ඉන්දු මෙල්බෙර්න් Sunday, 15 December 2013 06:30 AM

200% එකඟයි. මම පොඩි කාලේ ඉතාමත් පුංචි වැරැද්දකට පවා දැඩි දඬුවම් ලබපු කෙනෙක්. දෙමව්පියන්ගෙන් එක්කෙනෙක්වත් ආදරයක් ලැබුනේ නැහැ. නමුත් මම ඒ දෙන්නට ගෞරව කරනවා මාව මේ ලෝකයට බිහි කලාට සහ මට හොඳින් උගන්වා සමාජයේ හොඳ තැනකට මාව ගෙනාවට. මගේ දෙමව්පියන් ගැන මට ලොකු බැඳීමක් නැහැ. නමුත් මට ගොඩක් ආදරය කල මගේ පුංචි සහ ආච්චි අම්මට අසනීපයක් හැදුනත් මට ඉවසන්න බැහැ. මගේ පෞද්ගලික අත්දැකීම ප්‍රසිද්ධියේ කීවේ දරුවන් ඉන්න දෙමව්පියන්ට මේ ගැන මීට වඩා හිතන්න ඕන කියන පණිවිඩය දෙන්නයි. (නදී)

චන්දිමා Sunday, 15 December 2013 08:00 PM

මොහොමෙඩ් කියන දේ හරි. හැම දේකම සීමාවක් තියෙනවා. දරුවෝ දෙයක් කරන්න ආස හිතුනම ඒක කරනවා කරන්න යන දේ හරිද වැරදිද කියල වැටහීමක් නැතුව. එතකොට වැඩිහිටියෙක් දරුවට ඒක තේරුම් කරලා දෙන්න ඕනේ ආදරෙන් මිසක් තරවටු කරලා නෙමෙයි. එතකොට දරුවට තේරිලා දරුවා ඒක නොකර ඉන්නවා. ඒත් අපි හිතමු කොච්චර තේරුම් කරත් දරුවා ඒ වැරැද්දම කරන්න හදනවා නම් පොඩි දඩුවමක් දිලා දරුවව හදන්න ඕනේ එහෙම නේද? (නදී)

ප්‍රියන්ත Tuesday, 17 December 2013 04:08 PM

ඉන්දුගේ අත්දැකීම මටත් ඒ විදිහටම තියනවා.(නදී)

ජයතිලක Sunday, 15 December 2013 09:19 AM

සමහර දියුණු රටවල නීතියේ හැටියට දෙමව්පියන්ට තමුන්ගේ දරුවන්ට දඩුවම් කිරීම කෙසේ වෙතත් තරවටු කිරීමක්වත් කරන්න නීතිමය අවසරයක් නැහැ. ඒ පිලිබදව දරුවෙකු හෝ පාසලේ ගුරුවරයෙකු පොලිසියට පැමිණිලි කල හොත් සමහර විට දෙමව්පියන්ට හිරේ විලංගුවේ වැටීමටත් සිදු වේවි. නමුත් මගේ පුද්ගලික අදහස නම් සුළු දඩුවමක් හෝ නොදී හදන දරුවා හැදී නොගා හදන කිරිහොද්ද වගෙයි කියලයි. (නදී)

මලිති Sunday, 15 December 2013 09:56 AM

මගේ මව සහ පිය මට ගහල නැහැ .සහෝදරයෝ 8 දෙනෙක් මම එකම හොදට හැදුණා .විවාහ උනාට පස්සේ උනත් මගේ සැමියා මට හොදින් සැලකුවා. අපි දරුවන්ට ශාරීරික දඩුවම් කෙරුවේ නැහැ .මගේ සැමියා අකාලේ මියගිය නමුත් මමත් දරුවනුත් සමගියෙන් ආදරෙන් ඉන්නවා (දිල්)

ජයතිලක Tuesday, 17 December 2013 05:02 PM

ඉන්දු මෙල්බන්, ඔබ සමාව ඉල්ලීම මම ඉතාමත් අගය කරනවා. ඒ වාගේම මාගේ අදහසින් ඔබට සිත් තැවුලක් සිදු වූවානම් ,මා දහස් වාරයක් ඒ පිලිබදව ඔබගෙන් සමාව ඉල්ලනවා. කරුණා ඔබගේ අදහසට උත්තර දීමට මට අවශ්‍ය නැත. වරදක් වූ විට සමාව ඉල්ලීම සහ කෙනෙකුට සමාව දීම මනුෂ සහ දේව ගතිය.(නදී)

සිරා Sunday, 15 December 2013 11:09 AM

නොගහා හදන ළමයත් හැදි නොගා හදන කිරිහොද්ද වගේ කියලා කියන්නේ ඇයි? අපේ දෙමවුපියෝ අපිට හොද හැටි දඩුවම් කළ නිසා අපි වැරදි මග ගියේ නැහැ. (නි)

දර්ශා Sunday, 15 December 2013 11:46 AM

දරුවන්ට දැනෙන්නට ආදරය කරන්න,(දිල්)

ඉන්දු මෙල්බෙර්න් Wednesday, 18 December 2013 11:55 AM

සරත්ගේ කතාවට මට කඳුළු ආවා. මටත් කියනවා නම් කියන්න ගොඩක් කතා තියෙනවා. දරුවන් ඉන්න දෙමව්පියන්ට මේ දේවල් වැටහේවා කියල ප්‍රර්ථනා කරනවා.(දිල්)

ඉන්දු මෙල්බෙර්න් Wednesday, 18 December 2013 11:59 AM

ජයතිලක, ඔබේ සංවේදී පිළිතුරට ගොඩක් ස්තුතියි, ඔබ කියූ දෙයට මට හිත රිදුනේ නැහැ, මම උත්සහ කළේ මම විඳි අත්දැකීම මේ විදිහට කියලා හැම දෙනෙකුටම මේ ගැන අවබෝධ කරවන්නයි.(දිල්)

ජයතිලක Sunday, 15 December 2013 09:49 PM

ඉන්දු මෙල්බන්, අපේ දෙමව්පියෝ අපිට ගහල බැනලා හදපු නිසා තමයි අද අපි රටේ හොද නීති ගරුක පුරවැසියන් හැටියට ජීවත් වන්නේ. හැම දෙමව්පියෙක්ම ඔබගේ දෙමව්පියන්ගේ මට්ටමින් මනින්න එපා.(නදී)

සරත් Tuesday, 17 December 2013 06:05 PM

ගාල්ලේ ගමක කාර්යාලයක වැඩ කල මහත්මයෙක් සැහෙන කලෙක ඉඳන් තමාගේ හිතේ තිබ්බ සිහිනය සබැ කරමින් ගෙදරට වාහනයක් ගත්තා. වාහනය ගත්තත් ඔහු කාර්යාලයට ගියේ බස් එකේ. දවසක් ගෙදර එන විට පුංචි දරුවා කාර් එකේ යම් කිසි සීරීමක් කරලා තිබුණා. වැඩ නිමවී ගෙදර පැමිණි ඔහුට මේ සිද්දිය සැලවූ සැනින් දරුවා සමග කෝපවී එළියේ තිබු ගලක් ගෙන දරුවාගේ අතට කොටා මේ වගේ වැරදි කරන්න එපා කියමින් අවවාද කලා. වේදනාව දර ගත නොහැකි උන දරුවා කරාපිටිය රෝහලට ඇතුලත් කිරීමෙන් අනතුරුව දරුවාගේ ඇඟිලි දෙකක් කපා ඉවත්කොට තිබෙනවා. මේ කිසිත් නොසිතු පියා තමා කල වරදට පසුතැවෙමින් රෝහලට ගිය මොහොතේ දරුවාගේ ඇගිලි කපා ඇති බව දැනගත් ඔහු මර හඬ නගමින් අඩන්නට විය. එය දුටු තමාගේ දරුවා පියාට කිවේ අඩන්න එපා තාත්තේ ඇගිල්ල ඉක්මනට වැවේවි කියාය. දරුවාගෙන් පසුව විමසීමේදී දැනගන්නට ලැබුනේ කාර් එකේ ඔහු කුරුටු ගා තිබුනේ "තාත්තා" කියාය. දරුවන්ගේ මනස තේරුම් ගන්න දරුවන්ට ගහල හදන ක්‍රමය වෙනස් කරන්න.(නදී)

කුසුම් ප්‍රියන්ත Monday, 16 December 2013 02:15 PM

අපට ඇතිවන තරහට අපි දරුවන්ට දඩුවම් නොකළ යුතුයි. ආදරය හා කරුණාව සිත්හි තබාගෙන දඩුවම් කල යුතුයි.(නදී)

මොහොමඩ් Sunday, 15 December 2013 01:57 PM

මම නම් හිතන්නේ ආදරයි තරවටුවයි දෙකම ඕන කියල. (දිල්)

තුසිත Thursday, 19 December 2013 03:48 PM

සරත්, ඔයාගේ කතාවම යු ටියුබ් එකේ වීඩියෝ එකක තිබුනනේ. එකනම් පිටරට හදපු එකක් ඇත්තටම නෙවි නිකම් පණිවිඩයක් දෙන එකක්. කමක් නෑ හොද උත්සහයක්නේ...(දිල්)

කරුණා Tuesday, 17 December 2013 07:20 AM

ජයතිලක, ඔයාගේ දෙමව්පියන්ගේ මට්ටම කව්රුවත් ඇහෙව්වේ නෑනේ. ඔයා ඉන්දුට කියපු කතාව හරි නැහැ. ඔයාගේ දෙමව්පියෝ ඔයාව දඬුවම් කරලා පීඩනයට පත්කළ නිසා තමා ඔයා අද අනුන්ට අපහාස කරන්නේ. තේරුනාද? (නදී)

දයාන් Sunday, 15 December 2013 02:30 PM

ඉන්දු මෙල්බර්න්, ඔයාගේ නිර්වාජ අදහස හරිම සංවේදියි. මතුපිටින් නොපෙන්නුවත් ඔයාගේ දෙමාපියන් ද ඔයාට ආදරය කරලා තිබෙනවා.එයාලගේ ලෝකය වන්නට ඇත්තේ, ඔයාගේ හෙට දවස යහපත් කිරීමයි. (දිල්)

ඉන්දු මෙල්බර්න් Sunday, 15 December 2013 02:37 PM

ඔය කිරි හොදි හැඳි ගාන්න කැමති අයට මම අයෙත් සැරයක් මතක් කරන්නේ, දරුවෙකුට ආදරෙන් කියල දෙන දේ වටිනවා දඬුවමක් කරල කියල දෙනවට වඩා. නොකරම බැරි අවස්ථාවකදී දඬුවම් කිරීම කමක් නැහැ, නමුත් කිරි හොද්ද රස වෙන්න හැඳි ගානනම ඕන වගේ දරුවෙක් යහමගට ගන්න ඒ දරුවට දඬුවම් කරන්න, හැබැයි වද දෙන්න ඕනි නෑ(දිල්)

ශාන් Monday, 16 December 2013 01:44 AM

වැරැද්ද කරපු වෙලාවේ ගහල හැදුවම එකේ ජිවිත කාලයටම මතක තියනවා. දෙමව්පියන් දරුවන්ට ආදරය කරන්න ඕන දරුවන්ට හොරෙන් (දිල්)

තිලිණ . Sunday, 06 March 2016 03:03 PM

මම ඉන්නෙ පොලොන්නරුවේ ...ජිවිතේ හැමදාම එපාවෙන තැනකයි මම ඉන්නෙ . මගෙ තාත්තා මට හරියට වෙනස්කම් කරනවා. මං වෙනුවෙන් රුපියලක්වත් වියදම් කරන කැමති නැ. මං මොනවා හරි ඉල්ලුවොත් (ඒවා වැඩක් නැ,සල්ලි වියදම් වෙන වැඩ ) කියලා මට පොඩි කාලෙ ඉදලම කිවුවා. අපේ තාත්තාට සල්ලි නැ කියලා හිතන්න එපා.එයා රට ඉන්නෙ . මම පොඩිකාලෙ ඉදලම රට .ලංකාවට එනවා,ආයෙ යනවා. මට දැන් වයස 19යි. මේ කාරනාව නිසා මම හැමදේම ඉල්ලන්නෙ අම්මාගෙන්. අම්මත් ජොබ් එකක් කරනවා , තාත්තා මට ඇදුමක්වත් ගන්න සල්ලි දෙන්නෙ නෑ,කන්න කැමති කැමක් ඇරන්දිලා නැ. එයා මට සලකන්නෙ නැති නිසා මම දැන් තත්තාගෙන් කිසිම දෙයක් ඉල්ලන්නෙ නැ, මට යාලුවෙක් හම්බවෙන්නවත් නැ. අම්මට කියලා ගෙදරින් එලියට ගියත් තාත්තා කෝල් කරලා බනිනවා තම පුතා සමග යහලුවෙක් මෙන් සිටිනා පියවරුන් දකිනකොට මට ඉරිසියයි. මං අසරණ වෙලා ඉන්නෙ. මන් මොනවා කියලා කරන්නද.හිතට එන කේන්තිය උපරිමයෙන් ඉවසන් ඉන්නෙ . කවදාවත් මගේ දරුවන්ටනම් මම මේ විදිහට සලකන්නේ නෑ, (බ)

තුසිත - අබු ඩාබි Monday, 16 December 2013 04:27 PM

ළමයි හොඳ නරක තේරෙන මිනිස්සු කරන එක ලේසි නෑ. මෙහෙමයි කියල ක්‍රමයක් කියන්නත් බෑ කොච්චර පරීක්ෂණ කරත්. දෙමව්පියන් ආදර්ශයක් වෙලා හැසිරුණ ගෙවල් වල තමයි ගොඩක් වෙලාවට ළමයිනුත් හොඳට හැදිලා තියෙන්නෙ. ඒක හින්දා දෙමව්පියන් ආදර්ශයක් වෙනවා මිසක් ගහල හදනවද නොගහ හදනවද කියා කියා තර්ක කර කර කාලේ කන්න ඕන නෑ. (නදී)

තුසිත - අබු ඩාබි Monday, 16 December 2013 04:31 PM

අවවාදයට, දඬුවමට වඩා ආදර්ශය තමයි වැදගත්. හැම දේටම ලේසි කෙටි ක්‍රම හොයන අයටයි ලිව්වෙ. (නදී)

තක්ෂි දුල්සරා තිරිමාදුර Tuesday, 17 December 2013 10:00 AM

ළමයාට ළමා ලෝකය දකින්න දෙමව්පියෝ බුද්ධිමත්ව ඉඩ ප්‍රස්ථාව ලබා දෙන්න ඕනා. දඩුවම දිය යුත්තේ දඩුවම අවශ්‍ය වේලාවේදීය.(නදී)

ඉන්දු මෙල්බෙර්න් Tuesday, 17 December 2013 10:43 AM

සමාවෙන්න ජයතිලක, හැම දෙමව්පියෙක්ම මගේ දෙමව්පියන්ගේ මට්ටමෙන් මම මනින්නේ නැහැ. ළමයින්ට ආදරය කරන, ළමයිත් එක්ක යාලුවෝ වගේ ඉඳගෙන ආදරෙන් හොඳ නරක කියල දෙන දෙමව්පියන් මම දැකල තියෙනවා. මම පුංචි කාලේ ඒ වගේ මව් පියවරු ලබපු මගේ වයසේ ළමයි ගැන මට ඊර්ෂ්‍යා හිතිලා තියෙනවා. පහු කාලයේදී අධ්‍යාපනය සහ සමාජයෙන් ලද අත්දැකීම් නිසා හැම දෙයක් දිහාම සමබරව බලන්න මට හැකි උනා. (නදී)

හංසි Saturday, 14 December 2013 07:13 PM

කතාව සහතික ඇත්ත. ඒත් ඕක අපේ සමහරු තේරුම් නොගන්න එකේ වැරැද්ද.(නදී)

ඉන්දු මෙල්බෙර්න් Tuesday, 17 December 2013 10:48 AM

දයාන්, ඔබගේ අදහසට ගොඩක් ස්තුතියි. මමත් හිතනවා මගේ දෙමව්පියන්ගේ හිතේ ආදරය තියෙන්න ඇති. නමුත් එයාල ඒක හරියට ආයෝජනය නොකළ නිසා එයාලට හරියට ප්‍රතිලාභ ලැබෙන්නේ නැහැ.(නදී)

අසෝකා Monday, 16 December 2013 05:36 PM

අපි දරුවෝ හදන්න ඕනේ සමාජයට යහපතක් වෙන විදියට. අපේ පවුලත් බොහොම බරපතල එකක්. නමුත් එදා ඒ ගුටි කනකොට තරහ ගියාට අද අපි දන්නවා ඒ ගුටිය තමයි අද සමාජයේ අපිට හොද තැනක් ලබා දුන්නේ කියල. ළමයෙකුට ගහනවා කියන්නේ දරුණු වද දෙන එක නෙමෙයි.(දිල්)

පාලි Saturday, 14 December 2013 07:45 PM

මම නම් මගේ දුවට කවදාවත් පාරක් ගහල නැහැ. එයට ඇඟිල්ල දික් කලත් ඇති අඩන්න ගන්නවා. එයා අඬනකොට මට හරියට දුකයි.(නදී)

මාධවී Monday, 16 December 2013 07:12 AM

දරුවන්ට ආදරය කරනවා වගේම අවශ්‍යම මොහොතක පුංචි තරවටුවක් කරන්න වෙනවා කාටවත් නොපෙනෙන්න. වෙන කෙනෙක් දැක්කම ළමයට ලජ්ජා සිති පෞර්ෂයට හානි වෙනවා. අපේ ළමයින්ගේ අඩුපාඩු අපි හැදුවේ නැත්නම් සමාජය ඒක හදනවා අපේ ඇස් වලත් කඳුළු පනින්නම.(නදී)

මිලින්ද Monday, 16 December 2013 10:05 AM

ඇමරිකාවේ කරන පරීක්ෂණ ඒ ආකාරයෙන්ම අපිට ගැලපෙන්නේ නැහැ. ආසියානු රටවල අම්මල තාත්තල ළමයින්ට ගහන්නේ ආදරයට. එහෙම කලා කියල වැරදිච්ච අය ඉන්නේ බොහොම අඩුවෙන්. ඒගොල්ලෝ එක එක කාලෙට එක එක ඒවා කියනවා. ඒවා ගන්නකොට ටිකක් පරිස්සමෙන් අපිට ගලපාගන්න ඕනේ.(නදී)