මැතිවරණ ජයෙන් පසු කියෙර් ස්ටාර්මර් බ්රිතාන්යයේ නව අග්රාමාත්යවරයා ලෙස ඩවුනිං වීදියේ අංක 10 බලා පැමිණියේය. පසුගිය කාලය පුරාවට, අගමැතිවරුන් ආවා ගියත්, ඩවුනිං වීදියේ අගමැති නිවසේ හිමිකරුවෙක් සිටී. ඒ, ලැරී නමැති බළල් සුරතලාය.
බ්රිතාන්ය අග්රාමාත්යවරු පහක් සමඟ වාසය කිරීමට වාසනාවන්ත වූ ලැරී වාසනාවන්ත විය. ස්ටාර්මර්, ලැරීට හමුවන හය වැනි අග්රාමාත්යවරයාය.
දේශපාලන කැලඹීම වලින් පිරි පසුගිය වසර 14 ක කාලයේ නොසැලී සිටි එකම තැනැත්තා ලෙස ලැරී බ්රිතාන්ය මාධ්ය විසින් හඳුන්වා දෙනු ලැබ ඇත. ලැරී උපත ලැබුවේ 2007 වසරේ ජනවාරි 13 වැනිදාය. ලැරීගේ වයස අවුරුදු 17 ක් බව පැවැසෙයි.
ලැරී, කම්කරු පක්ෂ අග්රාමාත්යවරයකු ඇසුරු කරන පළමු අවස්ථාව මෙයයි.
අග්රාමාත්ය ධුරයෙන් සමුගෙන රිෂි සුනාක් නිල නිවසින් යද්දී ඔහුගේ බලු සුරතලා ලැබ්රඩොර් රිට්රීවර් වර්ගයට අයත් නෝවා ද නිල නිවසට සමුදුන්නේය. එය ලැරීගේ සතුටට හේතුවක් වන්න ඇත. ඒ බලලුන් සහ බල්ලන් අතරේ නොහොඳ නෝක්කඩු පවතින නිසාය.
කෙසේ නමුත් ගැටලුවක් ද ඇත. නව අග්රාමාත්යවරයා සමඟ නව සුරතලෙක් ද නිල නිවසට පැමිණෙයි. එම සුරතලාගෙන් ලැරීට අභියෝගයක් එල්ල වනු ඇති බවත් ලැරීගේ ප්රතිවාදියා වීමට ඉඩ ඇති බවත් බ්රිතාන්ය මාධ්ය පෙන්වා දෙයි.
මේ සුරතලා ජෝ ජෝ ය. ජෝ ජෝ ද ලැරී මෙන්ම බළල් තඩියෙකි.
ලැරී සහ ජෝ ජෝ අතරේ හරි හරියට රණ්ඩුසරුවල් ඇතිවීමට ඉඩ ඇතැයි මාධ්ය වාර්තා බිය පළ කරයි. ඊට හේතුව, ඩවුනිං වීදියේ අංක 10 අසලින් වෙන කිසිම බළලකු ගමන් කරනවාට පවා ලැරී අකමැති වීමය.
මීයන් ඇල්ලීම පැත්තකට දමා ලැරී ජෝ ජෝ සමඟ සටන් කරාවිද? මෙය ද බොහෝ දෙනකුට ගැටලුවකි. ලැරීගෙන් ජෝ ජෝ ට කරදර වුණොත්, රිෂී සුනාක්ට මෙන් ලැරීට ද ඩවුනිං වීදියේ අංක 10 අහිමි වනු නිසැකය.
(ඩේලිමේල් ඇසුරිනි)
ඉන්දීය සාගරයේ පිහිටි චේගෝස් දූපතවල අයිතිය, මුරුසි දූපත්වලට පැවැරීමට එක්සත් රාජධානිය තීරණය කර ඇත.
ප්රබල සූර්ය ගිනිදැල්ලක් හේතුවෙන් අප්රිකාවේත් යුරෝපයේත් සන්නිවේදන කටයුතුවලට බාධා එල්ල විය.
ලෙබනනයේ බේරූට් අගනුවර, ‘රෆික් හරීරි’ ජාත්යන්තර ගුවන්තොටුපොළ අසල හිස්බුල්ලා ඉලක්කවලට ඊශ්රායල ගුවන් හමුදාව එල්ල කළ ප්රහාරවලින් 37 දෙනකු මියගිය බවත්
පරිපාලන වියදම් අවම කිරීමේ අරමුණින්, පකිස්තාන රජය, ජාත්යන්තර මූල්ය අරමුදලේ ඩොලර් බිලියන 7ක ණය ගනුදෙනුව යටතේ එකඟ වූ ප්රතිසංස්කරණවලට අනුව, රජයේ තනතුරු
ඇමෙරිකාවේ සී.අයි.ඒ. බුද්ධි ඒජන්සිය, ඉරානයෙන් සහ උතුරු කොරියාවෙන් ‘ඔන්ලයින්’ ඔත්තුකරුවන් බඳවා ගන්නා බව විදෙස් මාධ්ය පවසයි.
නොවැම්බර් පස් වැනිදා පැවැත්වීමට නියමිත ඇමෙරිකන් ජනාධිපතිවරණයට ඉදිරිපත් වන උප ජනාධිපති අපේක්ෂකයන් දෙදෙනාගේ විවාදය නිව්යෝක් නුවරදී පැවැත්විණි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලැරීට ප්රතිවාදියෙක් !
Pujith Saturday, 06 July 2024 09:23 PM
ලංකාවේ මිනිස්සුන්ට ප්රශ්න නැති නිසා හොඳට ගියා. නැතිනම් මේ වගේ පුවත් වලින් වැඩක් නැතිවෙනවා. දැන්නම් මේවා trending වෙන එක නවත්තන්න බෑ...!
රමණි Sunday, 07 July 2024 11:21 AM
නො. 10 කියන්නේ ලැරීගේ නිවස. පිටින් එන ඒවා බලලා පිටස්තරයෙක් වගේම තාවකාලික වැසියෙක්. අලුතින් එන අගමැති පැරදිලා එළියට යන දවසක එයත් ඒ එක්ක යන්න වෙයි. ඒත් ලැරී යන්නේ නෑ. ඒ නිසා ලැරීට ඉන්න දෙන්නේ නැති අගමැතිවරු පත් නොකරන්න අවශ්යයි. මේ විහිළුවක් නෙවෙයි. මනුෂ්යයින්ට යහපත් ගතිගුණ ඇතිකිරීමට රටේ උඩම තැන ඉඳලා ආදර්ශයක් තිබිය යුතුයි. එය අපේ රටටත් අදාලයි....!