ඇමෙරිකාවේ වෙසෙන සීක් ජාතිකයකු ඝාතනය කිරීමට ඉන්දීය ඒජන්තවරුන් උත්සාහ ගත් බවට එල්ල වන චෝදනා සම්බන්ධයෙන්, ඉන්දීය අග්රාමාත්ය නරේන්ද්ර මෝදි, ඇමෙරිකාවට ප්රතිචාර දැක්වීය.
ඇමෙරිකන් රාජ්ය දෙපාර්තමේන්තුව එල්ල කළ එම චෝදනාව සම්බන්ධයෙන්, ඉන්දීය අග්රාමාත්යවරයා ප්රතිචාර දැක්වීමක් කළ පළමු අවස්ථාව මෙයයි.
ඇමෙරිකන් රාජ්ය දෙපාර්තමේන්තුවට අනුව, ඉන්දීය රජයේ ඒජන්තවරුන් ඝාතනය කිරීම තැත් කර ඇත්තේ ගුර්පත්වාන්ත් සිං පනූන් නමැති ඉන්දීය ඇමෙරිකන් සීක් ජාතිකයාය.
ඉන්දීය රජයට අනුව, ගුර්පත්වාන්ත් සිං පනූන්, සීක් බෙදුම්වාදී නායකයකු සහ කලිස්තාන් ත්රස්තවාදියෙකි. කලිස්තාන් ත්රස්තවාදීන් යනු සීක්වරුන් වෙනුවෙන් ඉන්දියාවේ වෙනම රටක් ඉල්ලන කණ්ඩායමකි.
ඇමෙරිකන් රාජ්ය දෙපාර්තමේන්තුවට අනුව, ඉන්දීය ඒජන්තවරුන්, පසුගිය නොවැම්බරයේ නිව්යෝක් නුවරදී, නිකිල් ගුප්තා නමැති ඉන්දියානුවකුට ඇමෙරිකන් ඩොලර් 10,000 ක් ලබා දී ඇත්තේ, ගුර්පත්වාන්ත් සිං පනූන්, ඝාතනයට කිරීමට යැයි චෝදනා එල්ල වී තිබේ. ඇමෙරිකන් ආරක්ෂක අංශ වහා මැදිහත් වී, නිකිල් ගුප්තා අත්අඩංගුවට ගත් බව ද පැවැසෙයි.
‘ඇමෙරිකාව එල්ල කරන චෝදනා සම්බන්ධයෙන් අප විමර්ශනයක් පවත්වනවා. සිදුවුණේ කුමක්දැයි සොයා බලනවා. නීත්යාණුකූලව කටයුතු කරනවා. ඇමෙරිකාව එල්ල කරන චෝදනා මුල්කොට ගනිමින් ඇමෙරිකාවත් ඉන්දියාවත් අතර ඇති මිත්රත්වය කිසිම අවස්ථාවක පළුදු වෙන්න දෙන්නේ නැහැ’ යැයි ඉන්දීය අග්රාමාත්ය මෝදි ඇමෙරිකන් රාජ්ය දෙපාර්තමේන්තුවට දන්වා තිබේ.
ඉන්දියාවෙන් පිට සීක් වැසියන් බහුලව ජීවත් වන්නේ කැනඩාවේය. ඊට අමතරව, ඕස්ටේ්රලියාවේත්, එක්සත් රාජධානියේත්, ඇමෙරිකාවේත් සීක් වැසියෝ ජීවත් වෙති.
ඇමෙරිකාවෙන් චෝදනා එල්ල වීමට මාස දෙකකට පෙර, කැනඩා අග්රාමාත්ය ජස්ටින් ටෲඩෝ, ඉන්දීය රජයට චෝදනා කළේ එරට සීක් නායක හර්දීප් සිං නිජාර් ඉන්දීය ඒජන්තවරුන් ඝාතනය කළ බවටය.
එම චෝදනා මුල්කොට ගනිමින්, ඉන්දියාවත් කැනඩාවත් අතර රාජ්ය තාන්ත්රික අර්බුදයක් හටගත්තේය.
(එන්.ඩී.ටීවී.)
පාකිස්තානයේ වෙළෙඳ අගනුවර ලෙස සැලකෙන කරච්චියේ නුවර බෝම්බයක් පුපුරා යෑමෙන් චීන ජාතිකයන් දෙදෙනකු ජීවිතක්ෂයට පත්වුණු බව පැවැසෙයි.
ඊශ්රායලයට ආයුධ ලබා දීම නැවැත්විය යුතු යැයි ප්රංශ ජනාධිපති ඉමැනුවෙල් මැක්රොන් ඇමෙරිකාව, බි්රතාන්යය ඇතුළු සෙසු ලෝක බලවතුන්ගෙන් ඉල්ලා ඇත.
ඉන්දියාවේ ආරක්ෂාවට තර්ජනයක් වන ආකාරයේ කිසිදු තීන්දු තීරණයක් නොගන්නා බවත්, ඉන්දියාව සමඟ ද්වී පාර්ශ්වික සබඳතා තරකර ගැනීමට පියවර ගන්නා බවත් නවදිල්ලියට
ඊශ්රායලය, ගාසා තීරයේ හමාස් සටන්කාමීන් ඉලක්ක කර ගනිමින් ගුවනින් මෙන්ම ගොඩබිමින් ද ප්රහාර ආරම්භ කර අද (7) ට වසරක් සපිරේ.
අරුන් ගංගා ද්රෝණියේ පාෂාණ සහ පස් ඛාදනය වීමෙන්, ලොව උසම ශිඛරය ලෙස සැලකෙන එවරස්ට් කන්ද වසරකට මිලිමීටර් 2 කින් ඉහළ යමින් පවතින බව නවතම අධ්යයනයකින් හෙළි ව
වසර මිලියන 66 කට පෙර, මිහිමත රජ කළ දැවැන්තයන් වූ, ඩයිනසෝරයන් විනාශ කළේ එක් යෝධ ග්රහකයක් පෘථිවියේ ගැටීමෙන් නොව, යෝධ ග්රහක කීපයක් පෘථිවියේ ගැටීමෙන් යැයි
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
චෝදනාවලට ඉන්දීය අගමැතිගෙන් පිළිතුරු
Aravinda Monarawila Thursday, 21 December 2023 10:41 AM
මොදි කැනඩාවට දැම්ම පාට් එක ඇමෙරිකාවට දාන්නෙ නැහැ, වෙනසක අරුමය ?