2024 නොවැම්බර් මස 26 වන අඟහරුවාදා
2024 නොවැම්බර් මස 26 වන අඟහරුවාදා
සිරියා රජයට එරෙහිව හමුදා ප්රහාරයක් එල්ල කිරිමට උත්සහ කරන ඇමෙරිකන් ජනපති ඔබාමාට ඊයේ (4) එරට කොංග‍්‍රස් මණ්ඩලයේ මුල් පෙළ සභිකයන් කිහිප දෙනකුගේ අනුමැතිය හිමි විය.
එම අනුමැතිය ලබා දුන් පිරිස අතර ඔබාමාගේ ඩිමොක‍්‍රටික් පක්ෂයේ ජ්‍යෙෂ්ඨ සෙනෙට් සභිකයන් පමණක් නොව, ප‍්‍රතිවාදී රිපබ්ලිකන් පක්ෂ සෙනෙට් සභිකයෝ ද සිටිති.
ඔවුන් එක් වී සිරියාව සම්බන්ධයෙන් කොංග‍්‍රස් මණ්ඩලයට ඉදිරිපත් කිරීමට යෝජනාවලියක් සකස් කිරීම ද ඊයේ සිදුවිය.
ජනපති ඔබාමා පවසා ඇත්තේ, සිරියාවට එරෙහිව හමුදාමය කි‍්‍රයා මාර්ගයක් ගන්නේ, කොංග‍්‍රස් මණ්ඩලයේ අනුමැතිය හිමි වුවහොත් පමණක් කියාය.
සැකැසූ එම යෝජනාවලිය කොංග‍්‍රස් මණ්ඩලයට ඉදිරිපත් කිරීමට නියමිත අතර සිරියාවට පහර දෙනවා ද නැද්ද යන්න ලබන 9 වැනිදා විවාදයට ගැනීමට නියමිතය.
සිරියානු රජයට එරෙහිව හමුදාමය කි‍්‍රයා මාර්ගයක් ගන්නේ නම්, සිවිල් ජීවිත හානි අවම කිරීමට කටයුතු කරමින්, සිරියානු රජයේ සහ හමුදාවේ මර්මස්ථාන හඳුනාගෙන ඒවාට පමණක් පහර දෙන බව ද ඇමෙරිකානු ජනාධිපතිවරයා අවධාරණය කර ඇත.
ඔබාමා, එරට ආරක්ෂක අංශ ප‍්‍රධානීන් හමුවී ඉකුත් 31 වැනිදා සිරියාවට පහර දීමක් කළ යුතු ආකාරය ගැන සාකච්ඡා පැවැත්වීය. සිරියාවේ සිදුවුණු රසායනික විස වායු ප‍්‍රහාරයට රජය සම්බන්ධ බවත් යළිත් එවැනි සිදුවීමක් සිදුවීමට ඉඩ නොතැබිය යුතු බවත් ජනපති ඔබාමා අවධරණය කර සිටී.
ඉකුත් 21 වැනිදා සිරියාවේ සිදුවුණු එම විස වායු ප‍්‍රහාරයෙන් මියගිය 496 දෙනකුම කුඩා දරුවන් බවත් සිදුවුණේ මහා මානව සංහාරයක් බවත් ඔබාමාට සහාය දක්වන කොංග‍්‍රස් සභිකයෝ පෙන්වා දෙති.
ජනමත සමීක්ෂණවලින් පෙනී ගොස් ඇත්තේ ඇමෙරිකානුවන්ගෙන් සියයට 80 ක් සිරියාවට පහර දෙනවාට විරෝධය දක්වන බවය. ඔබාමා පරිපාලනයට එරෙහිව, ඇමෙරිකාවේ ප්රධාන නගර රැසකම විරෝධතා පැවැත්වෙයි.
මේ වනවිට ඇමෙරිකානු යුද නැව් පහක් සිරියාව අසල මධ්‍යධරණී සාගර කලාපයට සේන්දුවී සිරියාව දෙසට තම මිසයිල හරවා ඇති බව ද වාර්තා වේ.
ඇමෙරිකාව සිරියාවට පහරදීමක් කරන්නේ නම්, තමන් ඇමෙරිකාවට සහාය දෙන බව ප‍්‍රංශයත් ඊශ‍්‍රායලයත් කියා සිටී. සිරියාවට පහර දීම සම්බන්ධයෙන් ප‍්‍රංශ ජනපති ෆ‍්‍රන්සුවා ඕලන්ද්ගේ රජය ඊයේ (4) එරට පාර්ලිමේන්තුවට යෝජනාවලියක් ඉදිරිපත් කිරීමට නියමිතව තිබුණි.
බි‍්‍රතාන්‍ය අගමැති ඬේවිඞ් කැමරන් ප‍්‍රමුඛ බි‍්‍රතාන්‍ය රජය ද ඇමෙරිකාවට සහාය දීමට ඉදිරිපත් වූ නමුත්, සිරියාවට පහර දීමක් කිරීමට බි‍්‍රතාන්‍ය අගමැති ඬේවිඞ් කැමරන් පාර්ලිමේන්තුවෙන් අවසර ඉල්ලා සිටි නමුත් එය ප‍්‍රතික්ෂේප විය.
ජනපති ඔබාමාට, කොංග‍්‍රස් මණ්ඩලයේ අනුමැතියක් නැතිව සිරියානු රජයට එරෙහිව හමුදා කි‍්‍රයා මාර්ගයක් ගැනීමට හැකියාව ඇති බව ඇමෙරිකානු රාජ්‍ය දෙපාර්තමේන්තුවේ ජ්‍යෙෂ්ඨ නිලධාරියෙක් පවසා ඇත.
කොංග‍්‍රස් මණ්ඩලයේ අනුමැතිය නොමැතිව, සිරියාවට ඉතා සැලැසුම් සහගතව ප්රහාරයක් එල්ල කිරීමට ජනපති ඔබාමා සියල්ල සූදානම් කර ඇතැයි ද නම හෙළි නොකරන එම නිලධාරියා වැඩි දුරටත් පවසා ඇත.
|
ජනපති ඔබාමා කොංග‍්‍රස් නායකයන් හමුවී සාකච්ඡා කරමින් ... |
බංග්ලාදේශයේ ප්රධාන ජාතික පුවත්පත ලෙස සැලකෙන ‘ප්‍රොතෝම් ආලෝ’ පුවත්පත වසා දමන්නැයි බලකරමින් ඩකා අගනුවර විරෝධතා පැවැත්වෙයි.
බ්‍රිතාන්‍යයේ තෙවැනි චාල්ස් රජු සහ කැමිලා රැජින ආසියානු සංචාරයක් ආරම්භ කිරීමට නියමිත බව බකිංහැම් මාලිගය නිකුත් කළ නිවේදනයක දැක්වෙයි.
ගාසා තීරයේ සහ ලෙබනනයේ ජනසංහාර සිදු කිරීම සම්බන්ධයෙන් චෝදනා ලැබ සිටින ඊශ්‍රායල අග්‍රාමාත්‍ය බෙන්ජමින් නෙදන්යාහු අත්අඩංගුවට ගෙන ඔහුට මරණ දඬුවම ලබා දි
ඊශ්‍රායලයේ සහ ලෙබනනයේ ජන සංහාර සිදුකරනවා යැයි චෝදනා මුල්කොට ගනිමින්, අන්තර් ජාතික අපරාධ අධිකරණය, ඊශ්‍රායල අග්‍රාමාත්‍ය බෙන්ජමින් නෙදන්යාහු අත්අඩංග
දකුණුදිග තුර්කියේ අන්ටාලියා ගුවන්තොටුපොළට ගොඩ බෑ මගී ගුවන් යානයක ඇන්ජිමක ගින්නක් හටගත්තේය.
ලෙබනනයේ හිස්බුල්ලා සටන්කාමීන්, ඊශ්‍රාලයේ ටෙල් අවීව් නුවරට දැවැන්ත ප්රහාරයක් එල්ල කර තිබේ. එම ප්‍රහාරය සඳහා නියමුවන් රහිත ඩ්‍රෝන යානා 350 ක් පමණ පැමිණ ඇ
2024 නොවැම්බර් මස 05
549
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
751
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
මුල් පෙළේ කොංග‍්‍රස් සභිකයන්ගේ අනුමැතිය ඔබාමාට හිමිවෙයි
කුමාර Thursday, 05 September 2013 10:19 AM
යුද්ධයකට කෙළින්ම සම්බන්ධ වුණ කෙනෙක් ලෙස මම කිසිසේත් යුද්ධය අනුමත නොකරමි.ඇමෙරිකාවට අමාරු සිරියාවේ සිවිල් අය මැරුණ එක නොවේ. මෙතන තියෙන්නේ වෙන අරමුණක්. සිරියාවේ පාලකයෝ හොද නැත්නම් ඒක ඒ රටේ ජනතාවට තීරණය කරන්න දෙන්න ඕනෑ. සාධාරන මැතිවරණයකට නම් කවුරු බලපෑම් කළත් කමක් නැහැ.මොකද ඒක ජනතා අයිතිවාසිකමක්.එතකොට ජීවිත හානි වෙන්නෙත් නැහැ.රටේ ජනතාවත් සතුටින්. (නි)
පහන් Thursday, 05 September 2013 10:52 AM
අපේ රටේ තියෙන්නේ පොල්තෙල් නිසා අපිට ගහන එකක් නැහැ . (දී)
චතුරංග Thursday, 05 September 2013 10:54 AM
නියමයි. අපෙත් උදව්ව ඇමරිකාවට.ඉවරයක් කරලම දාමු. (දී)
මහී Thursday, 05 September 2013 09:35 PM
ග්‍රෑඩ් , ඇමරිකන් මැදිහත් වීම නැත්නම් මේ වෙනකොට අන්තවාදීන් ලෝකේ විනසකරලා ,ඇමරිකාව ලෝකයට ගොඩක් සේවා කරලා තියනවා අධ්‍යාපනය ට, සෞඛ්‍ය ට,මේ වෙලාවේ මුස්ලිම් අන්තවාදීන් විනාස කිරීමට "යකාට ගහන්න මහසෝනා එක්ක එකතු වීමේ " සංකල්පයද වටිනවා .(නදී)
මහී Thursday, 05 September 2013 09:35 PM
ග්‍රෑඩ් , ඇමරිකන් මැදිහත් වීම නැත්නම් මේ වෙනකොට මුස්ලිම් අන්තවාදීන් ලෝකේ විනශ කරලා ,ඇමරිකාව ලෝකයට ගොඩක් සේවා කරලා තියනවා අධ්‍යාපනයට, සෞඛ්‍යට, මේ වෙලාවේ මුස්ලිම් අන්තවාදීන් විනාශ කිරීමට "යකාට ගහන්න මහසෝනා එක්ක එකතු වීමේ " සංකල්පයද වටිනවා.(නදී) .
මහී Thursday, 05 September 2013 09:52 PM
ශාන්, ඔයා මේ අදහස් පළකරන්නෙත් ඇමරිකාවට පින් සිද්ධ වෙන්න. මොකද මේ තාක්ෂණය අදහස් ප්‍රකාශ කිරීමේ අවස්ථාවක්. කොච්චර ආත්මාර්ථකාමී රටක්ද? (නි)
සමන් Thursday, 05 September 2013 11:22 AM
බොක්කේ දඩමස් හක්කේ බුදුරැස් (දී)
දසුනි Thursday, 05 September 2013 10:34 PM
අපේ සමහරු සිංහලෙන් ඇමරිකාවට බණින නිසා ඔයාලත් බණිනවා.ඔයාලා නොදන්නවා වුණාට එයාලා ඉංග්‍රීසියෙන් සුභපතනවා. (නි)
ද සිල්වා බෙර්ලින් Thursday, 05 September 2013 03:34 PM
ලෝකයේ ඉස්ලාම් රටවල වැඩි කොටසක් පාලනය කරන්නේ රජ කෙනෙක් , හමුදා පාලකයෙක් හෝ ඒකාධිපතියෙක්. ප්‍රජාතන්ත්‍ර වාදය එම රටවල බොහෝ දුරට දකින්න ලැබෙන්නේ නැහැ.(නදී)
කුමාර Thursday, 05 September 2013 12:04 PM
ලෝකෙම ඇමරිකාව පැත්තේ (දී)
සම්පත් Thursday, 05 September 2013 12:32 AM
මස් වැද්දෝ.(නදී)
ජයරංග Friday, 06 September 2013 12:09 AM
අපිත් ප්‍රවේශම් වෙමු නේද? (නි)
රූපවතී Friday, 06 September 2013 01:38 PM
මහී, දම්,නිල්මිණි ,කුමාර, ඔයාලා මේ ලෝකයේ කොතැනකද? සාමාන්‍යයෙන් ජීවත් වෙන්නේ? මේ බලවත් රටවල් වෙන කිසිම මහාද්වීපයකට ගහනවද? විරුද්ධවාදී අදහස් ප්‍රකාශ කරනවද? නැහැ (නි)
මහී Thursday, 05 September 2013 04:31 AM
පහරදීම ඉක්මන් කරන්න (නි)
ජගත් Thursday, 05 September 2013 12:59 PM
නොකියා කියන්නේ සිරියාවට ගහනවා කියන එකනේ (දී)
ශාන් Thursday, 05 September 2013 07:01 AM
ඇමරිකාව නැතිම වෙලා යනවා දවසක (නි)
දම් Friday, 06 September 2013 05:30 AM
බලාගෙන අදහස් දානකොට...ඉරානය ,සිරියාව ඊළගට ආසියාව බව හොඳින් මතක තියාගත්තොත් හොඳයි.සිරියාවේ ප්‍රශ්නය සාමකාමීව විසදුනොත් ලොව බල තුලනය යම්තාක් දුරට රැදී තිබේවි.බලන්න පලස්තීනයට සාමය දෙන්න ඊශ්‍රායලය මේ දවස්වල හදිස්සියේ දගලන තරම.ඉන්දියාවත් අර අදිමින් ඉන්නේ කලාපයේ බලවතා වෙන්න ඇමරිකාවේ සවියෙන්. (නි)
ග්‍රෑඩ් Thursday, 05 September 2013 07:25 AM
මහී ඔබ තවත් ලක්ෂ ගණනක් ජීවිත නිකරුනේ හානි වීම දකින්නට කැමතිද ? සිරියාව තවත් ඉරාකයක් ලෙබනනයක් ලෙස දැකීමට කැමතිද? මෙවැනි යුද්දයකින් මුළුලොවටම හානියක් විනා යහපතක් නොවේ මෙය සිරියාවේ අභ්‍යන්තර ගැටලුවකි කලයුත්තේ යුදවදින සියලු පාර්ශව UNO මගින් සාමය වෙත ගෙනයාමට බළකිරීම පමණි මෙයට විසදුම ඒකපාර්ශ්විකව පහරදීම නොවේ (අ)
ටෙඩී Friday, 06 September 2013 06:12 AM
ගෑස් දමා මිනිසුන් මරන අයගෙන් ලොවට වැඩක් නැත. (නි)
මාධව Thursday, 05 September 2013 08:16 AM
ඇමරිකාවනේ මානව හිමිකම් කඩන්නේ, කෝ පිල්ලේ නෝනා ගම රට බලා ගියාද (දී)
චාමි Thursday, 05 September 2013 06:31 PM
ඇමරිකාව කරන වැඩේ හරි.බල තණ්හාවට අහිංසක මිනිස්සු මරණ එකට අපිත් විරුද්ධයි (නි)
ඉන්දික Thursday, 05 September 2013 02:02 PM
සිරියාවට ගහන්න කියන සමහරු සිරියාව තියෙන්නේ කොහෙද කියලවත් දන්නේ නැතුව ඇති. (නි)
රෝහණ Friday, 06 September 2013 11:40 PM
දසුනි, අපි කියන දේවල් ඔබාමාට ලැබෙනවා නම් ඉංග්‍රීසීයෙන් නොවේ එයාගේ තාත්තාගේ මව් බාෂාවෙන් හරි කියන්නම්. (නි)
රෝහණ Friday, 06 September 2013 11:46 PM
මහි, ඔය විදියට ලංකාවට ගහන්න හැදුවත් ඔය විදියටම කියයි නේද? (නි)
රෝහණ Friday, 06 September 2013 11:53 PM
මම හිතන්නේ පිල්ලේ නෝනා ලංකාවට ඇවිල්ලා ඇවිදපු නිසා මහන්සියට නින්ද ගිහින් ඇති. (නි)
කුමාර Thursday, 05 September 2013 02:22 PM
වහාම සිරියාවට පහර දෙන එක හොඳයි. නැතිනම් තව ගොඩක් රටවල් ඕක ආදර්ශයට ගන්න ඉඩ තියෙනවා. විශේෂයෙන් ඉරානය වගේ අය. කිසිම මුස්ලිම් රටක් විශ්වාස කරන්න බෑ. කව්රු හරි කිව්වොත් දෙවියන් වෙනුවෙන් මානව සංහාරයක් කරන්න ඕනි කියලා මෙයාලා විෂ වායු වුණත් ගහනවා.(නදී)
රන්ජනී Thursday, 05 September 2013 09:58 AM
අය්යෝ සමහර මේ අපේ කට්ටිය මිරිඟුවක් පස්සේ යනවා වගේ පෙන්නේ අදහස් ටික බැලුවහම.සිරියාවට ජය (දී)
නිල්මිණි Thursday, 05 September 2013 02:28 PM
ඇමරිකාවට ජය!!(නදී)