ඉන්දුනීසියා ජනාධිපතිවරණය අද (14) පැවැත්වෙයි. ජනාධිපතිවරණයට අමතරව, මහ මැතිවරණය සහ පළාත් සභා මැතිවරණය ද පැවැත්වෙයි. එක් දිනක් තුළ එක රටක,ජනාධිපතිවරණය,මහ මැතිවරණය සහ පළාත් සභා මැතිවරණය පැවැත්වෙන අවස්ථාව මෙයයි.
මැතිවරණයට පෙර ඊයේ (13) , මීට වසර 16 කට පෙර 2008 වසරේ දී මියගිය එරට හිටපු හමුදා නායක ජනරාල් සුහර්තෝ සමාජ මාධ්ය ඔස්සේ ප්රසිද්ධියට පත්වුණු නෙටි වීඩියෝවක පෙනී සිටිමින් ඉන්දුනීසියානුවන්ගෙන් ඉල්ලීමක් කළේ තම බෑණා මෙන්ම ඉන්දුනීසියා වැසියන් අතරේ අතිශය ජනප්රිය දේශපාලනඥයකු වන ප්රාබෝවෝ සුබියැන්තෝට මානාපය දෙන ලෙසය.
ජනරාල් සුහර්තෝ යනු ඉන්දුනීසියාවේ දෙවැනි ජනාපධිතිවරයාය. ඔහු කුරිරු දළදඬු පාලකයෙකු ලෙස ප්රකටය. එසේ වුවත් සුහර්තෝ සැමවිටම සිටියේ සිනාමුසු මුහුණින්ය. මේ නිසා සුහර්තෝ, ‘සිනාවෙන ජනරාල්’ යන නමින් ද ප්රකට විය. 2008 වසරේ මියයද්දී, ජනරාල් සුහර්තෝ 86 වියෙහි පසුවිය.
ඊයේ (13) දිනයේ සමාජ මාධ්ය ඔස්සේ පළවුණු වීඩියෝවේ දකින්න ලැබුණේ සැබෑ ජනරාල් සුහර්තෝ නොව, පරිගණක ඒ.අයි. කෘත්රිම බුද්ධි තාක්ෂණයෙන් නිර්මාණය කළ සියයට සියයක් ජනරාල් සුහර්තෝට සමාන තැනැත්තෙකි. ජනරාල් සුහර්තෝගේ සැබෑ කටහඬ යොදා ගනිමින් පරිගණකයෙන් නිර්මාණය කළ රූපයට හඬ කවා තිබුණි.
අද (14) පැවැත්වෙන ජනාධිපතිවරණයට ඉදිරිපත් වන ජනරාල් සුහර්තෝගේ බෑණා 72 හැවිරිදි ප්රාබෝවෝ සුබියැන්තෝ නියෝජනය කරන්නේ ‘ග්රෙරින්ද්රා’ දේශපාලන පක්ෂයයි. ප්රාබෝවෝ සුබියැන්තෝගේ බිරිඳ 64 හැවිරිදි සිතී හෙදියාටි ජනරාල් සුහර්තෝගේ දියණියයි.
පරිගණක ඇසුරින්, ජනරාල් සුහර්තෝ රුව නිර්මාණය කර, ජනතකාව ඇමැතීමට සලස්වමින්, ප්රාබෝවෝ සුබියැන්තෝ ට සහාය දෙන්නැයි පැවසුවේ, එරට ‘ගොල්කාර්’ දේශපාලන පක්ෂයයි.
‘ගොල්කාර්’ යනු ඉන්දුනීසියාවේ පැරැණිතම දේශපාලන පක්ෂයක් වන අතර, මෙවර ජනාධිපතිවරණයේ දී ඔවුන්ගේ සහාය හිමිවන්නේ අපේක්ෂක ප්රාබෝවෝ සුබියැන්තෝටය. පසුගිය ඉන්දුනීසියානු රජයේ ආරක්ෂක අමාත්ය ධුරය හෙබූවයේ ප්රාබෝවෝ සුබියැන්තෝ ය.
ඇමෙරිකාවේ සී.අයි.ඒ. බුද්ධි ඒජන්සිය, ඉරානයෙන් සහ උතුරු කොරියාවෙන් ‘ඔන්ලයින්’ ඔත්තුකරුවන් බඳවා ගන්නා බව විදෙස් මාධ්ය පවසයි.
නොවැම්බර් පස් වැනිදා පැවැත්වීමට නියමිත ඇමෙරිකන් ජනාධිපතිවරණයට ඉදිරිපත් වන උප ජනාධිපති අපේක්ෂකයන් දෙදෙනාගේ විවාදය නිව්යෝක් නුවරදී පැවැත්විණි.
සිංගප්පූරුවේ හිටපු අමාත්ය එස්. ඊශ්වරන්ට මාස 12 ක සිරදඬුවමක් නියම විය.
ඉරානය සම්බන්ධයෙන් කළ ප්රකාශයක් මුල්කොට ගනිමින්, එක්සත් ජාතීන්ගේ මහ ලේකම් ඇන්තෝනියෝ ගුටරේස්ට ඊශ්රායලයට ඇතුළුවීම තහනම් කිරීමට ඊශ්රායල අග්රාමාත්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඉන්දුනීසියා ජනපතිවරණය ඇරැඹේ