මියන්මාරයේ පෙරේදා (1) පැවැති අතුරු මැතිවරණයෙන් විශිෂ්ට ජයක් හිමි කර ගැනීමට සමත් වූ එරට ප්රජාතන්ත්ර නායිකා අවුන් සාන් සූ කී, ඇගේ ප්රජාතන්ත්රවාදී පක්ෂ ආධාරකරුවන් අමතමින් කියා සිටියේ මියන්මාරයට ‘නව යුගයක්’ උදා වූ බවය. ”ඇත්තෙන්ම මෙය මා ලැබූ ජයග්රහණයක් නොවෙයි, ජනතාව ලැබූ ජයක්. මෙය මියන්මාරයේ නව යුගයක ආරම්භයක්” යැයි යැංගොන් නුවර ප්රජාතන්ත්රවාදී පක්ෂ මූලස්ථානය ඉදිරිපිටට ඊයේ (2) රැස්වී පී්රතීඝෝෂා පැවැත්වූ ආධාරකරුවන් අමතමින් සූ කී පැවැසුවාය. 66 හැවිරිදි සූ කී මැතිවරණයට ඉදිරිපත් වූයේ කවුමු ඡුන්ද කොට්ඨාසයෙනි. ජාතික ප්රජාතන්ත්රවාදී පක්ෂය පවසන අන්දමට සියයට 82 ක ඡන්ද ප්රතිශතයක් දිනා ගැනීමට ඇය සමත් ව සිටින්නීය. ඇගේ ජාතික ප්රජාතන්ත්රවාදී පක්ෂය ද එරට පාර්ලිමේන්තුවේ ආසන 44 ක් ජයග්රහණය කර තිබෙන බව වාර්තා වේ. කෙසේ නමුත් සූ කී හෝ ඇගේ ‘ජාතික ප්රජාතන්ත්රවාදී පක්ෂය’ ලැබූ ජය තවමත් නිල වශයෙන් තහවුරු වී නැත. මැතිවරණයේ අවසන් නිල ඡන්ද ප්රතිපල නිකුත් කිරීමට සතියක් පමණ කාලයක් ගත වනු ඇතැයි මියන්මාර මැතිවරණ කොමිසම නිවේදනය කර තිබේ. නිල ඡන්ද ප්රතිපල එළි දැක්වෙන තුරු සන්සුන්ව සාමකාමීව හැසිරෙන්නැයි ඇය ඇගේ ආධාරකරුවන්ගෙන් ඉල්ලීමක් ද කළාය. ”මා දන්නවා ජාතික ප්රජාතන්ත්රවාදී පක්ෂයේ හැමදෙනාම සිටින්නේ ඉමහත් සතුටින්. ඒත් අපේ ඒ සතුට අපට අවාසියක් වීමට ඉඩ තිබෙනවා. ඒ නිසා කල්පනාවෙන් කටයුතු කළ යුතුයි.” යැයි සූ කී වැඩි දුරටත් අවධාරණය කළාය. 1962 වසරේ සිට මියන්මාරයේ පැවැතියේ හමුදා පාලනයකි. 2010 වසරේ දී මහ මැතිවරණයක් පැවැත්වූ අතර එම මැතිවරණයෙන් බලයට පත් වූයේ හමුදා පාලකයන්ට පක්ෂ දේශපාලන කණ්ඩායම්ය. එම දේශපාලන කණ්ඩායම් එක් වී සිවිල් රජයක් පිහිටුවූහ. එම අවස්ථාවේදී හමුදා නායකයෝ හමුදා ධුරවලට සමු දී විශ්රාම ගියහ. සිිවිල් රජයේ නායකත්වයට පත් වූවෝ විශ්රාමික එම හමුදා ප්රධානීහුය. එම සිවිල් රජය නව දේශපාලන ප්රතිසංස්කරණ හඳුන්වා දී ඇති අතර අතුරු මැතිවරණය පැවැත්වුණේ ද ඒ අනුවය. අතුරු මැතිවරණයෙන් සූ කී ජය ගත්ත ද මියන්මාර රජයට බලපෑමක් කිරීමට නොහැකි වනු ඇතැයි දේශපාලන විචාරකයෝ පෙන්වා දෙති. සූ කීට ප්රජාතන්ත්රවාදය වෙනුවෙන් කළ හැක්කේ කුමක්ද යන්න ප්රශ්නාර්ථයක් වී ඇතැයි ද දේශපාලන විචාරකයෝ වැඩි දුරටත් කියා සිටිති. කෙසේ නමුත් 2015 දී පැවැත් වීමට නියමිත මහ මැතිවරණයට ඉදිරිපත් වී, මියන්මාරයට ප්රජාතන්ත්රවාදය උදා කරදීමට සූ කීට හැකිවේ යැයි බොහෝ දෙනාගේ විශ්වාසය වී ඇත. මියන්මාර සිවිල් රජය අතුරු මැතිවරණය පැවැත්වූයේ, ආසන 664 කින් සමන්විත මියන්මාර පාර්ලිමේන්තුවේ හිස්ව ඇති ආසන 45 වෙනුවෙන් ජනතා නියෝජිතයන් තේරීමට පමණක්ම නොව, ජාත්යන්තරයෙන් ඔවුන්ට එරෙහිව පනවා ඇති සම්බාධක ලිහිල් කර ගැනීමට ඔවුන්ට අවශ්ය වී ඇති නිසාය. පක්ෂ ආධාරකරුවන්ගෙන් සූ කීට සුබ පැතුම්
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
මහ වැසි හේතුවෙන්, මධ්යම සහ නැගෙනහිර යුරෝපා රටවල් රැසක පළාත් බොහොමයක් ජලයෙන් යටවී ඇති බවත්, එම රටවල වැසියන් ලක්ෂ ගණනක් පීඩාවට පත් ව ඇති බවත් විදෙස් මාධ්
යේමනයේ, ඉරාන හිතවාදී ෂියා මුස්ලිම් හවුති සටන්කාමීන් ඊශ්රායලයට මිසයිල ප්රහාරයක් එල්ල කළේය. මිසයිලය පතිත වූයේ මධ්යම ඊශ්රායලයට අයත් ජනශුන්ය ප්රද
‘යාගී’ සුළි කුණාටුවෙන් මියන්මාරයට දැඩි බලපෑම් එල්ල වී ඇති බවත් නොකඩවා ඇද හැලෙන මහ වැසි, ජල ගැලීම් සහ නායයෑම් හේතුයෙන් මියන්මාර වසියන් 100 කට වැඩි ගණනක් ජ
යළිත් වරක්, ඇමෙරිකා හිටපු ජනාධිපති ඩොනල්ඩ් ට්රම්ප්ට වෙඩි ප්රහාරයක් එල්ල විය. එයින් ට්රම්ප්ට කිසිදු අනතුරක් සිදු නොවුණු අතර, වෙඩි තැබීම කළ පුද්ගලයා
පෘථිවියට අලුත් සඳක් එසේත් නැතිනම් චන්ද්රයෙක් එක්වීමට නියමිත බව තාරකා විද්යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
මියන්මාරයට නව යුගයක් උදාවුණා:
ප්රභාත් Tuesday, 03 April 2012 10:16 AM
කරුණාකර ඡායාරූපයේ මාතෘකාව වෙනස් කරන්න.
චන්දන Tuesday, 03 April 2012 10:44 AM
ලංකාව ගැන පළමුව හිතන්න
සුගත් Tuesday, 03 April 2012 06:19 PM
සුකීගේ හොද මිතුරියක් ලංකාවේ ඉන්නවා. එයාට ගොඩක් සතුටු ඇති.