නිවර්තන කලාපීය සුළි කුණාටුවලින් ඇමරිකාව සෑම වසරකම පාහේ බැටකයි. නිවර්තන සුළි කුණාටු යනුවෙන් හැඳින්වෙන්නේ විශාල ප්රදේශයක පැතිරී අඩු පීඩන තත්ත්වයන් වටා කැරකැවෙන කුණාටු පද්ධතියකි. අත්ලන්තික් සාගරයේ ඇතිවන මෙවැනි අඩුපීඩන තත්ත්වය හේතු කොට ගෙන ඇතිවන ප්රබල සුළි කුණාටු ඇමෙරිකාවට බලපෑම් එල්ල කරනුයේ සෑම වසරකම ජූනි 01 වැනිදා සිට නොවැම්බර් 30 වැනිදා දක්වා වූ කාලයේ බව කාලගුණ විද්යාඥයන්ගේ නිගමනයයි. අත්ලාන්තික් සුළි කුණාටු සමය යනුවෙන් ඇමෙරිකානු කාලගුණ විද්යා දෙපාර්තමේන්තුව හඳුන්වන මේ කාලයේදී ජීවිත හා දේපල හානි සිදුකරමින් ඇති කරන ස්වභාවික බලපෑම මෙවරත් ඇමෙරිකාවට පීඩා එල්ල කළේ කිසිවකුත් නොතකමිනි. මහවැසි සහ තද සුළං ද සමඟින් ඉකුත් 26 වැනි සිකුරාදා ඇමෙරිකාවට කඩා වැදුණු සුළි කුණාටුව ඇමෙරිකානු වැසියන්ගේ සියලූ දෛනික වැඩ කටයුතුවලට බාධා එල්ල කළේය. "අයිරින්” ලෙස ලෝක කාලගුණ විද්යාඥයන් නම් කළ ඒ සුළි කුණාටු පැයට කිලෝමීටර් 170ක වේගයෙන් ඇමෙරිකාව දෙසට ඇදී ආවේ සිත්පිත් නොමැති මාරයකු ලෙසිනි. ඇමෙරිකාවේ උතුරු කැරොලිනා ප්රදේශයට අයිරින් සුළි කුණාටුවෙන් ප්රථමයෙන් බලපෑම් එල්ල වූ අතර පසුව එය එරට නැගෙනහිර වෙරළ තීරය ඔස්සේ ඉහළට ඇදී ගිය බව ඉකුත් සති අන්තයේදී ඇමෙරිකා කාලගුණ විද්යා ඒකකය නිවේදනය කෙළේය. අත්ලාන්තික් සුළි කුණාටු සමය අරඹමින් ඇමෙරිකාවට දරුණු ස්වභාවික ව්යසනයක් එල්ල කළ අයිරින් සුළි කුණාටුව නිසා ඉකුත් 29 වැනිදා වන විට එරට ප්රාන්ත හයකට අවදානම් තත්ත්වයක් ප්රකාශයට පත්කෙරුණි. විශාල ප්රදේශයක පැතිරුණු අඩුපීඩන තත්ත්වයක් වටා කැරකැවෙන සිරස් වාසුළි සහිත නිවර්තන සුළි කුණාටු තත්ත්වයන් ඇතිවීමේදී තද සුළං හා මහවැසිද හටගනු ලැබේ. නිවර්තන සුළි කුණාටුවල ශක්තිය ඇති වන්නේ සාගර ජලය වාෂ්ප වී වායුගෝලයට එකතුවීමෙන් සංතෘප්ත වන වායුව ඉහළ නැඟීමත් සමග වීම විද්යාත්මක හේතුවකි. මෙමගින් සනීභවනය වන ජල වාෂ්ප සිරස්ව ඉහළ නැඟීමත් ප්රදේශයේ ඇතිවන විශේෂ තාපයක් නිසා මෙවැනි කුණාටු හටගනී. වෙනත් සුළි කුණාටුවකට වඩා නිවර්තන සුළි කුණාටු වෙනස් වන්නේ එහි මැද උෂ්ණත්වය ඒ වටා ඇති උෂ්ණත්වය වැඩිවීමෙන් බව කාලගුණ විද්යාඥයන්ගේ මතය වී තිබේ. අයිරින් සුළි කුණාටුව බහාමාස් රාජ්ය හරහා ඇමෙරිකාව දෙසට ඇතුළු වූයේ හයිටි, පුවර්ටෝ රිකෝ, ඩොමිනිකන් ජනරජය ඇතුළු සමස්ත කැරිබියානු ඳුපත් කැලඹීමකට පත් කිරීමෙන් අනතුරුවය. ජීවිත කිහිපයක් එයින් විනාශවී ගිය අතර එම සුළි කුණාටුව ඇමරිකාවට කඩා වදින බව මුලින්ම දුටුවේ නාසා ආයතනයේ පෘථිවි කක්ෂය මත රැඳවූ කාලගුණ චන්ද්රිකා බව ප්රංශ පුවත්පත් වාර්තා හි සඳහන් විණි. මේ වන විට දින තුනක් පුරා අයිරින් සුළි කුණාටුව ඇමෙරිකාවට බලපෑම් එල්ල කර තිබෙන අතර ඉන් මියගිය සංඛ්යාව 37ක් ලෙස 30 වැනිදා වන විට ගණනය කර තිබිණි. ඒ හේතුවෙන් ඇමෙරිකාවේ උතුරු ප්රදේශවලට බලපෑ ගංවතුර තත්ත්වයෙන් මිලියන 5කට ආසන්න ජනතාවකට විදුලිබලය ඇණ හිට ඇති අතර, අයිරින් සුළි කුණාටුව නිසා ඇමෙරිකානු ඩොලර් බිලියන 7ක ආර්ථික පාඩුවක් ඇමෙරිකාවට සිදුවී ඇත. අයිරින් සුළි කුණාටුව කාලගුණ විද්යාඥයන් විසින් ප්රබලත්වයෙන් අංක 03ක් යැයි කී ප්රචණ්ඩ සුළි කුණාටුවක් බවට පත්වූ අතර එය ෆ්ලොරිඩාව, උතුරු කැරොලිනා, නිව් ජර්සි යන ප්රාන්ත කැළඹීමට පත් කළේය. අයිරින් නිව්යෝර්ක් නුවරට කඩා වැදුනේ පසුගිය සති අන්තයේදීයි. අයිරින් කුණාටුව ගැන අනතුරු ඇඟවූ කාලගුණ විද්යාඥයන් ජනතාවට එයින් බේරීමට ආරක්ෂිත ස්ථානවලට යන ලෙස දැන්වීය. ඉකුත් සති අන්තය වන විට සැතපුම් 580ක් පුරා පැතිර තිබූ සුළිකුණාටුව සමඟ ඇද හැළුණු මහවැසි නිසා නිව්යෝර්ක් නුවරට හදිසි ගංවතුර තත්ත්වයක්ද බලපෑවේය. ඉන් ඇමෙරිකාවේ හදවත බඳු නිව්යෝර්ක් නගරයේ උමංදුම්රිය ධාවනය ඇණහිටීම්, විදුලි බලය ඇණහිටීම් ආදී දෛනික සේවා කටයුතුවලට බාධා එල්ල විය. මේ අතර අයිරින් සුළි කුණාටුව නිසා ඇමෙරිකාව තවමත් අනතුරුදායක තත්ත්වයක පවතින බව ජනාධිපති බැරැක් ඔබාමා වොෂින්ටන් නුවර සිට ජාතිය අමතමින් පැවසීය. ඔහු එහිදී කීවේ රට තවමත් අවදානම් තත්ත්වයක පවතින නිසා ජනතාව බලධාරීන්ගේ උපදෙස්වලට අනුව ක්රියා කළයුතු බවයි. සුළි කුණාටුව නිසා නිව්යෝර්ක් නුවර පහත් බිම් ප්රදේශවල සිට ලක්ෂ 3කට අධික ජනතාවක් ආරක්ෂිත ස්ථාන වෙත යොමු කිරීමටත් රජයේ බලධාරීන් කටයුතු කළ බව ජනාධිපති ඔබාමා ප්රකාශ කළේය. ඇමෙරිකානු ජනාධිපතිවරයා පැවැසුවේ සුළි කුණාටුවෙන් දැඩි බලපෑමක් එල්ල වූයේ එරට විදුලිබල පද්ධතියට බවයි. අයිරින් සුළි කුණාටුව මේ වන විට ඇමෙරිකාවේ උතුරු ප්රදේශයේ සිට කැනඩාව දෙසට ගමන් කරමින් තිබෙන අතර, කැනඩාවේ ඊසාන දිග ප්රදේශයට ළඟා වී ඇති බව විදෙස් ප්රවෘත්ති වාර්තාවලින් ඉකුත් 31 වැනිදා වන විට වාර්තා වූයේය. කෙසේ වෙතත් ආර්ථික අර්බුද හමුවේ ඇමෙරිකාව අයිරින් සුළි කුණාටුව නිසා කබලෙන් ළිපට ඇද වැටී ඇති බව අප සැමට පෙනෙන්ට තිබේ. සුළි කුණාටුවේ හානිය හේතුවෙන් රක්ෂණ සහ නැවත ඉදිකිරීම් වියදම් ඩොලර් බිලියන් ගණනක් වනු ඇතැයි ඇමෙරිකානු බලධාරීහු සැක පළකර සිටිති.
පිළිකා රෝගය සඳහා වෛද්යවරුන් නිර්දේශ කළ කිමෝතෙරපි ප්රතිකාරය සාර්ථකව අවසන් කිරීමෙන් පසු, බ්රිතාන්යයේ ඔටුන්න හිමි විලියම් කුමරුන්ගේ බිරිඳ වන, වේල්
ලෙබනනයේ හිස්බුල්ලා සංවිධානයේ සාමාජිකයන් පණිවුඩ හුවමාරු කිරීමට යොදා ගන්නා ‘වෝකි-ටෝකි’ යන්ත්ර ද පුපුරා යෑමට පටන් ගත්තේය. ‘වෝකි-ටෝකි’ යන්ත්ර පුපුරා ය
බැට්මෑන් චරිතයට ’වෝක් ද ෆේම්’ Walk Of Fame තරුවක් දී ඇගැයීමට ලක් කෙරුණු බව ඇමෙරිකන් මාධ්ය වාර්තා කරයි. චිත්රකතා චරිතයක් ලෙස ආරම්භ වූ බැට්මෑන් චරිතය ඇසුරින්
ඉන්දීය විපක්ෂ නායකයන්ගෙන් කෙනකු ද වන, ’ආම් ආද්මී’ පක්ෂයේ නායක අරවින්ජ් කෙජ්රිවාල්, දිල්ලි ප්රාන්ත මහ ඇමැති ධුරයෙන් ඉල්ලා අස් විය.
ලෙබනනයේ හිස්බුල්ලා සාමාජිකයන් පණිවුඩ හුවමාරු කර ගැනීමට භාවිත කරන, ’පේජර්’ යන්ත්ර හිටිහැටියේ එකවර පුපුරා යෑමෙන්, හිස්බුල්ලා සාමාජිකයන් දෙනකු මියගො
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
ඇමෙරිකාව කැලඹූ අයිරින්
පාලිත Tuesday, 06 September 2011 05:55 PM
සවභාවධර්මයාගෙන් පාඩමක්