‘විකිලීක්ස්’ වෙබ් අඩවිය ඔස්සේ ඇමෙරිකාවේ හමුදා රහස් ලොවට හෙලි කළ බව ඇමෙරිකන් අධිකරණය හමුවේ පිළිගැනීමට තමන් සූදානම් බව විකිලීක්ස් වෙබ් අඩවියේ නිර්මාතෘ 52 හැවිරිදි ජුලියන් අසාන්ජ් පවසා ඇත.
විකිලීක්ස් නිර්මාතෘවරයා මෙසේ පවසා ඇත්තේ ඇමෙරිකන් බලධාරීන් සමඟ එකඟතාවක් ඇති කර ගැනීමෙන් පසුවය. ඒ අනුව, 2019 වසරේ ලන්ඩන් නුවර අධිආරක්ෂිත බෙල්මාර්ෂ් බන්ධනාගාරයේ රඳවා සිටි අසාන්ජ්ට නිදහස හිමිවුණු අතර ඔහු ඇමෙරිකන් නිලධාරීන්ගේ භාරයට පත් විය.
ඇමෙරිකාවේ ජාතික ආරක්ෂක තොරතුරු ලබා ගනිමින්, ඒවා ප්රසිද්ධියට පත් කරමින් කුමන්ත්රණයක් කළේ යැයි අසාන්ජ්ට ඇමෙරිකාවෙන් චෝදනා එල්ල වී ඇති අතර එම චෝදනා සම්බන්ධයෙන් නඩු විභාගය පැවැත්වෙනු ඇත්තේ ඇමෙරිකාවට අයත් පාලන ප්රදේශයක් වන පැසිෆික් සාගරයේ උතුරු මරියානා දූපත් අධිකරණයකය. අසාන්ජ් මෙම අධිකරණය හමුවේ පෙනී සිටීමට නියමිතය.
ඇමෙරිකානු බලධාරීන් සහ අසාන්ජ් අතරේ ඇති කරගත් එකඟතාවට අනුව, අසාන්ජ් ඇමෙරිකන් අධිකරණය හමුවේ වරදකරු යැයි පිළිගත් විට ඔහුට මාස 62 ක සිරදඬුවමක් නියම කරනු ඇතැයි පැවැසෙයි.
ඔස්ට්රේලියානුවකු වන අසාන්ජ් විකිලීක්ස් වෙබ් අඩවිය ඔස්සේ ඇමෙරිකා හමුදාවේ රහස් ලොවට හෙලි කළේ 2010 වසරේදීය. එය ලොව කැලැඹූ සිදුවීමක් විය.
ඇමෙරිකන් අත්අඩංගුවෙන් බේරී, අසාන්ජ් බ්රිතාන්යයේ ලන්ඩන් නුවර එක්වදෝර් තානාපති කාර්යාලයේ ආරක්ෂාව පැතුවේය. ඔහු වසර හතක් එහි රැඳී සිටියේය. මෙම කාලයේ ඇමෙරිකාව උත්සාහ කළේ ස්වීඩනය හරහා අසාන්ජ් අත්අඩංගුවට ගැනීමටය. එය සාර්ථක නොවිණි.
අවසානයේ ලන්ඩනයේ එක්වදෝර් තානාපතිවරයා සමඟත් තානාපති කාර්යාලයේ නිලධාරීන් සමඟත් ගැටුම් ඇතිකරගත් බැවින්, එක්වදෝරය අසාන්ජ් ලන්ඩන් පොලිසියට භාර දුන්නේය. අසාන්ජ් අධිආරක්ෂිත බෙල්මාර්ෂ් බන්ධනාගාරයට යැවුණේ ඒ අනුවය.
(බීබීසී)
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
මහ වැසි හේතුවෙන්, මධ්යම සහ නැගෙනහිර යුරෝපා රටවල් රැසක පළාත් බොහොමයක් ජලයෙන් යටවී ඇති බවත්, එම රටවල වැසියන් ලක්ෂ ගණනක් පීඩාවට පත් ව ඇති බවත් විදෙස් මාධ්
යේමනයේ, ඉරාන හිතවාදී ෂියා මුස්ලිම් හවුති සටන්කාමීන් ඊශ්රායලයට මිසයිල ප්රහාරයක් එල්ල කළේය. මිසයිලය පතිත වූයේ මධ්යම ඊශ්රායලයට අයත් ජනශුන්ය ප්රද
‘යාගී’ සුළි කුණාටුවෙන් මියන්මාරයට දැඩි බලපෑම් එල්ල වී ඇති බවත් නොකඩවා ඇද හැලෙන මහ වැසි, ජල ගැලීම් සහ නායයෑම් හේතුයෙන් මියන්මාර වසියන් 100 කට වැඩි ගණනක් ජ
යළිත් වරක්, ඇමෙරිකා හිටපු ජනාධිපති ඩොනල්ඩ් ට්රම්ප්ට වෙඩි ප්රහාරයක් එල්ල විය. එයින් ට්රම්ප්ට කිසිදු අනතුරක් සිදු නොවුණු අතර, වෙඩි තැබීම කළ පුද්ගලයා
පෘථිවියට අලුත් සඳක් එසේත් නැතිනම් චන්ද්රයෙක් එක්වීමට නියමිත බව තාරකා විද්යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
අසාන්ජ් ඇමෙරිකන් අධිකරණය හමුවට
Lalla Tuesday, 25 June 2024 07:29 AM
ආරක්ෂා කරපු තානාපතිට පාට් දාලා පරිප්පු කාල? හරියට ෆීල්ඩ් මාර්ෂල් ෆොන්සේකා උත්තමය වගේම නේද?
bandula Tuesday, 25 June 2024 08:15 AM
එක්සත් ජනපද අධිකරණ දෙපාර්තමේන්තුවට අනුව ඔහු නැවත ඕස්ට්රේලියාවට පැමිණීමට අපේක්ෂා කරයි