2025 අප්‍රේල් මස 04 වන සිකුරාදා
ඉතාලියේ මිලානෝ නගරයේ විදේශික සංක‍්‍රමණිකයන් බහුලව වෙසෙන ප‍්‍රදේශයක පිහිටි ප‍්‍රාථමික පාසලක පළමුවැනි ශ්‍රේණිය සඳහා ලියාපදිංචි කර ඇති ළමුන් 17 දෙනාගෙන් පහළොස් දෙනෙකු ම විදේශික දරුවන් වීම හේතුවෙන්, ඉතාලි අධ්‍යාපන අමාත්‍යවරියගේ උපදෙස් පරිදි මෙම ළමුන් නගරයේ වෙනත් පාසල් කීපයකට අනුයුක්ත කර, අදාළ පාසලේ පළමුවැනි ශ්‍රේණිය වසා දමා ඇත. ඉතාලි ජනරජ ව්‍යවස්ථාවට අනුව තමන් කැමති පාසලකට දරුවන් ඇතුළත් කිරීමේ ප‍්‍රජාතන්ත‍්‍රවාදී අයිතිය අහෝසි කළ බවට චෝදනා නගමින්, උක්ත දරුවන්ගේ දෙමාපියන් විසින් අධ්‍යාපන අමාත්‍යවරියට හා මිලානෝ ප‍්‍රාදේශීය අධ්‍යාපන කාර්යාලයට එරෙහිව අධිකරණය හමුවේ නඩුවක් ගොනුකරනු ලැබු ඇත. ඉතාලියේ නව ආරක්ෂක පැකේජයට අනුව පාසලක එක පන්තියකට ඇතුළත් කරගත හැක්කේ 30% ක උපරිමයක් දක්වා වන විදේශික සිසු සිසුවියන් සංඛ්‍යාවක් පමණක් බව ඉතාලි අධ්‍යාපන අමාත්‍යවරිය වන මරියා ස්ටෙලා ජෙල්මිනි මතක් කර දී ඇත. ඉතාලි ජාතික දරුවන් හා ඉතාලි පාසල්වල අධ්‍යාපනය ලබන විදේශික දරුවන් අතර දැඩි බැඳීමක් ඇති කිරීම හා පාඩම් කියා දීමේදී සිසු සිසුවියන් කෙරෙහි වැඩි අවධානයක් යොමු කිරීමේ ඉඩකඩ ගුරුවරුන්ට ලබාදීම සඳහා, පාසලක එක පන්තියක් සඳහා විදේශික ළමුන් 30%ක උපරිමයක් දක්වා පමණක් ඇතුළත් කරගත යුතු බව ඉතාලියේ 2009 නව ආරක්ෂක පැකේජය යටතේ නීතිගතවී ඇත. එහෙත් මෙම වගන්තියට අනුව විදේශික සිසු සිසුවියන් ලෙස සැලකිය යුතුව ඇත්තේ, ඉතාලි අධ්‍යාපන මාධ්‍යය හරිහැටි නොදැන ඉතාලි පාසල් අධ්‍යාපනය සඳහා යොමුවන ඉතාලියේ නේවාසික විදේශික දරුවන්ය. වැඩි දුර කරුණු සොයා බැලීමේදී හෙළිවන්නේ, උක්ත පාසල් පළමුවැනි ශ්‍රේණිය සඳහා ලියාපදිංචි කර ඇති විදේශික දරුවන් යයි කියැවෙන ළමුන් පහළොස් දෙනාගෙන් ළමුන් දෙදෙනෙකු හැර ඉතිරි සියල්ලෝ ම විදේශික දෙමාපියන්ට දාව ඉතාලියේ උපත ලැබූ දරුවන් බවය. විදේශික සිසු සිසුවියන්ගේ ප‍්‍රතිශතය 30% ඉක්මවන පන්ති දෙදහසකට වැඩි ප‍්‍රමාණයක් ඉතාලිය පුරා පාසල්වල ඇති බව, වතිකානුව ආශ‍්‍රිත කරිටාස් සංවිධානය මගින් කරන ලද සමීක්ෂණයකින් හෙළිවී ඇත. ඉතාලියට සංක‍්‍රමණය වූ විගස පාසල් අධ්‍යාපනය සඳහා යොමුවන විදේශික දරුවකුගේ ඉතාලි භාෂා දැනුමත්, විදේශික සම්භවයක් ඇතිව ඉතාලියේ උපත ලබා පාසල් අධ්‍යාපනය වෙත යොමුවන දරුවකුගේ ඉතාලි භාෂා දැනුමත් පිළිබඳව සලකා බලා, වැරදි අර්ථකථනයකට ඉඩ නොතබා පාසල් පන්තියක විදේශික ළමුන් සීමාව පිළිබඳව වගන්ති සකස් කළ යුතුව තිබුණි. අසාරධාරණයට පත් මෙම දරුවන්ගේ අයිතිවාසිකම් වෙනුවෙන් ස්වේච්ඡුාවෙන්ම ඉදිරිපත්වී සිටින ඉතාලි නීතීඥවරුන්ගේ මතය වන්නේ, ඉතාලියේ උපත ලබා ඉතාලියේම හැදුණු වැඩුණු මෙම ළමා පිරිස, වර්ණ විෂමතාව මත පමණක් පිහිටා ඉතාලි ජාතික ළමුන්ගෙන් වෙනස්ව සැලකීම ජාත්‍යන්තර ළමා අයිතිවාසිකම් උල්ලංඝණය කිරීමක් බවය. 2011-2012 අධ්‍යයන වර්ෂය සඳහා පළමුවැනි ශ්‍රේණියේ සිට විශ්වවිද්‍යාල ප‍්‍රවේශය දක්වා පාඨමාලාවන් හැදෑරීමට ඉතාලි පාසල්වල ලියාපදිංචිව ඇති ළමුන් සංඛ්‍යාව හැත්තෑ අට ලක්ෂ තිස්දහසකි. (7830000) මේ අතර විදේශික රටවල් එකසිය අසූවකට වැඩි ප‍්‍රමාණයක පුරවැසි ළමුන් ලක්ෂ හතක් ද වෙති. යටියන - ක්ලැරන්ස් කොස්තා ෂෙසානෝ, රෝමය, ඉතාලිය.
දකුණු කොරියා ජනාධිපති යූන් සුක් යෝල්ට එරෙහිව ගෙනා දෝෂාභියෝගය, එරට ව්‍යවස්ථා අධිකරණය විසින් ඒකමතිකව සම්මත තහවුරු කෙරුණි.
ඇමෙරිකන් ජනාධිපති ඩොනල්ඩ් ට්‍රම්ප්, රටවල් 25 ක් සදහා තීරු බදු ප්‍රකාශයට පත් කර ඇති අතර ශ්‍රී ලංකාවෙන් ලැබෙන සියලු‍ම භාණ්ඩ සඳහා සියයට 44 ක තීරු බද්දක් පැන
ඊශ්‍රායල හමුදා, ලෙබනනයේ බීරූට් අගනුවරට දිගින් දිගටම බෝම්බ හෙලන බව වාර්තා වේ. ඒ, ලෙබනන් හිස්බුල්ලා සටන්කාමීන් ඉලක්ක කර ගනිමිනි. එසේ එල්ල කළ ප්‍රහාරවලින
චීනය සහ රුසියාව සදාකල් මිතුරන් බවත්, එම මිත්‍රත්වය කිසිදා වෙනස් නොවන බවත් චීන විදේශ අමාත්‍ය වංග් ඊ පවසයි. චීන විදේශ අමාත්‍යවරයා මෙසේ පැවැසුවේ, රුසියාව
රුසියාව සිය හමුදා ශක්තිය වැඩි කරගනිමින් සිටින අතර, අවුරුදු 18 ත් 30 ක් අතරේ තරුණයන් 1,60,000 ක පිරිසක්, හමුදාවට බඳවා ගන්නැයි එරට ජනාධිපති ව්ලැදිමීර් පුටින් නිය
ජනප්‍රිය හොලිවුඩ් නළු වැල් කිල්මර් දිවියෙන් සමුගත්තේය. ඔහුගේ වයස අවුරුදු 65 කි. 2014 වසරේ වැල් කිල්මර් පිළිකා රෝගියකු ලෙස හඳුනා ගැනුණි. පිළිකාව වර්ධනය වූය
2025 අප්‍රේල් මස 04
82
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
362
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
889
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
විදේශික ළමුන් බහුතරයක් සිටි මිලානෝහි පාසලක පළමුවැනි ශ්‍රේණිය වසා දමලා