බංග්ලාදේශයේ මේග්නා නදියේ මඟීන් 200ක් රැගෙන යාත්රා කරමින් තිබූ බෝට්ටුවක් ඊයේ(13) අනතුරට පත් වීමෙන් එහි සිටි පිරිසෙන් 26 දෙනකු ජීවිතක්ෂයට පත්ව ඇති අතර 35 දෙනකු දිවි ගලවා ගෙන ඇති බවත් සියයකට අධික පිරිසක් අතුරුදන්ව ඇති බවත් වාර්තා වේ. ඩකා නුවරට ගිනිකොන දිගින් පිහිටි මේග්නා නදියේ යාත්රා කරමින් තිබූ ශාරියාට්පූර් නමැති තට්ටු දෙකකින් සමන්විත මෙම බෝට්ටුව තවත් යාත්රාවක ගැටීමෙන් අනතුර සිදුව තිබේ. අනතුර සිදු වූ වහාම මඟීන්ගේ දිවි ගලවා ගැනීමට ජීවිතාරක්ෂක බෝට්ටු පැමිණ ඇති අතර එහිදී පුද්ගලයන් 35 දෙනකු බේරා ගැනීමට හැකි වූ බවත් අතුරුදන් වූ පුද්ගලයන් සෙවීමට කිමිදුම්කරුවන් යොදවා ඇති බවත් මුදා ගැනීමේ මෙහෙයුම්වල නිරත ජීවිතාරක්ෂක නිලධාරියෙක් පැවසීය. මෙම අනතුරින් පුද්ගලයන් සියයකට අධික පිරිසක් අතුරුදන්ව ඇත. ‘මේ වන විට කිමිදුම්කරුවන් අනතුරට පත් යාත්රාවෙන් කාන්තාවන් පස්දෙනකු සහ ළමයින් දෙදෙනකු ඇතුළු මියගිය පුද්ගලයන් 26 දෙනකුගේ සිරුරු ගොඩගෙන තිබෙනවා.’ යැයි ප්රාදේශීය පොලිස් නිලධාරියෙකු පැවසීය. අනතුරට පත් වූ බෝට්ටුවේ සිටි පුද්ගලයන් බේරා ගැනීමේ මෙහෙයුම්වලට සහාය දීමට සියගණන් ප්රදේශවාසීන් සහ අනතුරට පත් වූවන්ගේ ඥාතීන් මේග්නා නදියේ ඉවුරට රැස්ව සිටින බව එම නිලධාරියා වැඩි දුරටත් කියා සිටියේය. ගිලී ගිය බෝට්ටුව 1991 වසරේදී නිෂ්පාදනය කරන ලද එකක් බවත් මඟීන් ප්රවාහනයට තරම් සුදුසු තත්ත්වයේ එය නොතිබුණු බවත් එරට රජයේ නිලධාරියෙකු පැවසීය. බංග්ලාදේශයේ දුෂ්කර ග්රාමීය ප්රදේශවල ප්රවාහන කටයුතු සඳහා බහුලව භාවිතයට ගැනෙන්නේ බෝට්ටු සහ මඟී යාත්රාය. මෙකී යාත්රා නිසි ප්රමිතියකින් තොර වීම සහ ප්රමාණයට වඩා මගීන් රැගෙන යාම අනතුරුවලට ප්රධාන හේතුව වී ඇති බව විදෙස් පුවත් සේවා සඳහන් කරයි. පසුගිය වසරේ දී මේග්නා නදිය ආශි්රතව යාත්රා දෙකක් ගැටීමෙන් සිදු වූ අනතුරකින් එහි ගමන් ගත් මඟීන් තිස්දෙදෙනෙක් ජීවිතක්ෂයට පත් වූහ.
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
මහ වැසි හේතුවෙන්, මධ්යම සහ නැගෙනහිර යුරෝපා රටවල් රැසක පළාත් බොහොමයක් ජලයෙන් යටවී ඇති බවත්, එම රටවල වැසියන් ලක්ෂ ගණනක් පීඩාවට පත් ව ඇති බවත් විදෙස් මාධ්
යේමනයේ, ඉරාන හිතවාදී ෂියා මුස්ලිම් හවුති සටන්කාමීන් ඊශ්රායලයට මිසයිල ප්රහාරයක් එල්ල කළේය. මිසයිලය පතිත වූයේ මධ්යම ඊශ්රායලයට අයත් ජනශුන්ය ප්රද
‘යාගී’ සුළි කුණාටුවෙන් මියන්මාරයට දැඩි බලපෑම් එල්ල වී ඇති බවත් නොකඩවා ඇද හැලෙන මහ වැසි, ජල ගැලීම් සහ නායයෑම් හේතුයෙන් මියන්මාර වසියන් 100 කට වැඩි ගණනක් ජ
යළිත් වරක්, ඇමෙරිකා හිටපු ජනාධිපති ඩොනල්ඩ් ට්රම්ප්ට වෙඩි ප්රහාරයක් එල්ල විය. එයින් ට්රම්ප්ට කිසිදු අනතුරක් සිදු නොවුණු අතර, වෙඩි තැබීම කළ පුද්ගලයා
පෘථිවියට අලුත් සඳක් එසේත් නැතිනම් චන්ද්රයෙක් එක්වීමට නියමිත බව තාරකා විද්යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
බංග්ලාදේශයේ මඟී බෝට්ටුවක් පෙරළී 26ක් මරුට: 100 ක් අතුරුදන්