අඳියි ළමයෙක්, සිරුරක සැකිල්ලක්

අඳින මුත් ඇයට හැකි දේ

එය සුදුමැලිය සපුරාම.

දනියි ඈ , අතහැරී ඇති බව ජීවිතය

සහායයක්  නොලද රේඛා ඇතුළත .

කපා හැර ඇත ඇය, එක් පසුබිමක් අනෙකින්

ළමයකු ලෙස ඈ  හැරෙයි සිය මව වෙත.

මව සිත්තම් කරයි හදවත

ළමයා නිමවා ඇති හිස් අවකාශයේ.

(ඇමෙරිකානු කිවිඳිය  Louise Gluck ගේ  Portrait   නම් පද්‍යයේ පරිවර්තනය )

1943 නිව්යෝර්ක්  නගරයේ උපත ලබන  ලුයිස් ග්ලක් කිවිඳිය , කොලොම්බියා විශ්වවිද්‍යාලයෙන් උපාධිය හිමි කරගෙන ඇත. කාව්‍ය කෘති 12ක් පළ කර ඇති ඇය Pulitzer , PEN , Bolingen  සහ තවත් සම්මාන රැසක් අත් කරගෙන සිට,  2020  වසරේදී ,ලොව උතුම්ම ගෞරවය  වන නොබෙල් ත්‍යාගය  සාහිත්‍ය  වෙනුවෙන්  දිනාගත්තාය. වත්මනෙහි ඇමෙරිකාවේ යේල්   විශ්වවිද්‍යාලයේ  Writer- in- Residence තත්ත්වයෙන්  සේවය කරන මේ කිවිඳිය  වාසය කරන්නේ  මැසචුසෙට්ස් ප්‍රාන්තයේ , කේම්බ්‍රිජ්  පෙදෙසෙහිය.