ඇමෙරිකා ජනාධිපති ජෝ බයිඩන් ජාතිය ඇමැතුවේය. ජනාධිපති ධුර අපේක්ෂකත්වයෙන් ඉවත් වී, උප ජනාධිපතිනී කමලා හැරිස් ජනාධිපති ධුර අපේක්ෂිකාව ලෙස නම් කිරීමෙන් පසු ජනාධිපති ජෝ බයිඩන් ජාතිය ඇමතුවේ පළමු වරටය.
ධවල මන්දිරයේ ඕවල් කාර්යාලයේ සිට, රූපවාහිනිය ඔස්සේ, බයිඩන් ජාතිය අමතමින් කියා සිටියේ, තමන් ජනාධිපති ධුර අපේක්ෂකත්වයෙන් ඉවත් වූයේ, තමන් නිසා තම ඩිමොක්රටික් පක්ෂයේ බෙදීමක් ඇති වීම වැළැක්වීමට බවය.
තමන් උප ජනාධිපති ධුර අපේක්ෂිකාව ලෙස නම් කළ උප ජනාධිපතිනී කමලා හැරිස්ට සහයෝගය දක්වන මෙන්, ජනාධිපති ජෝ බයිඩන් ඇමෙරිකන් ජනතාව අමතමින් ඉල්ලීමක් ද කළේය.
ජෝ බයිඩන් 81 හැවිරිදි වියෙහි පසුවෙයි. ඇමෙරිකාවේ ජනාධිපති ධුරයට තේරී පත් වුණු වයස්ගතම ජනාධිපතිවරයා වන්නේ බයිඩන්ය. බයිඩන්ගේ පළමු ධුර කාලය ආරම්භ වූයේ 2021 වසරේ ආරම්භ විය. එම ධුර කාලය මෙම 2024 දී අවසන් වන අතර ඇමෙරිකන් ජනාධිපතිවරයකු ධුර කාල දෙකක් සම්පූර්ණ කළ හැකි බැවින්, මෙම නොවැම්බර් 5 පැවැත්වෙන ජනාධිපතිවරණයට ඉදිරිපත් විය හැකිය. එහෙත්, බයිඩන්ගේ වයස ඔහුට බාධාවක් විය.
බයිඩන් ජනාධිපති ධුරයේ දිගටම රැඳී සිටීම නොකළ යුතු යැයි ඩිමොක්රටික් පක්ෂයෙන් විරෝධයක් එල්ල වූ අතර, මේ නිසා පක්ෂයේ බෙදීමක් හටගත්තේය. බයිඩන්ට හිටපු ජනාධිපති බැරැක් ඔබාමාගෙන් ද බලපෑම් එල්ල වූයේ ජනපති ධුර අපේක්ෂකත්වයෙන් ඉවත් වී, ඒ සඳහා වෙන කෙනකු නම් කරන මෙන් ඉල්ලා සිටියේය.
බයිඩන් ඉකුත් සතියේ යළිත් වරක් ‘කොවිඩ් 19’ ආසාදිතයකු ලෙස හඳුනා ගැනුණි. වෛද්ය උපදෙස් අනුව බයිඩන්, ධවල මන්දිරයෙන් පිටවී, ඔහුගේ ඩෙලවෙයාර් ජනපදයේ ඔහුගේ නිවසට ගොස් විවේකීයව ගත කළේය.
වෛද්යවරුන් පැවැසුවේ, බයිඩන් යළි ධවල මන්දිරයට පැමිණියේ ඇන්ටජන් පරීක්ෂණයකට යොමු වී, තව දුරටත් ‘කොවිඩ් 19’ ආසාදිතයකු නොවන බව තහවුරු වී, ‘මම දැන් සුවෙන්’ යැයි පවසමිණි.
ජනාධිපති ධුර අපේක්ෂකත්වයෙන් තමන් කිසිම අවස්ථාවක ඉවත් නොවන බව කී බයිඩන්, එල්ල වුණු බලපෑම් මැද අපේක්ෂතත්වයෙන් ඉවත් විය. ඒ අනුව, මෙම වසරේ සිය පළමු ධුර කාලය අවසන් වීමෙන් පසු බයිඩන්ගේ ජනාධිපති ධුරයෙන් සමුගනු ඇත. ප්රතිවාදී රිපබ්ලිකන් ජනාධිපති ධුර අපේක්ෂක ඩොනල්ඩ් ට්රම්ප් යළිත් ජනාධිපති වුවහොත්, ඇමෙරිකාවේ ප්රජාතන්ත්රවාදය විනාශ වනු ඇති බවත්, එසේ වීමට ඉඩ නොදී, ඩිමොක්රටික් ජනාධිපති ධුර අපේක්ෂිකා කමලා හැරිස්ගේ ජය තහවුරු කළ යුතු බව ද ජනාධිපති බයිඩන් පෙන්වා දුන්නේය.
(ඒ.එෆ්.පී.)
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
මහ වැසි හේතුවෙන්, මධ්යම සහ නැගෙනහිර යුරෝපා රටවල් රැසක පළාත් බොහොමයක් ජලයෙන් යටවී ඇති බවත්, එම රටවල වැසියන් ලක්ෂ ගණනක් පීඩාවට පත් ව ඇති බවත් විදෙස් මාධ්
යේමනයේ, ඉරාන හිතවාදී ෂියා මුස්ලිම් හවුති සටන්කාමීන් ඊශ්රායලයට මිසයිල ප්රහාරයක් එල්ල කළේය. මිසයිලය පතිත වූයේ මධ්යම ඊශ්රායලයට අයත් ජනශුන්ය ප්රද
‘යාගී’ සුළි කුණාටුවෙන් මියන්මාරයට දැඩි බලපෑම් එල්ල වී ඇති බවත් නොකඩවා ඇද හැලෙන මහ වැසි, ජල ගැලීම් සහ නායයෑම් හේතුයෙන් මියන්මාර වසියන් 100 කට වැඩි ගණනක් ජ
යළිත් වරක්, ඇමෙරිකා හිටපු ජනාධිපති ඩොනල්ඩ් ට්රම්ප්ට වෙඩි ප්රහාරයක් එල්ල විය. එයින් ට්රම්ප්ට කිසිදු අනතුරක් සිදු නොවුණු අතර, වෙඩි තැබීම කළ පුද්ගලයා
පෘථිවියට අලුත් සඳක් එසේත් නැතිනම් චන්ද්රයෙක් එක්වීමට නියමිත බව තාරකා විද්යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
බයිඩන් ජාතිය අමතයි