රුසියන් යුක්රේන අර්බුදයට විසඳුම් සෙවීමේ සාම සමුළුවක් ස්විට්සර්ලන්තයේ දී පැවැත්වීමට නියමිත අතර, ඊට සහභාගී වෙන්නැයි යුක්රේන ජනාධිපති ව්ලොදිමීර් සෙලෙන්ස්කී, ඇමෙරිකා ජනාධිපති ජෝ බයිඩන්ට ඇරැයුම් කර ඇති නමුත්, බයිඩන්ගෙන් ඊට යහපත් ප්රතිචාරයක් ලැබී නැත.
යුක්රේනයේ ප්රධාන මිත්ර පාර්ශ්වය වන්නේ ඇමෙරිකා එක්සත් ජනපදයයි. ඇමෙරිකා ජනාධිපති ජෝ බයිඩන් සාම සමුළුවට සහභාගී විය යුතුයි. බයිඩන් සාම සමුළුවට සහභාගී නොවීම, රුසියාවටත්, රුසියානු ජනාධිපති ව්ලැදිමීර් පුටින්ටත් ජයග්රහණයක් වේවි’ යැයි සෙලස්කී අදහස් දක්වමින් කියා තිබේ.
සාම සමුළුවට රුසියන් යුක්රේන නියෝජිතයන් සේම, රුසියාවටත්, යුක්රේනයටත් වෙන වෙනම සහාය දක්වන රටවල නියෝජිතයන් ද සහභාගී වනු ඇති බවත්, ඇමෙරිකන් ජනාධිපති බයිඩන් හෝ උප ජනාධිපති කමලා හැරිස් ඊට සහභාගී නොවූවත්, ඇමෙරිකන් නියෝජිත පිරිසක් ඊට සහභාගී වනු ඇති බවත් ධවල මන්දිරය පැහැදිලි කර ඇත.
සාම සමුළුවට මැදිහත් වී සිටින ස්විට්සර්ලන්තය පවසා ඇත්තේ රුසියන් යුක්රේන සාම සමුළුවට සහභාගී වෙන්නැයි තමන් රටවල් 160 කට ඇරැයුම් කර ඇති බවය. ජාත්යන්තර නීතිය සහ එක්සත් ජාතීන්ගේ ප්රඥප්තිය මත පදනම්ව, යුක්රේනය වෙනුවෙන් දිගු කාලීන සාම වැඩපිළිවෙළක් ඇති කිරීමට ලෝක නායකයන් සම්බන්ධ කර ගැනීම තම අරමුණ බව ස්විට්සර්ලන්ත රජය නිකුත් කළ නිවේදනයක දැක්වෙයි.
වසර දෙකකට වැඩි කාලයක් තිස්සේ ඔඩුදුවන රුසියන් යුක්රේය අර්බුදය විසඳීමට ස්විට්සර්ලන්තය මැදිහත් විය යුතු යැයි යෝජනා කළේ ද සෙලෙන්ස්කීය. ඒ අනුව, ලබන ජූනි මාසයේ ස්විට්සර්ලන්තයේ, ලූසනර් විල අසබඩ, බර්සෙට් සුඛෝපබෝගී හෝටලයේ දී ස්විට්සර්ලන්තයේ හිටපු ජනාධිපති ඇලන් බර්සෙට්ගේ සහභාගීත්වයෙන්, යුන්රේනය, රුසියාව සහ යුරෝපා රටවල් කීපයක රාජ්ය නායකයන් සහ නියෝජිතයන් සහභාගී වෙමින්, සාම සමුළුව පැවැත්වෙනු ඇත.
රුසියන් ජනාධිපති ව්ලැදිමීර් පුටින්ගේ නියෝගයකට අනුව, රුසියන් හමුදා, අසල්වැසි යුක්රේනයට එරෙහිව හමුදාමය ක්රියා මාර්ගයක් අනුගමනය කළේ 2022 වසරේ පෙබරවාරියේය. ඒ, බටහිර රටවලට ගැති යුක්රේන ජනාධිපති ව්ලොදිමීර් සෙලෙන්ස්කීගේ රජය, ‘නේටෝ’ හෙවත් උතුරු අත්ලාන්තික් ගිවිසුම් සංවිධානයේ සාමාජිකත්වය අපේක්ෂා කළ බැවිනි.
‘නේටෝ’ හෙවත් උතුරු අත්ලාන්තික් ගිවිසුම් සංවිධානය යනු ඇමෙරිකාව, කැනඩාව සහ යුරෝපා බටහිර රටවල් එක් වී, රුසියාවෙන් එල්ල වන තර්ජන පිටුදැකීමට පිහිටුවාගත් යුද සන්ධානයයි. යුක්රේනයට, නේටෝ සාමාජිකත්වය හිමිවීම, රුසියාවට විශාල තර්ජනයකි.
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
රුසියන් යුක්රේන සාම සමුළුව ස්විට්සර්ලන්තයේ