ඇමෙරිකන් ජනාධිපති ජෝ බයිඩන් ඊශ්රායලයට අනතුරු අඟවයි. ඊශ්රායල හමාස් යුද්ධයේදී, කොන්දේසි විරහිතව, ඊශ්රායලයට සහාය පළ කිරීමට ඉදිරිපත් වී සිටින බයිඩන්, ඊශ්රායලයට සෘජුව අනතුරු ඇඟවීමක් කළ පළමු අවස්ථාව මෙයයි.
අනතුරු අඟවමින්ඇමෙරිකන් ජනාධිපතිවරයා පවසා ඇත්තේ, ගාසා තීරයේ, රෆා නගරයට, ඊශ්රායල හමුදා දිගින් දිගටම ප්රහාර එල්ල කරන්නේ නම්, ඇමෙරිකාව ඊශ්රායලයට ආයුධ සැපයීම වහා නතර කරනබවය. මේ වනවිටත් ඊශ්රායලයට බෝම්බ සැපයීම තාවකාලිකව නතර කිරීමට ඇමෙරිකන් ජනාධිපති බයිඩන් තීරණය කර ඇත.
ඇමෙරිකන් ජනාපධිතිවරයාගේ මෙම තීරණය කනගාටුවට කරුණක් බව ඊශ්රායල අග්රාමාත්ය බෙන්ජමින් නෙදන්යාහු ප්රමුඛ රජය පවසා ඇත. ඇමෙරිකන් ජනාපධිතිවරයාගේ අනතුරු ඇඟවීම් ගණනකට නොගෙන, ඊශ්රායල ගුවන් හමුදාව රෆා නගරයට ප්රහාර එල්ල කරන බව විදෙස් මාධ්ය පවසයි.ඊශ්රායල ප්රහාර හමුවේ රෆා නගරයේ රෝහල් අඩපණ වී ඇති බවත්, රෝගීන්ට ප්රතිකාර කිරීම ගැටලුවක් වී ඇති බවත් එක්සත් ජාතීන්ගේ සංවිධානය නිකුත් කළ නිවේදනයක සඳහන් වෙයි.
ඊශ්රායලයට ආයුධ ලබා සැපයීම නවත්වනවා යැයි ඇමෙරිකන් ජනාධිපති ජෝ බයිඩන් කළ අනතුරු ඇඟවීම සම්බන්ධයෙන්, ඇමෙරිකාවේ හිටපු ජනාපධිති ඩොනල්ඞ් ට්රම්ප්, වත්මන් ජනාධිපති බයිඩන් විවේචනය කර ඇත. ට්රම්ප් පෙන්වා දී ඇත්තේ, බයිඩන් හමාස්වරුන්ගේ පැත්ත ගෙන, ඊශ්රායලය අමාරුවේ දැමූ බවය.
මෙම නොවැම්බර් මාසයේ, ඇමෙරිකන් ජනාපධිතිවරණය පැවැත්වෙන අතර, බයිඩන් ඩිමොක්රටික් පක්ෂයෙන් ද ට්රම්ප් ප්රතිවාදී රිපබ්ලිකන් පක්ෂයෙන් ද ඊට ඉදිරිපත් වෙයි. ඊශ්රායල හමාස් ගැටුම් ඇමෙරිකන් ජනාධිපතිවරණයේ ප්රධාන සාධකයක් වනු ඇත.
මැදපෙරදිග කලාපයේ ඇමෙරිකාවේ හිතවතා වන්නේ යුදෙව් ඊශ්රායලයයි. ලොව එකම යුදෙව් රාජ්යය වන්නේ ද ඊශ්රායලයයි. පසුගිය ඔක්තෝබර් හත් වැනිදා, ගාසා තීරයේ හමාස් සටන්කාමීන්, ඊශ්රායලයට එල්ල කළ ප්රහාරයෙන් පසු, ඊශ්රායලය පෙරළා ගාසා තීරයට පහර දෙන්නේ, ‘රිසි පරිදි පහර දෙන්නැයි’ ඇමෙරිකන් ජනාධිපති ඊශ්රායලයට ලබා දුන් අවසරය නිසාය. ගාසා තීරයේ පලස්තීනුවන් 34,000 ක් මේ වනවිට ඊශ්රායල ප්රහාර හමුවේ මියගොස් ඇත. ඔවුන්ගෙන් වැඩි දෙනා කාන්තාවන් සහ කුඩා දරුවන්ය.
රෆා යනු ගාසා තීරයේ ඊජිප්තුවට මායිම්ව පිහිටා ඇති නගරයයි.ගාසා තීරයේ හමාස් සටන්කාමීන්, ඊශ්රායලයට කඩා වැදී කළ පහර දීමෙන් පසු, ඊශ්රායලය ගාසා තීරයේ හමාස් ඉලක්කවලට පහර දෙද්දී, උතුරු දිග ගාසා තීරයේ සිටි පලස්තීන වැසියන් දකුණු දිග ගාසා තීරයේ රෆා නගරයට ගියේය.
මේ වනවිට ගාසා වැසියන් මිලියන 1.3 ක්, සරණාගතයන් ලෙස ජීවත් වන්නේ රෆා නගරයේය. ඊශ්රායල හමුදා පහර දෙන්නේ, රෆා නගරයේ සිටින පලස්තීන ජනතාවට සිය නිවෙස් වලින් ඉවත් වන්නැයි ඊශ්රායල ආරක්ෂක හමුදාව දැනුම් දෙමිනි. මහා පරිමාණයෙන්, රෆා නගරයට ප්රහාර එල්ල කිරීමට සියලු කටයුතු සූදානම් බව ඊශ්රායල අග්රාමාත්යවරයා පෙන්වා දී ඇත.
(ඒ.එෆ්.පී.)
ඊශ්රායලයට එරෙහිව ඉරානයේ විරෝධතා ආරම්භ වී ඇත. විරෝධතා පැවැත්වෙන්නේ ඉරානයේ ටෙහෙරාන් අගනුවරදීය. විරෝධතා පැවැත්වීමට හේතුව ඊශ්රායලය ලෙබනන් හිස්බුල්ල
පාකිස්තානය ජාත්යන්තර මූල්ය අරමුදලෙන් අතිරේක ඩොලර් බිලියන 1.5 ක ණයක් ලබා දෙන ලෙස ඉල්ලීමක් කර ඇත.
අද (29) සිට පෘථිවියට නව සඳක් එසේත් නැතිනම් චන්ද්රයෙක් එක්වෙනු ඇති බවට තාරකා විද්යාඥයෝ පැහැදිලි කරති. මෙම නව සඳ කුඩා ග්රහකයකි.
ඊශ්රායලය ලෙබනන් හිස්බුල්ලා නායක හසන් නසරැල්ලා ඝාතනය කිරීමෙන් පසු මැදපෙරදිග කලාපයේ හටගත් යුද උණුසුම සම්බන්ධයෙන් එක්සත් ජාතීන්ගේ ආරක්ෂක මණ්ඩලය රැස්
ඇද හැලෙන මහ වැසි හේතුවෙන්, නේපාලය දරුණු ජල ගැලීම්වලට සහ නායයෑම්වලට මුහුණ දෙයි. නේපාල රජය පැවැසුවේ, අයහපත් කාලගුණය හේතුවෙන් 120 දෙනකු ජීවිතක්ෂයට පත් වී ඇත
නසරැල්ලා ඝාතනය සම්බන්ධයෙන් පලස්තීන පාලන අධිකාරියේ ජනාධිපති මොහොමඩ් අබ්බාස් සහ ‘ෆාටා’ සංවිධානය, ඉරාක අග්රාමාත්ය මොහොමඩ් ෂියා අල් සුඩානී ද ඊශ්රාය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ජෝ බයිඩන් පළමුවරට ඊශ්රායලයට අනතුරු අඟවයි
Prabha Friday, 10 May 2024 02:14 PM
පව්, ඊශ්රායලයේ බයිඩන් ගොයියාව සත පහකට ගණන් ගන්නේ නෑ.
Asanga samantha Sunday, 12 May 2024 11:29 AM
මේ සේරම යාලුවෝ මල්ලී...!