2024 නොවැම්බර් මස 26 වන අඟහරුවාදා
2024 නොවැම්බර් මස 26 වන අඟහරුවාදා
සිරියානු ජනාධිපති බෂීර් අල් අසාද්ගේ රජයට සහාය නොදක්වන්නේ නම්, ඒ වෙනුවෙන් රුසියානු රජය සමඟ ප්රධාන පෙළේ අවි ගනුදෙනු ඇතිකර ගැනීමටත්, එරට ගෑස් අලෙවියට අභියෝගයක් නොකිරීමටත්, රුසියාව මේ වන විට සිරියාවේ පවත්වා ගෙන යන නාවික කඳවුර මැදපෙරදිග කලාපයේ දිගටම පවත්වාගෙන යෑමට ඉඩ සලසා දීමටත් සෞදි රජය සූදානම් වෙයි.
ඇමෙරිකාව, බි‍්‍රතාන්‍යය සහ ප‍්‍රංශය යන බටහිර බලවතුන්ට සිරියාවට එරෙහිව එක්සත් ජාතීන්ගේ ආරක්ෂක මණ්ඩලය හරහා හමුදාමය කි‍්‍රයා මාර්ගයක් ගැනීමට බාධාවක් වී ඇත්තේ රුසියාවය. රුසියාව සිරියානු රජයට සහාය දීම නැවැත්තුවහොත් සිරියාවට පහරදීමට බටහිර රටවලට හැකියාව ලැබේ.
රුසියාව සිරියානු ජනපති බෂීර් අල් අසාද්ගේ රජයට සහාය දක්වන්නේ, සිරියාව රුසියාවේ ප්රධාන අවි ගනුදෙනුකරු පමණක් නිසාම නොවේ, මැද පෙරදිග කලාපයේ බලය රඳවා ගනිමින් නාවික කඳවුරක් පවත්වා ගෙන යෑමට රුසියාවට අවස්ථාවක් උදා කර දීමට සිරියානු ජනපති අසාද්ගේ රජය කටයුතු කරන නිසාය.
සෞදි අරාබිය ඇමෙරිකාවේ හිතවතෙකි. සෞදියේ බුද්ධි අංශ ප‍්‍රධානී බන්ඩාර් බින් සුල්කාන් කුමරු ඉකුත් සතියේ රුසියාවේ මොස්කව් අගනුවරට ගොස්, රුසියානු ජනාධිපති ව්ලැඩිමීර් පුටින් හමුවී, රුසියාවට ආර්ථික දිරිගැන්වීම් කරන බවට පොරොන්දුවක් දුන්නේය.
මේ තොරතුරු අනාවරණය කළේ ඉරානයේ ‘ෆාර්ස්’ පුවත් සේවයයි. රුසියාව මෙන්ම ඉරානය ද සිරියානු ජනාධිපති බෂීර් අල් අසාද්ගේ රජයට සහාය දෙයි.
ඉරානය සිරියානු රජයට සහාය දෙන්නේ, සිරියාව අස්ථාවර වුවහොත් ඇමෙරිකාව, බි‍්‍රතාන්‍ය සහ ප‍්‍රංශය යන බටහිර රටවල මීළඟ ඉලක්කය ඉරානය සහ ලෙබනනය වන නිසාය.
සිරියානු කැරැලිකාර පාර්ශ්වයට සහ විපක්ෂ දේශපාලන කණ්ඩායම්වලට ඇමෙරිකාව, බි‍්‍රතාන්‍යය සහ ප‍්‍රංශය සහාය දෙද්දී, සිරියානු රජයට ලෙබනනයේ හිස්බුල්ලා සටන්කාමීන්ගේ සයාය ලැබේ. එම හේතුව නිසා හිස්බුල්ලා සංවිධානය තහනම් කිරීමට ද බටහිර රටවල් මීට මාස කිහිපයකට පෙර කටයුතු කළේය.
ලෙබනනය සහ සිරියාව බටහිර ආධිපත්‍යය හමුවේ අස්ථාවර වුවහොත්, බටහිර රටවල මීළඟ ගොදුර වනු ඇත්තේ යුරේසියානු කලාපීය රටවල් යැයි ඇතැම් දේශපාලන විචාරකයෝ බිය පළ කරති.
එක්සත් ජාතීන්ගේ ආරක්ෂක මණ්ඩලය හරහා සිරියාවට එරෙහිව යෝජනාවලියක් සම්මත කර ගැනීමට නොහැකි නම්, ආරක්ෂක මණ්ඩලයේ අනුමැතියකින් තොරව, සිරියාවට පහර දෙන බවට ඇමෙරිකාවත් අනතුරු අඟවා ඇත.
මේ වනවිට ඇමෙරිකා ජනපති ඔබාමා සහ එරට ආරක්ෂක ප‍්‍රධානීහු සිරියාවට එරෙහිව හමුදා ප්රහාරයක් එල්ල කිරීම සම්බන්ධයෙන් පිඹුරුපත් සකස් කරමින් සිටිති. ඕනෑම මොහොතක සිරියා රජයට පහර දීමට ඇමෙරිකා හමුදාව සීරුවෙන් තබා ඇත.
ඇමෙරිකාවට සහාය දක්වමින් ඊශ‍්‍රයාල එරට ජ්‍යෙෂ්ඨ නියෝජිත පිරිසක් ඉකුත් 27 වැනිදා ඇමෙරිකාවේ වොෂින්ටන් නුවරදී ඇමෙරිකා ආරක්ෂක අංශ ප‍්‍රධානීන් හමුවී සිරියාවට පහර දෙන්නේ නම් එය කෙසේ කළ යුතු ද යන්න ගැන දීර්ඝ වශයෙන් සාකච්ඡා කළහ.
ඇමෙරිකාව සහ බි‍්‍රතාන්‍යය තරයේ කියා සිටින්නේ ඉකුත් 21 වැනිදා සිරියාවේ සිදුවුණු සෙරීන් විස වායු ප‍්‍රහාරයට සිරියානු රජයේ හමුදා වගකිය යුතු බවය. කෙසේ නමුත් ඒ ගැන සාක්ෂි අවශ්‍ය බව ද ඇමෙරිකා ජනපති ඔබාමා අවධාරණය කර ඇත. එම ප්රහාරය එල්ල කළේ කවුදැයි සෙවීමේ පරීක්ෂණ මේ වනවිට සිදුවෙමින් පවතී. පරීක්ෂණ පවත්වන්නේ එක්සත් ජාතීන්ගේ විශේෂ පරීක්ෂණ කණ්ඩායමකි.
සිරියානු රජයට සහාය පළ කරන ඉරානයත් රුසියාවත් කියා සිටින්නේ, විස වායු ප්රහාරය නිමිත්තක් කර ගනිමින් ඇමෙරිකාව සහ බි‍්‍රතාන්‍යය ලිබියාවට කලාක් මෙන් සිරියාවට ද පහරදීමක් කිරීමට සැරසෙන බවය.
ලිබියාව අස්ථාවර වූයේත්, ලිබියා නායක කර්නල් මුවම්මාර් ගඩාෆි ඝාතනය වූයේත් ඇමෙරිකාව, බි‍්‍රතාන්‍යය සහ ප‍්‍රංශය එක් වී එක්සත් ජාතීන්ගේ ආරක්ෂක මණ්ඩලය හරහා ලිබියාවට එරෙහිව යෝජනාවක් සම්මත කර ගෙන නේටා්ව ලවා ලිබියාවට ගුවන් ප‍්‍රහාර එල්ල කිරීමෙන් පසුවය.
සිරියානු කැරැලිකරුවන්ට සහ විපක්ෂ කණ්ඩායම්වලට සහාය පළ කරමින්, සිරියාවට එරෙහිව ද ඒ අයුරින්ම යෝජනා සම්මත කර ගැනීමට අවස්ථා කිහිපයකදී ඇමෙරිකාව, බි‍්‍රතාන්‍යය සහ ප‍්‍රංශය උත්සහ කළේය. එහෙත් ආරක්ෂක මණ්ඩලයේ සෙසු සාමාජික රටවල් වන රුසියාව සහ චීනය නිෂේධ බලය භාවිතා කොට ඊට විරුද්ධ විය.
ඇමෙරිකාව කරන එම අනතුරු ඇඟවීමට ප‍්‍රතිචාර දක්වමින් සිරියානු ජනපති බෂීර් අල් අසාද්ගේ රජය කියා සිටින්නේ, ඇමෙරිකාවෙන් තම රටට ප්රහාරයක් එල්ල වුවහොත් ලෝකයා පුදුමයට පත් කරන අන්දමින් ඊට ප‍්‍රතිප‍්‍රහාර දැක්වීමට සූදානම් බවය.
|
සෞදි කුමරු (දකුණේ) ජනපති පුටින් හමුවෙමින්... |
බංග්ලාදේශයේ ප්රධාන ජාතික පුවත්පත ලෙස සැලකෙන ‘ප්‍රොතෝම් ආලෝ’ පුවත්පත වසා දමන්නැයි බලකරමින් ඩකා අගනුවර විරෝධතා පැවැත්වෙයි.
බ්‍රිතාන්‍යයේ තෙවැනි චාල්ස් රජු සහ කැමිලා රැජින ආසියානු සංචාරයක් ආරම්භ කිරීමට නියමිත බව බකිංහැම් මාලිගය නිකුත් කළ නිවේදනයක දැක්වෙයි.
ගාසා තීරයේ සහ ලෙබනනයේ ජනසංහාර සිදු කිරීම සම්බන්ධයෙන් චෝදනා ලැබ සිටින ඊශ්‍රායල අග්‍රාමාත්‍ය බෙන්ජමින් නෙදන්යාහු අත්අඩංගුවට ගෙන ඔහුට මරණ දඬුවම ලබා දි
ඊශ්‍රායලයේ සහ ලෙබනනයේ ජන සංහාර සිදුකරනවා යැයි චෝදනා මුල්කොට ගනිමින්, අන්තර් ජාතික අපරාධ අධිකරණය, ඊශ්‍රායල අග්‍රාමාත්‍ය බෙන්ජමින් නෙදන්යාහු අත්අඩංග
දකුණුදිග තුර්කියේ අන්ටාලියා ගුවන්තොටුපොළට ගොඩ බෑ මගී ගුවන් යානයක ඇන්ජිමක ගින්නක් හටගත්තේය.
ලෙබනනයේ හිස්බුල්ලා සටන්කාමීන්, ඊශ්‍රාලයේ ටෙල් අවීව් නුවරට දැවැන්ත ප්රහාරයක් එල්ල කර තිබේ. එම ප්රහාරය සඳහා නියමුවන් රහිත ඩ්‍රෝන යානා 350 ක් පමණ පැමිණ ඇ
2024 නොවැම්බර් මස 05
549
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
751
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
සිරියා රජයට සහාය නොදෙන්නැයි රුසියාවට සෞදි රජයෙන් අල්ලසක්
නාමල් l Sunday, 01 September 2013 10:53 AM
අපේ රට ගොඩක් හොද රටක් කකුලෙන් අදින මිනිස්සු නැත්නම් ,මින්ස්සුන්ගේ මානුශික පැත්ත හදන්න පුලුවන්නම්, (දී)
ජොහාන් Friday, 30 August 2013 04:52 PM
ඇමෙරිකාවට ස සෞදියට ජයවේවා (අ)
කින් බෙනට් Friday, 30 August 2013 11:35 AM
රුසියාව සිරියානු ජනපති බෂීර් අල් අසාද්ගේ රජයට සහාය දක්වන්නේ, සිරියාව රුසියාවේ ප්රධාන අවි ගනුදෙනුකරු පමණක් නිසාම නොවේ, මැද පෙරදිග කලාපයේ බලය රඳවා ගනිමින් නාවික කඳවුරක් පවත්වා ගෙන යෑමට රුසියාවට අවස්ථාවක් උදා කර දීමට සිරියානු ජනපති අසාද්ගේ රජය කටයුතු කරන නිසාය. මේ තොරතුරු අනාවරණය කළේ ඉරානයේ ‘ෆාර්ස්’ පුවත් සේවයයි. රුසියාව මෙන්ම ඉරානය ද සිරියානු ජනාධිපති බෂීර් අල් අසාද්ගේ රජයට සහාය දෙයි. ඉරානය සිරියානු රජයට සහාය දෙන්නේ, සිරියාව අස්ථාවර වුවහොත් ඇමෙරිකාව, බි‍්‍රතාන්‍ය සහ ප‍්‍රංශය යන බටහිර රටවල මීළඟ ඉලක්කය ඉරානය වන නිසාය. දැන්නේ දැන්නේ මේ කට්ටිය සහය දෙන්නේ මොන හේතුව හින්දද කියල ... (දී)
උපාලි Saturday, 31 August 2013 07:09 PM
ඇමරිකාව කරන හැම දෙයටම හරි කියන අපේ අයට කියන්න ඔනේ පුටින් නෙත්නම් අපිටත් මෙලහකට ප්‍රශ්න. සෞදිය කවදත් හරි දැක්මක් ඇතිව කටුතු කලේ නැහැ . ඇමරිකාව ගැන අවබෝද වෙන්නෙ එයාලටත් ගහපු දාට. (දී)
රූපා Saturday, 31 August 2013 07:13 PM
මෙයාව එවන්න ඇත්තේ කව්ද? (දී)
වීර Sunday, 01 September 2013 12:15 PM
මුස්ලිම්වරුනි, බලන්න නුඹලාගේ මව් රටේ රාජ කුමාරයාගේ ජරා වැඩ.මේකද ඉස්ලාමයේ සහෝදරත්වය?අල්ලාහ් දෙවියන් උදව් කරන්නේ සුන්නිවරුන්ටද?ෂියා වරුන්ටද? (ස)
ලක්ෂිත ප්‍රංසය Friday, 30 August 2013 11:47 PM
මොකද මෙආ බලු කුක්ක ජොහාන් ....කොහෙන්ද ආවේ ..ජොහාන් යන්න එහෙටම (අ)
මන්ජා Sunday, 01 September 2013 01:03 PM
බුදු සරණයි ! වෛරයෙන් වෛරය නොසන්සිඳේ (දී)
රන්ජනී Saturday, 31 August 2013 12:35 PM
බලන්නකෝ මේ අපේ කට්ටියගේ අදහස්? අපේ රටේ දැන් කොච්චර ප්‍රශ්න ත්යෙනවද ? මට හිනත් යනවා (අ)
උපාලි Saturday, 31 August 2013 07:51 PM
අපිට මොනවද තියන ප්‍රශ්න. මවා ගත්තු බූත අදහස්. මම බොහෝ රටවල හිටපු අයෙක්. අප්‍රිකාවේ බොහෝ රටවල මිනිසුන්ට ආහාර හොයා ගන්න එක තමා මුලික ප්‍රශ්නය. අපේ රට තරම් හොඳ රටක් නැහැ . අපේ රටේ මිනිස්සු ඔනම දෙයකට ආණ්ඩුවට බනින්න තමා හදන්නේ. ස්වාබික සම්පත් ඇති මේ රටේ ජිවත් වෙලා ඉන්න එකත් වාසනාවක් විදියට දකින්න හිතන්න ඒ අයට පෙර කල පින් නැහැනේ (දී)
රොහිත ඇල්පිටිය Saturday, 31 August 2013 01:05 PM
සදාම්ට වෙච්ච දේ තමයි සෞදියට වෙන්නේ (අ)
රජ Saturday, 31 August 2013 01:15 PM
සෞදියට කවදහරි ඇමරිකාව ගැන අවබෝද වෙන්නෙ එයාලටත් ගහපු දාට (අ)
හිරා Friday, 30 August 2013 12:36 PM
එකම දෙවියන් අදහන ආගම් දෙකක් අතර දීර්ග කාලයක් පවතින ක්‍රෝධය නොවේද මේ? (නි)
අමිත Saturday, 31 August 2013 01:33 PM
සෞදියේ සිදුවන මානව හිමිකම් උල්ලංඝනයන් වසාගන්න වෙනත් ක්‍රමයක් නැහැ. (නි)
චාමි Saturday, 31 August 2013 09:58 PM
සෞදියට ගහනවා නම් ඔය ලංකාවේ බන්දුල පෙරේරා ඉන්න පැත්ත බලලා ගැහුවොත් හොදයි මට නම් හිතෙන්නේ (නි)
චමින්ද Saturday, 31 August 2013 11:56 PM
මමත් ඇමෙරිකානු නව ලිබරල් අධිරාජ්‍යවාදයට විරුද්ධයි.ඇමරිකාවට ජය. (නි)
දම්මික Friday, 30 August 2013 01:53 PM
මෙම රටවල කෙරෙන මානුෂික අයිතීන් පවා කඩ කිරීම් ගැන බලවත් රටවල් සහ එක්සත් ජාතීන්ගේ මණ්ඩලවත් කතා කරන්නේ නැහැ (නි)
චිත්‍ර Sunday, 01 September 2013 02:31 AM
උපාලි, මමත් ඔයාගේ කතාව හිසමුදුනින් පිළිගන්නවා. මමත් පිටරට ජීවත් වෙන කෙනෙක්. අපේ රට කොපමණ උතුම් රටක්ද? (නි)
අසා Friday, 30 August 2013 08:04 PM
සෞදියට ගහපු දවසට මම ගමටම පාටියක් දෙනවා. (නි)
නිශාර්ඩ් Friday, 30 August 2013 02:19 PM
ඇමෙරිකාව ප්‍රමුඛ බටහිර රටවල් එකතුවෙලා සෞදි අරාබියාවට ගහපු දවසට තේරෙයි දැන් කරන මෝඩකම් වල රගේ... (නි)
සීක් Friday, 30 August 2013 08:52 PM
සෞදියටත් අල්ලගෙ පිහිට තමය
දසුන් Friday, 30 August 2013 10:27 AM
කොහොම වුනත් ඇමෙරිකාව ගහන්නේ නෑ බයට කොරියාව වගේ තමා බුරනවා විතරයි. (ස)
දම් Friday, 30 August 2013 03:53 PM
බලනු මැන තිරයෙන් පිටුපස (නි)
ගුණේ Friday, 30 August 2013 10:47 AM
සෞදි අරාබිය විස්වාස කරන්න එපා.(නදී)
අරුණ Saturday, 31 August 2013 11:17 AM
ඇමරිකාවේ ඉරිසියාව වැඩිවී, සිරියාවේ සිරියාව නැති වී, ගලන පුවත් වැඩි වී, සුසුම්ලමු අනාගතය සිහි වී (නි)
වීර Friday, 30 August 2013 11:03 AM
මේක වෙන්න ඇති එකම දෙවියන් අදහන ෂියා සුන්නි මුස්ලිම් සහෝදරත්වය. මෙම යුද්ධයෙන් ඇමෙරිකාව හා සෞදිය පරදා සිරියාව ජයගත යුතුය.(නදී)
වීර Friday, 30 August 2013 11:04 AM
සෞදිය වර්ණනා කරන මුස්ලිම් උදවියට පේනවා නේද සෞදියේ පහත් ම්ලේච්චත්වය.(නදී)