අප්‍රිකාවට අයත් නයිජීරියාවේ, පෙට්‍රල් බවුසරයක් පෙරැළී ගිනි ගෙන පුපුරා යෑමෙන්, 70 දෙනෙකු ජීවිතක්ෂයට පත්වූහ.

ඉන්ධන බවුසරය පෙරැළී ගියේ එය අනතුරකට ලක් වීමෙනි. පෙරළී ගිය බවුසරයෙන් ඉන්ධන ලබා ගැනීමට අවට සිටි පිරිස ලහිලහියේ කටයුතු කළහ. බවුසරයට ගිනි ඇවිළී එය පුපුරා ගියේ එම අවස්ථාවේදීය.

පිළිස්සුම් තුවාල ලැබූ බොහෝ දෙනකු රෝහල්ගත කළ බවත්, ඔවුන්ගෙන් කීප දෙනකුගේ තත්ත්වය බරපතල බැවින් මරණ සංඛ්‍යාව තවත් ඉහළ යා හැකි බවත් පැවැසෙයි.

(ඒ.එෆ්.පී.)