි සකසා ගැනීමට ඔබ මෙහි ඉරුදින වචනයට තමා උපන් දවසට අදාල දිනනාමය දාන්න, එසේම අස්විද වචනයට තමා උපන් නැකතේ නම දාන්න. මේෂ යන වචනය ඇති තැනට තමාගේ ලග්නයේ නම දාන්න. එලෙස වෙනස්කොට සකසා තමා උපන් දවසට නැකතට ලග්නයට සරිලන පරිදි වෙනස් කරගෙන මෙය භාවිතා කරන්න. මෙය මාරක පීඩාදිය පවා සමනය වන ජීවිතාරක්ෂාව ද සලසන බලගතු දැහැනකි.

ජ්‍යෙතිෂ්‍යවේදී

හේමන්ත -වීරසිංහ. 

([email protected])