ප්රංශ අග්රාමාත්ය ගෙබ්රියෙල් අතාල් සිය ධුරයෙන් ඉවත් වන බව නිවේදනය කළේය. 35 හැවිරිදි අතාල් ප්රංශ අග්රාමාත්ය ධුරයට පත්වුණු ළාබාලතම පුද්ගලයාය.
අතාල් මෙසේ පැවැසුවේ, එරට පාර්ලිමේන්තු මැතිවරණයේ දෙවැනි වටයෙන්, ‘පොපියුලර් ෆ්රන්ට්’ නමැති වාමාංශික දේශපාලන සන්ධානය ප්රංශ පාර්ලිමේන්තුවේ වැඩි ආසන සංඛ්යාවක් දිනා ගැනීමත් සමඟය.
ප්රංශ පාර්ලිමේන්තුවේ පළමු වටය පැවැත්වූයේ පසුගිය ජූනි 30 වැනිදාය. එයින් වැඩි ආසන දිනා ගනිමින් ඉදිරියට පැමිණියේ, ප්රංශ ජනාධිපති ඉමැනුවෙල් මැක්රොන්ගේ ප්රතිවාදිනියක වන මරීන් ල පෙන්ගේ අන්ත දක්ෂිණාංශික ‘නැෂනල් රැලි’ පක්ෂයයි. එම අවස්ථාවේදී කිසිදු පක්ෂයකට පාර්ලිමේන්තුවේ බහුතරය හිමි නොවිණි.
මැතිවරණයේ දෙවැනි වටය පසුගිය සති අන්තයේ පැවැත්වුණු අතර, එයින් ‘පොපියුලර් ෆ්රන්ට්’ අන්ත වාමාංශික දේශපාලන සන්ධානය ජයග්රහණය කළේ කවුරුත් පුදුමයට පත් කරමිණි.
ප්රංශයේ ප්රධාන වාමාංශික පක්ෂ එක් වී ‘පොපියුලර් ෆ්රන්ට්’ නමින් සන්ධානයක් පිහිටුවා ගැනීම කළේ මැතිවරණයට මාසයකට පෙරය. ‘පොපියුලර් ෆ්රන්ට්’ සන්ධානයට නායකත්වය දෙන්නේ 72 හැවිරිදි ජෝන් ලූක් මෙලෙන්කොන්ය.
පළමු වටයෙන් හෝ දෙවැනි වටයෙන් කිසිදු පක්ෂයකට නිවම බහුතර බලයක් හිමි කර ගැනීමට හැකියාවක් ලැබී නැත. මහ මැතිවරණයේ දෙවැනි වටයේ ඡන්ද ප්රතිඵල නිකුත් වෙද්දී පළමු තැන ‘පොපියුලර් ෆ්රන්ට්’ සන්ධානයටත්, දෙවැනි තැන ප්රංශ ජනාධිපති ඉමැනුවෙල් මැක්රොන්ගේ මධ්යස්ථමතධාරී ‘ඔන්සෙම්බ්ලේ ඇලියොන්ස්’ සන්ධානයටත්, තෙවැනි තැන ‘නැෂනල් රැලි’ පක්ෂයටත් හිමිවිය. ‘පොපියුලර් ෆ්රන්ට්’ වාමාංශික සන්ධානය දිනාගත් ආසන ගණන 182 කි. මැක්රොන්ගේ මධ්යස්ථමතධාරීන් ආසන 163 ක් ද අන්ත දක්ෂිණාංශික ‘නැෂනල් රැලි’ පක්ෂය ආසන 143 කි.
‘පොපියුලර් ෆ්රන්ට්’ සන්ධානය පාර්ලිමේන්තුවේ වැඩි ආසන දිනා ගැනීම, අණ පනත් සම්මත කර ගැනීමේ දී සහ තීන්දු තීරණ ගැනීමේ දී ජනාධිපති 46 හැවිරිදි මැක්රොන්ට ගැටලුවක් වෙයි. අතාල් අග්රාමාත්ය ධුරයට පත් කරනු ලැබුවේ ද මැක්රොන් විසිනි. අතාල් අග්රාමාත්ය ධුරයෙන් ඉල්ලා අස්වන බව නිවේදනය කළේ මේ නිසාය. අග්රාමාත්ය ධුරයෙන් ඉවත් වුවත් දිගටම ජනාධිපති මැක්රෝනගේ සහායට සිටින බව ඔහු පවසා ඇත.
(ඒ.එෆ්.පී.)
ඉන්දියාවේ හර්යානා ප්රාන්ත මැතිවරණයේ ප්රතිඵල නිකුත් වූ අතර වසර 10 කට පසු, හර්යානා ප්රාන්තයේ බලය අග්රාමාත්ය නරේන්ද්ර මෝදි නියෝජනය කරන භාරතීය ජනතා
ඉන්දීය සාගරයේ පිහිටි චේගෝස් දූපතවල අයිතිය, මුරුසි දූපත්වලට පැවැරීමට එක්සත් රාජධානිය තීරණය කර ඇත.
ප්රබල සූර්ය ගිනිදැල්ලක් හේතුවෙන් අප්රිකාවේත් යුරෝපයේත් සන්නිවේදන කටයුතුවලට බාධා එල්ල විය.
ලෙබනනයේ බේරූට් අගනුවර, ‘රෆික් හරීරි’ ජාත්යන්තර ගුවන්තොටුපොළ අසල හිස්බුල්ලා ඉලක්කවලට ඊශ්රායල ගුවන් හමුදාව එල්ල කළ ප්රහාරවලින් 37 දෙනකු මියගිය බවත්
පරිපාලන වියදම් අවම කිරීමේ අරමුණින්, පකිස්තාන රජය, ජාත්යන්තර මූල්ය අරමුදලේ ඩොලර් බිලියන 7ක ණය ගනුදෙනුව යටතේ එකඟ වූ ප්රතිසංස්කරණවලට අනුව, රජයේ තනතුරු
ඇමෙරිකාවේ සී.අයි.ඒ. බුද්ධි ඒජන්සිය, ඉරානයෙන් සහ උතුරු කොරියාවෙන් ‘ඔන්ලයින්’ ඔත්තුකරුවන් බඳවා ගන්නා බව විදෙස් මාධ්ය පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ප්රංශ අගමැති අතාල් ධුරයෙන් ඉවත් වෙයි
Thushara Monday, 08 July 2024 12:39 PM
ආතල් මෙහෙට එන්න මෙහෙ ආතල්...
සමන් විමල් Monday, 08 July 2024 02:34 PM
තිස්පස් හැවිරිදි අග්රාමාත්යවරයා පරදා හැත්තෑ එක් හැවිරිදි පුද්ගලයෙක් දිනුම්. ලංකාවේ නම් නාකි එළවලා දාන්නේ...
sam Tuesday, 09 July 2024 09:42 AM
ලංකාවේනම් දුම්මල ගහලා උද්ඝෝෂණ තියලා ,මිනිස්සු වර්ජනය කරලත් යන්නේ නම් නැහැ.හේතුව දන්නවානේ තනතුරේ තියන නානාප්රකාර ගනුදෙනු සහ ඒවායින් ලැබෙන සුවිශාල වාසි