ඉරාන රජය දැඩි ලෙස විවේචනය කරමින්, ඊශ්රායල අග්රාමාත්ය බෙන්ජමින් නෙදන්යාහු ඉරාන වැසියන් ආමන්ත්රණය කරමින් විශේෂ වීඩියෝ පණිවුඩයක් නිකුත් කළේය.
අතීතයේ ඉරානය හැඳින්වූයේ පර්සියාව යනුවෙනි. අග්රාමාත්ය නෙදන්යාහු ඉරාන වැසියන් ආමන්ත්රණය කළේ ඉංග්රීසි බසිනි. ඊට අමතරව අග්රාමාත්යවරයා පැවැසූ දේ, පර්සියානු බසින් උපසිරැසි ගැන්වීමක් ද කර තිබුණි.
ඉරාන උත්තරීතර නායක අයතුල්ලා අලී කමේනී ප්රමුඛ ඉරාන රෙජීමය, කලාපීය වශයෙන් ත්රස්තවාදයට අනුග්රහය දක්වන බවටත්, ඉරාන වැසියන්ගේ යහපත ගැන නොසිතා ත්රස්තවාදයට උඩගෙඩි දෙන බවටත් එම වීඩියෝ පණිවුඩය හරහා ඊශ්රායල අග්රාමාත්යවරයා චෝදනා නැගුවේය. අග්රාමාත්ය නෙදන්යාහු ඉරාන වැසියන් ආමන්ත්රණය කළේ පර්සියානුවන් යනුවෙනි.
“අතීතයේ ඊශ්රායල යුදෙව්වන් සහ ශ්රේෂ්ඨ පර්සියානුවන් අතරේ යහපත් සබඳතා පැවැතුණා. සමීප මිත්රත්වයක් පැවැතුණා. එකිනෙකා කෙරෙහි ගෞරවයක් පැවැතුණා. ඒ සියල්ල වෙනස් කරමින් ඊශ්රායලයට වෛර කිරීමට උගැන්නුවේ ඉරාන පාලකයන්. ඔබේ පාලකයන් ඔබ විනාශය කරා ගෙන යනවා. ඒත්, ඉතාමත් ඉක්මනින් ඒ අවසන් වේවි.” යැයි අග්රාමාත්ය නෙදන්යාහුගේ පණිවුඩයේ සඳහන් විය.
“ඔබ දරිද්රතාවයෙන් මිරිකිලා. ආර්ථික ගැටලුවලින් හෙම්බත් වෙලා. ඔබට ප්රමාණවත් යටතල පහසුකම් ඇත්තේ නැහැ. බොන්න පිරිසුදු වතුර නැහැ. ඔබේ ජීවන තත්ත්වයේ උසස් වීමක් ඇත්තේ නැහැ. ඔබේ රජය ත්රස්තවාදීන්ට අනුග්රහය දෙනවා. තමන්ගේ රට වැසියන් ගැන තැනීමක් නැහැ. ඒත් ඉක්මනින් ඒ දේවල් වෙනස් වේවි. පර්සියන් වැසියන් යළි සමෘද්ධිය කරා යාවි. ගෝලීය ආයෝජන ඇති කර ගැනීමට හැකි වේවි. සංචාරක කටයුතු දියුණු වේවි. සමාජීය වශයෙන් ඉරාන වැසියන් දියුණු වේවි. සියල්ල ඉක්මනින් වෙනස් වේවි. ඉරාන වැසියන්ට ඉක්මනින්ම නිදහස හිමිව්වි.” යැයි අග්රාමාත්ය නෙදන්යාහු එම වීඩියෝ පණිවුඩයෙන් අවධාරණය කළේය.
ඉරානයේ උත්තරීතර නායක අයතුල්ලා අලී කමේනී ඉලක්ක කර ගනිමින් ප්රහාරයක් එල්ල කිරීමටත්, ඉරාන ඉස්ලාමීය රෙජීමයේ නායකයන් එකිනෙකා ඝාතනය කිරීමටත් ඊශ්රායලය සූදානමින් සිටී. ඉරාන මාධ්ය වාර්තාවල දැක්වෙන්නේ, ඉරානයේ උත්තරීතර නායක අයතුල්ලා අලී කමේනී ආරක්ෂිත ස්ථානයකට යොමු කර ඇති බවය.
ඊශ්රායලය, මේ වනවිට ගාසා තීරයේ හමාස් සටන්කාමීන් සමඟ ගැටෙයි. ලෙබනනයේ හිස්බුල්ලා සටන්කාමීන් ඉලක්ක කර ගනිමින් ලෙබනනයට ගුවන් ප්රහාර එල්ල කරයි. පසුගිය දා එසේ එල්ල කළ ප්රහාරයකින්, ලෙබනනයේ බීරූට් අගනුවර, බංකරයක සැඟවී සිටි ලෙබනන් හිස්බුල්ලා නායක නසරැල්ලා ඝාතනය කෙරුණි.
ලෙබනනයේ හිස්බුල්ලා සටන්කාමීන්ටත්, ගාසා තීරයේ හමාස් සටන්කාමීන්ටත් මුදල් ආධාර, අවි ආයුධ, අවි පුහුණුව ලබා දෙන්නේ ෂියා මුස්ලිම් ඉරානයයි. ලෙබනනයේ හිස්බුල්ලා සටන්කාමීන්ට එරෙහිව යන අතරතුරේ, ඊශ්රායලය සූදානම් වන්නේ ඉරානයට පහර දීමටය.
(ඒ.එෆ්.පී.)
කඩිනමින් මහ මැතිවරණයක් පැවැත්වීමට, ජපානයේ පාලක ලිබරල් පක්ෂයයේ නව නායකයා මෙන්ම, නව අග්රාමාත්යවරයා ද වන 67 හැවිරිදි ෂිගුරු ඉෂිබා තීරණය කර ඇත.
ඉරාන රජය දැඩි ලෙස විවේචනය කරමින්, ඊශ්රායල අග්රාමාත්ය බෙන්ජමින් නෙදන්යාහු ඉරාන වැසියන් ආමන්ත්රණය කරමින් විශේෂ වීඩියෝ පණිවුඩයක් නිකුත් කළේය.
24 වැනි අයිෆා IIFA - International Indian Film Academy Awards සිනමා සම්මාන උළෙල අති උත්කර්ශවත් අන්දමින් පසුගිය දා අබු ඩාබි හිදී පැවැත්විණි. IIFA යනු ඉන්දියාවෙන් පිට පැවැත්වෙන ඉන්දීය සම
‘මර්බර්ග්’ නමැති වයිරසය මේ වනවිට අප්රිකා රාජ්යයක් වන රුවන්ඩාවේ ව්යාප්ත වෙමින් පවතින බව වාර්තා වේ. ‘මර්බර්ග්’ අයත් වන්නේ ද ‘ඉබෝලා’ වයිරසය අයත් වයි
ගෝලීය උණුසුම දිනෙන් දින ඉහළ ගොස්, ග්ලැසියර දියවී, ඉතාලියේත් ස්විට්සර්ලන්තයේත් දේශසීමාව වෙනස් වී ඇති බව විදෙස් මාධ්ය පවසයි.
තමන් සතු සියලුම හමුදා ශක්තිය යොදා ගනිමින්, ලෙබනනයේ හිස්බුල්ලා සටන්කාමීන් පරාජය කරන බවත්, දකුණුදිග ලෙබනනයේ හිස්බුල්ලා සටන්කාමීන්ට එරෙහිව ගොඩබිම සටන්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඊශ්රායල අගමැති ඉරාන වැසියන් අමතයි
charith Tuesday, 01 October 2024 10:24 AM
ලෝගුවෙන් වහන් ඔක්කොම ජරා වෑඩ ටික ගරරාමෙට කරනව..නෙතනියාහු ඇතතම කිව්ව මොනව උනත්....සිරි ලන්කාවටත් ඔය ටික තමයි කියන්න වෙන්නෙ
කිරිහාමි Tuesday, 01 October 2024 10:43 AM
ඉරානය ඉස්සර තිබුණෙ කොහොමද, මිනිස්සු මොන විදිහටද හැසිරුණේ, මොන විදිහෙ ඇඳුම් පැළදුම්ද ජනප්රිය වෙලා තිබුණෙ කියල පොඩි අවබෝධයක් ගන්න 1979 ට කලින් ගත්ත ඡායාරූප, වීඩියෝ යූටියුබ් එකෙන් බලන්න පුළුවන්. හුඟක් අයට පුදුම හිතෙයි.