2024 නොවැම්බර් මස 29 වන සිකුරාදා
හදිසි ආපදා තත්ත්වයක් ඇතිවී ගොඩබැසුම් ගියරය කි‍්‍රයාවිරහිතව ගියද මනා නිපුණත්වයකින් යුතුව ගුවන්යානයේ පාලනය තමන් අතට ගෙන රෝද නොමැතිවම එය ගොඩබස්වා යානයේ සිටි මගීන් 400 දෙනා සුරක්ෂිත කිරීමට පසුගියදා ඇමරිකාවේ වර්ජින් ගැලැක්ටික් ගුවන්සේවයේ සේවය කරනා ගුවන්නියමුවෙක් සමත් විය.
‘යානයේ උදරය මත ගොඩබැස්වීමක්‘ (බෙලී ලෑන්ඩින්ග්) නම් වන මේ කි‍්‍රයාවලිය මනා සංයමයකින් යුතුව සිදුකළ යුත්තක් වන අතර කලබල වුවහොත් විනාශයක් අත්විය හැකි බව සඳහන්ය.
ලන්ඩනයේ සිට ඇමරිකාවේ ලොස් ඇන්ජලිස් නුවර බලා පියාසර කරමින් තිබූ මෙම ගුවන්යානයේ දෝෂයක් ඇති බව හෙළිව තිබෙන්නේ ගුවන්ගතවී විනාඩි 30 ක පමණ කාලයක් ගතවූද පසුවය. දෝෂ සහිතව ඇමරිකාව බලා ගමන් කිරීම අනතුරුදායක හෙයින් වහා නැවත හැරී බි‍්‍රතාන්‍යය බලා පැමිණෙන්නැයි පාලක මැදිරියෙන් ලද උපදෙස් මත යානයේ නියමුවා වූ ඩේවිඩ් විලියම්ස් නැවත ලන්ඩනය බලා පැමිණ ඇත.
ආපසු එන ගමනේදී මගීන්ට උද්ගතවී ඇති තත්ත්වය සැකෙවින් විස්තර කරදී තිබෙන ඔහු තමන් කෙරෙහි විශ්වාසය තබන්නැයි කියා තිබේ.
ගුවන්පථය ආසන්න වෙද්දී යානයේ වේගය නියමිත පරිදි අඩු කළ ගුවන් නියමු තැන යානයේ උදරය ගුවන්පථය මත ගැවී නොගැවී යන සේ මද දුරක් පියාසර කොට අවසානයේ සම්පූර්ණයෙන්ම යානය බිමට පහත් කළ බව ගුවන්තොටුපළ සේවකයින් පවසයි. ගිනි පුපුරු විසිවුවද ගින්නක් ඇති නොවූ බවත් වහාම යානය වෙත ගොස් එහි සිටි මගීන්ව පිටතට ගත් බවත් ඔවුන් කියයි.
තම ජීවිත ගලවාගැනීම සම්බන්ධයෙන් ගුවන් නියමුවාට තම ස්තූතිය පුද කිරීමට මගීන් ඔහු සෙවුවද ඔහු ඒ වන විට සිටියේ ගුවන්පාලක මැදිරිය වෙත ගොස් තම වාර්තාව ලබාදෙමින්ය.
පසුව මාධ්‍ය වෙත කෙටි අදහස් පළ කිරීමක් කළ ඩේවිඩ් කීවේ තමන් කළේ තම රාජකාරිය බවයි. ඊට එහා දෙයක් තමා සිදුනොකළ බවත් මගීන්ගේ ස්තූතිය නිහතමානීව භාරගන්නා බවත් ඔහු පැවසීය.
යානයේ දෝශයට හේතුව මේ වන විට අනාවරණයවී තිබෙන අතර යානයේ රෝද කට්ටල වලින් එක් කට්ටලයක් පිටතට ආ නොහැකිව සිරවීම නිසා මෙසේ ගොඩබැසුම් ගියරය හරිහැටි කි‍්‍රයාත්මකවී නැති බව සඳහන්ය.
පාකිස්තානයේ කයිබර් පක්තුන්කාවා පළාතේ, පෙෂාවෝර් නගරයට යෑමෙන් වළකින්නැයි පාකිස්තානයේ ඇමෙරිකන් තානාපති කාර්යාලය ඇමෙරිකානුවන්ට අනතුරු අඟවා ඇත.
බංග්ලාදේශ අන්තර්වාර පාලක මණ්ඩලයට හිතවාදී විශ්ව විද්‍යාල සිසුන් ද ඇතුළු අරගලකරුවන්ගේ උසි ගැන්වීමෙන්, එරට හින්දු පූජකවරුන් අත්අඩංගුවට ගැනීම අනුමත කළ
ලෙබනනයට එල්ල කළ ඊශ්‍රායල ප්‍රහාර නැවැත්වීමට ඊශ්‍රායලය එකඟ වීමත් සමඟ ප්‍රහාර හමුවේ පණ බේරා ගනිමින් ආරක්ෂිත ස්ථානවලට පලා ගිය ලෙබනන් වැසියෝ දහස් ගණනින්
පෘථිවි අක්ෂය අඟල් 31.5 කින් (සෙන්ටිමීටර 80 කින් පමණ) ඇලවී ඇතැයි විද්‍යාඥයෝ පවසති. මීට හේතුව වී ඇත්තේ කාලගුණික විපර්යාස යැයි ද විද්‍යාඥයෝ පැහැදිලි කරති.
බංග්ලාදේශයේ ප්රධාන ජාතික පුවත්පත ලෙස සැලකෙන ‘ප්‍රොතෝම් ආලෝ’ පුවත්පත වසා දමන්නැයි බලකරමින් ඩකා අගනුවර විරෝධතා පැවැත්වෙයි.
බ්‍රිතාන්‍යයේ තෙවැනි චාල්ස් රජු සහ කැමිලා රැජින ආසියානු සංචාරයක් ආරම්භ කිරීමට නියමිත බව බකිංහැම් මාලිගය නිකුත් කළ නිවේදනයක දැක්වෙයි.
2024 නොවැම්බර් මස 05
576
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
788
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
වර්ජින් ගුවන් නියමුවා මගීන් 400ක් බේරයි
විනීතා Thursday, 01 January 2015 04:26 PM
ඔබ සැබෑම වීරයෙක්.(හේ)
ප්‍රියශාන්ත Thursday, 01 January 2015 04:28 PM
ඇත්තටම නියම දක්ෂ නියමුවෙක් ගොඩක් ආඩම්බරයි.(හේ)
නිරංජන් Thursday, 01 January 2015 05:23 PM
ඔබ මේ කළ පින හේතුවෙන් ඔබේ සංසාරයේ කවදාවත් අකල් මරණයට ගොදුරු නොවේවා යන්න මගේ පැතුමයි (නි)
කැළුම් Thursday, 01 January 2015 07:07 PM
හොඳ පුවතක් (නි)
රජින්ද Thursday, 01 January 2015 10:22 PM
මෙය කියවනවිට මීට දින කිහිපයකට පෙර අපේ ගුවන් නියමුවා ඇතුළු පිරිස කළ ජීවිත පුජාව සිහියට නැඟුනු අතර, මෙවන් නිහතමානී උතුම් මිනිසුන් තවදුරටත් අප අතර රැඳීසිටීම ගැන උදක්ම සතුටු වෙමු. (නි)
තරිඳු Friday, 02 January 2015 02:15 AM
සතුටුදායක පුවතක් (නි)
සෝලියස් Friday, 02 January 2015 02:37 AM
වර්ජින් අත්ලන්තික් එක ගැන මීටපෙරත් ලිපියක් ගියා නේද ලෝකයේ සේවයකයන්ට හොඳින්ම සළකන ආයතනය හා හාම්පුතා ඉන්න ආයතනය කියලා. ඉතින් මෙහෙම වෙන එක පුදුමයක් නොවේ. සිටියොත් හොඳට හැදී දෙවියොත් නමව වඳී... (නි)
සමුද්‍ර Thursday, 01 January 2015 09:28 AM
මෙය වර්ජින් අත්ලංතික්. වර්ජින් ගැලැක්ටික් කියන්නේ අභාවකාශයට යන්න හදන රොකට් එකට. (හේ)
සංඛ Thursday, 01 January 2015 09:42 AM
ඔබ වීරයෙක්. (ර)
මහානාම Friday, 02 January 2015 02:26 PM
මේක ඇමෙරිකාවේ හදන බෝයින්ග් යානයක් බව වසන් කරන්න හදන්නේ මොකද ?(හේ)
කුමාර Sunday, 04 January 2015 01:37 PM
මලයාසියාවේ මේ වගේ අය හිටියානම් නිකරුනේ මිනිස්සු මැරෙන්නේ නැහැ (නදී)
කපිල Thursday, 01 January 2015 11:49 AM
කලේ රාජකාරිය වුනත්, මේ පිනම ඇති. (ර)
ඕෂධ Friday, 02 January 2015 06:13 AM
මේ අවුරුද්ද ගුවන් ගමන්වලට ආරක්ෂිත සුබදායි වසරක් කියලයි පෙන්නුම් කරලා තියෙන්නේ .(හේ)