2024 නොවැම්බර් මස 28 වන බ්‍රහස්පතින්දා
ක්ලෝඩියෝගේ හිස ඇත්තේ උඩ යට මාරුවී සිරුරේ පිටුපසට හැරී ඇති අයුරිනි. අත් පා ඉතා කුඩාය.සෙලවීම අපහසුය.සිරුරද කුඩා දරුවෙකුගේ මෙන්ය. අත් පා හා හිස සිරුරට ඇලී ඇත.
සාමාන්‍ය මිනිසෙකු මෙසේ පෙනුමින් යුක්තවී නම් ඔහු ජීවිතය ගැන සියලූ බලාපොරොත්තු අත්හැර ගනු ඇත. නමුත් ක්ලෝඩියෝ එවැන්නෙකු නොවේ.
ආර්ථීක විද්‍යා උපාධිධාරියෙකු වන හෙතෙම සැලකිය යුතු වැටුපකට හිමිකම් කියන්නේය. තම නිදහස් කාලය ඔහු ගතකරන්නේ අනෙක් අයට ධනාත්මක චින්තනය සම්බන්ධයෙන් දේශන පවත්වමිනි.
‘‘උපත ලැබුවහම ඔක්කොම අය මගේ අම්මට කියලා තිබුණේ මට කන්න දෙන්නේ නැතුව තියන්න කියලා.‘‘ ක්ලෝඩියෝ තම අතීතය සිහිපත් කරන්නේය.
නමුත් ඔහුගේ මව වන මාරියා ජොසේ වෙයිරා ඒ කිසිවකට කන් නුදුන්නාය. හැකි සේ දරුවා හදා වඩා ගැනීමට ඉටා ගත්තාය.
‘‘මුල් කාලයේ අමාරු වුණා තමයි. නමුත් පස්සේ ඔක්කොම හරි ගියා. දැන් මගේ පුතා ඉන්න තැන බලන්න. මට හරිම ආඩම්බරයි ඔහු ගැන‘‘ ඇය කියන්නීය.
ක්ලෝඩියෝ ලියන්නේ තම මුඛයේ සිරකරගන්නා පෑනකිනි. ඔහුට පරිගණකය, ජංගම දුරකථනය පවා භාවිතා කිරීමට හැකිය. ඇතැම් අවස්ථාවලදී තම පවුලේ සාමාජිකයින් සමග ඔහු ඇවිදීමටද යන්නේය.
මුලින් පාසල් නොයැවීමට සිතා සිටියද ක්ලෝඩියෝගේ ඇවිටිලි නිසා අවසානයේ ඔහු පාසැල් යැවීමට මාරියා කටයුතු කර තිබෙන්නීය. ගුරුවරුන්ගේ සිත් දිනාගෙන පැමිණි ගමන ක්ලෝඩියෝ අවසන් කර ඇත්තේ විශ්වවිද්‍යාලයටද ඇතුළුවී ආර්ථීක විද්‍යා උපාධියක්ද හිමිකර ගැනීමෙන් පසුවය.
වෙන අය තමන්ට කිසිදා ලබා ගත නොහැකියැයි කියූ සියලූදේ හිමිකරගෙන තමන් දැන් ගත කරන්නේ සැපවත් දිවියක් යැයි ක්ලෝඩියෝ පවසයි.
‘‘මම වෙනස් තමයි. ඒත් මම ඒක මගේ ගමනට බාධාවක් කරගත්තේ නැහැ. දැන් මම කොහෙත්ම මම අනෙක් පුද්ගලයින්ට වඩා වෙනස් කෙනෙක් විදිහට දකින්නේ නැහැ. මමත් සාමාන්‍ය කෙනෙක්‘‘ඔහු තමන් ගැනම උපන් අභිමානයෙන් කියයි.
ක්ලෝඩියෝගේ මෙම තත්ත්වය අස්ථී නිසි පරිදි වර්ධනය නොවීම නිසා හටගෙන ඇති විකෘතිතාවයක් ලෙස වෛද්‍යවරු හදුන්වයි. වෛද්‍ය විද්‍යාවේ මෙම තත්ත්වය හදුන්වනු ලබන්නේ ‘‘ආර්ත්රෝග්‍රයිපොසිස් ‘‘ලෙසය.
අත පය සතර හොදින් ඇතද අනුනට අත පාන,දුක් කම්කොටලූ මැද තැවි තැවී සිටිනවා විනා නැගිට ඉදිරියට යෑමට වෙර නොදරන අය හට දුක් කරදර මැද ජීවිතය ජයගෙන ඇති ක්ලෝඩියෝ කදිම ආදර්ශයකි.
පාකිස්තානයේ කයිබර් පක්තුන්කාවා පළාතේ, පෙෂාවෝර් නගරයට යෑමෙන් වළකින්නැයි පාකිස්තානයේ ඇමෙරිකන් තානාපති කාර්යාලය ඇමෙරිකානුවන්ට අනතුරු අඟවා ඇත.
බංග්ලාදේශ අන්තර්වාර පාලක මණ්ඩලයට හිතවාදී විශ්ව විද්‍යාල සිසුන් ද ඇතුළු අරගලකරුවන්ගේ උසි ගැන්වීමෙන්, එරට හින්දු පූජකවරුන් අත්අඩංගුවට ගැනීම අනුමත කළ
ලෙබනනයට එල්ල කළ ඊශ්‍රායල ප්‍රහාර නැවැත්වීමට ඊශ්‍රායලය එකඟ වීමත් සමඟ ප්‍රහාර හමුවේ පණ බේරා ගනිමින් ආරක්ෂිත ස්ථානවලට පලා ගිය ලෙබනන් වැසියෝ දහස් ගණනින්
පෘථිවි අක්ෂය අඟල් 31.5 කින් (සෙන්ටිමීටර 80 කින් පමණ) ඇලවී ඇතැයි විද්‍යාඥයෝ පවසති. මීට හේතුව වී ඇත්තේ කාලගුණික විපර්යාස යැයි ද විද්‍යාඥයෝ පැහැදිලි කරති.
බංග්ලාදේශයේ ප්රධාන ජාතික පුවත්පත ලෙස සැලකෙන ‘ප්‍රොතෝම් ආලෝ’ පුවත්පත වසා දමන්නැයි බලකරමින් ඩකා අගනුවර විරෝධතා පැවැත්වෙයි.
බ්‍රිතාන්‍යයේ තෙවැනි චාල්ස් රජු සහ කැමිලා රැජින ආසියානු සංචාරයක් ආරම්භ කිරීමට නියමිත බව බකිංහැම් මාලිගය නිකුත් කළ නිවේදනයක දැක්වෙයි.
2024 නොවැම්බර් මස 05
572
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
776
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
‘‘හිත ඇත්නම් පත කුඩා නොවේ‘‘
දයා අළහකෝන් Tuesday, 02 September 2014 09:27 AM
රජෙක් වුවද මෙවන් ජීවිතයක් කුමටද දෙවියනේ! (නි)
ඩයස් Wednesday, 03 September 2014 02:36 AM
රජින්ද, ජීවිතයක් විනාශ කිරීම දරුණු අකුසලයක්. ගැබක් වුණත් ජීවිතයක්මයි. මැරෙන මොහොතේ මතක් වු‍ණොත් නිරයටම අද වැටෙනවා. (නි)
උපාලි Wednesday, 03 September 2014 02:40 AM
මෙය බොහෝ වැදගත් ලිපියකි. තම සිරුරේ අඩුපාඩුවක් නිසා මුළු ජිවිතයම අකර්මන්‍ය කරගන්නා අයට මොහු ආදර්ශයට ගන්න පුළුවන්. (නි)
ෆර්හාන් Wednesday, 03 September 2014 11:22 AM
අනේ මම දන්නේ නැහැ මේකට මොනවා ලියන්නද කියලා. වෙලාවකට හිතනවා මොන ජීවිතයක්ද මේක කියලා. එක අතකින් බලාගෙන ගියාම අර ශරීරය හොඳටම තියාගෙන හිඟාකන අයයි වැඩක් නොකර රස්තියාදු ගහන අයයි දිහා බැලුවම මේ වගේ අය මොනතරම් වටිනවද කියලා හිතෙනවා. දෙවියනේ, මොහුට හොඳක්ම වේවා! (නි)
කිත්සිරි Wednesday, 03 September 2014 03:28 AM
රජින්ද, මට තේරෙන හැටියට නම් ඒක අනිවාර්යයෙන්ම පාපයක්. මෙවැනි අයට තියෙන්නේ සුගති අහේතුක භවයක්. ඕනෑම කෙනෙක් තම ජීවිතයට ආසයි. විඥානය කළලයකට බැසගත් වහාම එම සත්වයා තුළ අභිනව භාවයට ආශා කරන සිත් පහළ කරන්න පටන් ගන්නවා. ඉතින් ඔබ මේ විනාශ කළාට කමක් නැද්ද කියා අහන්නේ ජීවත්වෙන්න ආශාවෙන් උත්සාහ කරන සත්වයෙකුයි. (නි)
කැළුම් Tuesday, 02 September 2014 02:17 PM
මෙම පුද්ගලයාගේ ධනාත්මක චින්තනය අපිට යම් පාඩමක් කියාදෙනවා. (නි)
ජයනි Wednesday, 03 September 2014 07:13 AM
මම මේ අම්මාට හිස නමා ආචාර කරනවා. අපේ රටේ ඇතැම් අම්මලා දරුවා ගේ ඇතුළේ මුත්‍රා කරනවා කියලා බෙල්ල මිරිකලා මරා දානවා. හැබැයි අපි අපේ රටේ අම්මලාගේ මව් ගුණය ලෝකයේ හැම රටටම වැඩිය උතුම් කියලත් පම්පෝරි ගහනවා. (නි)
ලලිත් ගුණදාස Wednesday, 03 September 2014 04:46 PM
සමාජයට කදිම ආදර්ශයක් (නදී)
රජින්ද Tuesday, 02 September 2014 03:27 PM
වැරදි චේතනාවකින් අහනවා නෙමෙයි. ඇත්තටම විකෘතිතා සහිත දරු ගැබක් විනාශ නොකර මෙවැනි සංකූලතා සහිත දරුවන් බිහිවෙන එක හොඳයිද? නැත්නම් එසේ ඉපදෙන්න ඉන්න දරුවාගේ යහපත පිණිස ඒ ගැබ විනාශ කිරීම පාපයක්ද?? මට තේරෙන්නේ නැහැ. (නි)
දිල්ෂානි Tuesday, 02 September 2014 05:40 PM
ඔහුගේ ජීවිතයෙන් අපිට ගොඩක් දේවල් ඉගෙනගන්න පුළුවන්. ආබාධිත පුද්ගලයන් වුවත් ඔවුන්ද ජීවත්විය යුතුය. (නි)
සිතුම් Wednesday, 03 September 2014 11:01 PM
මගේ අදහස නම් ඔහු ධනාත්මකව හිතනවා. නිරෝගී සමහරුන්ට මොකුත් කරගන්න නොහැකිව ඉන්නවා (නි)
චන්දන Wednesday, 03 September 2014 11:28 PM
හේතුඵල/ කර්මඵල අදහනවා නම් හේතුව නැති කිරීමට උත්සාහවත් වියයුතු බවම කියා දෙන හොඳම උදාහරණයකි. (නි)