පාකිස්තාන අගමැති වැටුප එපා කියයි

රට මුහුණ දෙන අවිනිශ්චිත ආර්ථික අර්බුදය සැලකිල්ලට ගනිමින්, තම වැටුප සහ තමන්ට හිමි සියලු ප්‍රතිලාභ අත් හැරීමට පාකිස්තාන නව අග්‍රාමාත්‍ය ෂෙහ්බාස් ෂරීෆ් ප්‍රමුඛ සිය නව කැබිනට් මණ්ඩලය තීරණය කර තිබේ.

ආර්ථික අර්බුදය හේතුවෙන්, අනවශ්‍ය වියදම් කප්පාදු කිරීමේ අරමුණින්, විශේෂ කැබිනට් හමුවක් පැවැත්වුණු අතර, එහිදී අග්‍රාමාත්‍යවරයා ඇතුළු කැබිනට් සාමාජිකයන් සියලු දෙනා ඒකමතිකව මෙම තීරණය ගත් බව පාකිස්තාන පුවත් සේවා වාර්තා කර තිබේ.

රජයේ මුදලින් සිදුවන විදෙස් සංචාර නැවැත්වීම සහ කප්පාදු කිරීම සම්බන්ධයෙන් ද අග්‍රාමාත්‍යවරයා සහ කැබිනට් මණ්ඩලය අතරේ එකඟත්වයක් ඇති විය.

ආර්ථික අර්බුදයෙන් ගොඩ ඒමට පාකිස්තානය, ජාත්‍යන්තර මුල්‍ය අරමුදලෙන් ණය අපේක්ෂා කරයි. ඒ සඳහා පාකිස්තාන රජය, මූල්‍ය වගවීම් ප්‍රවර්ධනය කිරීම සම ආර්ථික අභියෝග හමුවේ රාජ්‍ය සම්පත් ප්‍රශස්ත කිරීම සම්බන්ධයෙන් පියවර රැසක් අනුගමනය කරමින් සිටී.

යළිත් වරක්, පාකිස්තාන ජනාධිපති ධුරයට පත් වූ අසීෆ් අලී සර්දාරි ද සිය ධුරයේ දිවුම් දෙමින් පවසා ඇත්තේ, ජනාධිපතිවරයාට හිමි වැටුප හෝ දීමනා කිසිවක් හෝ තමන් ලබා නොගන්නා බවය.

අසීෆ් අලී සර්දාරි එම තීරණය ගත් අවස්ථාවේදී පාකිස්තාන අභ්‍යන්තර කටයුතු පිළිබඳ අමාත්‍ය මොෂීන් නාකිව් ද පැවැසුවේ තමන් ද තමන්ට හිමි වැටුප ලබා නොගන්නා බවය.

(එන්.ඩී.ටීවී.)

අදහස් (5)

පාකිස්තාන අගමැති වැටුප එපා කියයි

චන්දන Thursday, 21 March 2024 12:13 PM

පකිස්තානෙ...පකිස්ථානෙ....පකිස්ථානෙ එහෙම වුනත් ...ලංකාවේ එහෙම වෙන්නෙ නෑ.... අඩු ගානෙ අධිපතිවත් එහෙම හිතන්නෑ....

: 1 6

අරවින්ද මොනරවිල Thursday, 21 March 2024 01:45 PM

අපේ එකාට පකිස්ථානයේ අගමැතිගේ අවුරුද්දක පඩිය මදි ඇති ලෝකයේ වටේ රවුම් ගහන්න විතරක්.

: 1 5

ravin Thursday, 21 March 2024 03:56 PM

අපේ රටේත් එහෙමලු. පහුගිය දවස්වල හිටපු ඇමැති රොනී ද මෙල් මහතාගේ අවමගුලට අධිවේගය තියෙද්දී හෙළිකොප්ටරයෙන් ගිහිල්ලා දේපළවලටත් හානි කළේ... දුෂ්කරතා හමුවේ තම තමන්ගේ වෛද්‍ය රක්ෂණ ලක්ෂ දෙකේ සිට ලක්ෂ 10 දක්වා වැඩිකරගත්තේ. තව තව කියන්න ගියොත් කට කහන හින්දා නවතින්නම්.

: 0 0

උඩ අදහස් Thursday, 21 March 2024 03:57 PM

ඔය උඩ අදහස් පලකරලා තියන අයට මතකද දන්නේ නැහැ ඉම්රාන්ඛාන් අගමැති වුණු අළුත... අන්තිමට රටේ දේවලුත් තමන්ගේ නමට ලියාගෙන දැන් හිරේ...!

: 0 0

B Amarasinghe Friday, 22 March 2024 01:22 AM

වැඩිම ඡන්දේ ගත්තෙ ඉම්රාන්ගේ කණ්ඩායම, හමුදාවේ වුවමනාවට ඉතිරි පක්ෂ එකතු වෙලා ආණ්ඩුවක් අටවා ගත්තා. මෙයාට මොකටද තව වැටුප්?

: 0 0

ඔබේ අදහස් එවන්න

සයුරෙන් එතෙර

ඉරානයෙන් ඊශ්‍රායලයට මිසයිල 180 ක්

2024 ඔක්තෝබර් මස 02 11 0

ජිමී කාටර්ට අවුරුදු 100 යි

2024 ඔක්තෝබර් මස 02 9 0

ජපන් මහ මැතිවරණය ඔක්තෝබර් 27 වැනිදා

2024 ඔක්තෝබර් මස 01 310 1

කඩිනමින් මහ මැතිවරණයක් පැවැත්වීමට, ජපානයේ පාලක ලිබරල් පක්ෂයයේ නව නායකයා මෙන්ම, නව අග්‍රාමාත්‍යවරයා ද වන 67 හැවිරිදි ෂිගුරු ඉෂිබා තීරණය කර ඇත.

ඊශ්‍රායල අගමැති ඉරාන වැසියන් අමතයි

2024 ඔක්තෝබර් මස 01 6352 2

ඉරාන රජය දැඩි ලෙස විවේචනය කරමින්, ඊශ්‍රායල අග්‍රාමාත්‍ය බෙන්ජමින් නෙදන්යාහු ඉරාන වැසියන් ආමන්ත්‍රණය කරමින් විශේෂ වීඩියෝ පණිවුඩයක් නිකුත් කළේය.

IIFA හොඳම නළුවා ෂාරුක්

2024 ඔක්තෝබර් මස 01 1510 0

24 වැනි අයිෆා IIFA - International Indian Film Academy Awards සිනමා සම්මාන උළෙල අති උත්කර්ශවත් අන්දමින් පසුගිය දා අබු ඩාබි හිදී පැවැත්විණි. IIFA යනු ඉන්දියාවෙන් පිට පැවැත්වෙන ඉන්දීය සම

මාර්බර්ග් වයිරසය රුවන්ඩාවේ පැතිරේ

2024 ඔක්තෝබර් මස 01 1299 0

‘මර්බර්ග්’ නමැති වයිරසය මේ වනවිට අප්‍රිකා රාජ්‍යයක් වන රුවන්ඩාවේ ව්‍යාප්ත වෙමින් පවතින බව වාර්තා වේ. ‘මර්බර්ග්’ අයත් වන්නේ ද ‘ඉබෝලා’ වයිරසය අයත් වයි