පිටපිට තෙවැනි වරටත් අග්‍රාමාත්‍ය ධුරයට පත්වුණු ඉන්දීය අග්‍රාමාත්‍ය නරේන්ද්‍ර මෝදි ද ‘ජී7’ රාජ්‍ය නායක සමුළුවට සහභාගී වෙයි. ඒ අනුව, තෙවැනි වරට අග්‍රාමාත්‍ය ධුරයට පත්වුණු මෝදිගේ පළමු විදෙස් සංචාරය මෙයයි.

ඉන්දීය අග්‍රාමාත්‍යවරයකු ‘ජී7’ රාජ්‍ය නායක සමුළුවකට සහභාගී වන 11 වැනි අවස්ථාව මෙය වන අතර, නරේන්ද්‍ර මෝදි ඉන්දීය රාජ්‍ය නායකයා ලෙස, ‘ජී7’ රාජ්‍ය නායක සමුළුවට සහභාගී වන්නේ 5 වැනි වරටය.  

සමුළුවට සමගාමීව, ඉන්දීය අග්‍රාමාත්‍යවරයා ඇමෙරිකා ජනාධිපති ජෝ බයිඩන් සහ ඉතාලි අග්‍රාමාත්‍යවරිය ජෝර්ජියා මෙලෝනී ද හමුවීමට නියමිතය.

‘ජී7’ සමුළුව පැවැත්වෙන්නේ ඉතාලියේ ඇක්විලා පළාතේ, බෝගෝ එග්නාසියා නමැති සුඛෝපබෝගී නිවාඩු නිකේතනයේය. ‘ජී7’ රටවල් වන්නේ ඇමෙරිකාව, කැනඩාව, ජර්මනිය, ප්‍රංශය, එක්සත් රාජධානිය, ජපානය සහ ඉතාලියයි. ඉන්දියාව ‘ජී7’ සමුළුවට සහභාගී වන්නේ සාමාජික රටක් නොවුණත්, ‘ජී7’ කණ්ඩායමට වැදගත් රටක් ලෙසය. ඉන්දියාවට අමතරව තවත් රටවල් කීපයක් ද සමුළුවට එක්වෙයි.

 (ඒ.එෆ්.පී.)