ඇමෙරිකා ජනාපධිති ජෝ බයිඩන් රජය, යුක්රේනයට ලබා දීමට සූදානම් වන හදිසි මුදල් ආධාර පැකේජය, එරට පාරිලිමේන්තුවේදී (කොංග්‍රස් මණ්ඩලය) සම්මත නොවීම සම්බන්ධයෙන්, රුසියන් පාරිලිමේන්තුව (ක්‍රෙම්ලීනයේ) සතුට පළ කර තිබේ.

බයිඩන් රජය, කොංග්‍රස් මණ්ඩලයට ඉදිරිපත් කර කිබුණේ, රුසියන් ආක්‍රමණය හමුවේ පීඩාවට පත් යුක්රේනයටත්, හමාස් සංවිධානය සමඟ යුද වදින ඊශ්‍රායලයටත් හදිසි ආධාර පැකේජයක් ලෙස ඇමෙරිකන් ඩොලර් බිලියන 106 ක මුදලක් ලබා දීමටය.

එම යෝජනාවට අදාල පනත් කෙටුම්පත කොංග්‍රස් මණ්ඩලයට ඉදිරිපත් කළ අවස්ථාවේදී, ප්‍රතිවාදී රිපබ්ලිකන්වරුන් සියලු දෙනා ඊට විරෝධය දැක්වීය. කොංග්‍රස් මණ්ඩලයේ බහුතරය ඇත්තේ, බයිඩන්ගේ ඩිමොක්‍රටික්වරුන් සතුව නොව, ප්‍රතිවාදී රිපබ්ලිකන්වරුන් සතුවය. රිපබ්ලිකන්වරුන් පනතට විරෝධය දැක්වූයේ දිනෙන් දින මෙක්සිකෝව හරහා ඇමෙරිකාවට පැමිණෙන සංක්‍රමණිකයන් මර්දනය කිරීමට බයිඩන් පරිපාලනය අපොහාසත් වී ඇති බව පෙන්වා දෙමිනි.

රිපබ්ලිකන්වරුන් ඉල්ලා ඇත්තේ ඇමෙරිකාවට පැමිණෙන සංක්‍රමණිකයන් සම්බන්ධයෙන් නව ප්‍රතිසංස්කරණ හඳුන්වා දිය යුතු බවය.

යුක්රේනයට ලබා දීමට සූදානම් එම මුදල් ආධාර නැවැත්වීමට කොංග්‍රසය ගත් තීරණයෙන් පෙනී යන්නේ, කොංග්‍රස් සාමාජිකයන් අතර නිවැරදි තීන්දු තිරණ ගැනීමට හැකි ඇමෙරිකානුවන් සිටින බව යැයි රුසියන් පාරිලිමේන්තුව හෙවත් ක්‍රෙම්ලීනය වෙනුවෙන් එහි ප්‍රකාශක දිමිත්‍රි පෙස්කෝව් මාධ්‍ය හමුවකදී පවසා තිබේ.

(ඒ.එෆ්.පී.)