ලබන වසර අගභාගය වන විට එබොලා රෝගයට ප්‍රතිකාර කිරීම සඳහා එන්නත් මිලියනයක් නිපදවන බව ලෝක සෞඛ්‍ය සංවිධානය නිවේදනයක් නිකුත් කරමින් කියා සිටි.

එහි සඳහන් වන්නේ 2015 පළමු මාස 6 තුලදී එන්නත් දහස් ගණනක් නිපදවා අවසන් කරණ බවයි.

බටහිර අප්‍රිකාවේ සේවය කරණු ලබන සෞඛ්‍ය සේවකයනට මෙම එන්නත් 2014 දෙසැම්බර් මාසයේ සිට හැකි ඉක්මනින් ලබාදෙන බව ද එම සංවිධානය පවසා තිබේ. එම එන්නත එබෝලා වසංගතය මුලිනුපුටා දැමීමට හැකි මැජික් උන්ඩයක් නොවන බව වෛද්‍යවරු කියති.

එබෝලා සඳහා ස්ථිර වු ප්‍රතිකාරයක් මෙතෙක් සොයාගෙන නැත. මෑත ඉතිහාසයේ එබෝලා විශාල ලෙස වසංගතයක් ආකාරයට පැතිරයාම හේතුවෙන් ලෝක සෞඛ්‍ය සංවිධානය එන්නත් දියුණු කිරීමේ කටයුතු කඩිනම් කරන ලදී.

එන්නත නිෂ්පාදනය සඳහා සාමාන්‍යයෙන්  වසරක් ගතවන නමුත් ඖෂධ නිෂ්පාදන කරන්නන් එහි නිෂ්පාදන කාලය කෙටි කර ඇත. පරික්ෂණාත්මක තත්වයේ එන්නත් ග්ලැක්සෝ ස්මිත්ක්ලයින් සහ කැනඩාවේ පබ්ලික් හෙල්ත් ඒජන්සි මගින් නිපදවා ඇත. ඒ එන්නත් දැනටමත් ආරක්ෂාකාරි අත්හැදා බැලීමේ කටයුතු කර තිබේ. එබෝලා රෝගීන්ට එන්නත කොතරම් මාත්‍රාවක්

ජීඑස්කේ එන්නත එක්සත් රාජධානියේ සහ ඇමරිකානු පර්යේෂණ ආයතනයේ පරික්ෂාවට බදුන් කර ඇති අතර කැනෙඩියානු වැක්සීනය ඇමරිකාවේ වැඩිදුර අත්හදාබැලිමේ කටයුතු වලින් පසු යුරෝපයේ සහ අප්‍රිකාවේ සිදුකිරීමට නියමිතය. මේ එන්නතේ බලපෑම සහ රෝගය මර්ධනය කිරීමට එන්නතේ කොතරම් වූ මාත්‍රාවක් අවශ්‍යවන්නේ ද යන්න නිශ්චය කිරීමට සිදුවන්නේ අත්හදාබැලීමෙන් පසුව යැයි ලෝක සෞඛ්‍ය සංවිධානය පවසයි.

එහි සහකාර අධ්‍යක්ෂ ජනරාල් වෛද්‍ය මාරි පවුලි කෙනී පවසන්නේ ‘‘එබෝලා ඖෂධය ලබාදීමෙන් අපි අති විශාල ප්‍රතිචාරයක් බලාපොරොත්තු වෙනවා. එය වසංගත තත්වයට විශාල ලෙස බලපෑමක් ඇති කරාවි කියල හිතනවා,  එන්නත් මගින් සාර්ථක ප්‍රතිඵල පෙන්වනු ලැබුවහොත් මහා පරිමාණයෙන් හැකි තරම් එන්නත් නිපදවිමට පියවර ගන්නවා.“ යනුවෙනි.