ජාත්යන්තර කම්කරු අයිතිවාසිකම් හා මානව හිමිකම් සුරැුකීමේ ගිවිසුමකට අත්සන් තැබෙන තුරු, ගෘහ සේවිකාවන් සෞදි අරාබියට සේවය සඳහා යැවීම නතර කිරීමේ යෝජනවක් ඉන්දුනීසියානු පාර්ලිමේන්තුවට ඉදිරිපත් කර ඇති බව ඉන්දුනීසියානු කම්කරු අමාත්ය මුහුමින් ඉස්කන්දර් පැවසූ බව අන්තාරා ඉන්දුනීසියානු දේශීය ප්රවෘත්ති ආයතනය වාර්තා කරයි. මේ අනුව ඉන්දුනීසියානු ගෘහ සේවිකාවන් සෞදි අරාබියට සේවය සඳහා යැවීම අත්හිටුවීම 2011 අගෝස්තු මස පළමු වැනිදා සිට ක්රියාත්මක වීමට නියමිතය. සෞදියේ ගෘහ සේවයේ යෙදී සිටි 54 හැවිරිදි ඉන්දුනීසියානු කාන්තාවක විසින් තම සේවාදායිකාව පිහියෙන් ඇණ මරා දැමීමේ වරදට දඬුවම ලෙස පසුගිය ජූනි මස 18 වැනිදා ඇය ගෙළ සිඳ මරණයට පත්කර ඇතුවද, සෞදි ආරාබි රජය මේ පිළිබඳව කිසිදු ආකාරයක දැනුම්දීමක් ඉන්දුනීසියානු රජයට කර නැත. ජකර්තා ආරංචි මාර්ග පවසන්නේ සෞදි සේවාදායිකාව විසින් ඉන්දුනීසියානු ගෘහ සේවිකාවට තම මව් රටට යෑම සඳහා නියමිත නිවාඩු ලබා නොදීමේ ආරවුලක ප්රතිඵලය ලෙස සේවිකාව විසින් සේවාදායිකාව ඝාතනය කර ඇති බවය. මෙම මරණීය දණ්ඩනය පිළිබඳව ඉන්දුනීසියානු රජය දැනුම්වත් නොකිරීම පිළිබඳව තම බලවත් අප්රසාදය සෞදි රජය වෙත දැනුම් දීමෙන් පසුව, පසුගිය ජූනි මස 22 දින ජකර්තාවේ පිහිටි සෞදි තානාපති කාර්යාලය විසින් උක්ත අතපසුවීම පිළිබඳව තම බලවත් කනගාටුව ප්රකාශ කර ඇත. 2007 වසරේදී ද සේවාදායකයා විසින් ලිංගික අතවරයකට ලක්කිරීමට තැත් කිරීමේදී ඉන්දුනීසියානු ජාතික ගෘහ සේවිකාවක තම සේවාදායකයා ඝාතනය කර තිබුණි. ඝාතනයට ලක් වූ සෞදි සේවාදායකයාගේ පවුලේ සාමාජිකයන්ගේ විශේෂ සමාව යටතේ රියාල් දශලක්ෂයක වන්දියක් ගෙවීමෙන් පසුව, දඬුවමට ලක්වූ ගෘහ සේවිකාව නිදහස් කරගැනීමට ඉන්දුනීසියානු රජය එවර සමත් විය. සෞදි අරාබියේ ඉන්දුනීසියානු ජාතික ශ්රමිකයන් ලක්ෂ දොළහකට ආසන්න ප්රමාණයක් සේවයේ යෙදී සිටින අතර, මින් 70% ක් ම ගෘහ සේවයේ යෙදී සිටින කාන්තාවන්ය. පසුගිය කාලය තුළ මැද පෙරදිග රටවල සේවයේ යෙදී සිටින ඉන්දුනීසියානු කාන්තාවන් සේවා ස්ථානයේදී හිංසනයට ලක්වීම සීග්රයෙන් ඉහළ යමින් ඇති බැවින්, ඉදිරියේදී මෙම වාතාවරණය වෙනස් කිරීම සඳහා රජය දැඩි පියවර ගන්නා බව ඉන්දුනීසියානු රජය ප්රකාශ කරයි. මැදපෙරදිග රටවල ආර්ථික උද්දීපනය සඳහා ඉන්දුනීසියානු ඉන්දියානු පකිස්ථානු හා ශ්රී ලාංකික ශ්රමිකයන් ඇද ගැනීමට සමත් වූවද, මෙම ශ්රමිකයන් එම රටවලදී මුහුණ දෙනු ලබන ම්ලේච්ඡු පෞද්ගලික හා අධිකරණමය දඬුවම් පිළිබඳව ජාත්යන්තර මානව හිමිකම් වාදීහු තම බලවත් නොසතුට පළ කරති.
පිළිකා රෝගය සඳහා වෛද්යවරුන් නිර්දේශ කළ කිමෝතෙරපි ප්රතිකාරය සාර්ථකව අවසන් කිරීමෙන් පසු, බ්රිතාන්යයේ ඔටුන්න හිමි විලියම් කුමරුන්ගේ බිරිඳ වන, වේල්
ලෙබනනයේ හිස්බුල්ලා සංවිධානයේ සාමාජිකයන් පණිවුඩ හුවමාරු කිරීමට යොදා ගන්නා ‘වෝකි-ටෝකි’ යන්ත්ර ද පුපුරා යෑමට පටන් ගත්තේය. ‘වෝකි-ටෝකි’ යන්ත්ර පුපුරා ය
බැට්මෑන් චරිතයට ’වෝක් ද ෆේම්’ Walk Of Fame තරුවක් දී ඇගැයීමට ලක් කෙරුණු බව ඇමෙරිකන් මාධ්ය වාර්තා කරයි. චිත්රකතා චරිතයක් ලෙස ආරම්භ වූ බැට්මෑන් චරිතය ඇසුරින්
ඉන්දීය විපක්ෂ නායකයන්ගෙන් කෙනකු ද වන, ’ආම් ආද්මී’ පක්ෂයේ නායක අරවින්ජ් කෙජ්රිවාල්, දිල්ලි ප්රාන්ත මහ ඇමැති ධුරයෙන් ඉල්ලා අස් විය.
ලෙබනනයේ හිස්බුල්ලා සාමාජිකයන් පණිවුඩ හුවමාරු කර ගැනීමට භාවිත කරන, ’පේජර්’ යන්ත්ර හිටිහැටියේ එකවර පුපුරා යෑමෙන්, හිස්බුල්ලා සාමාජිකයන් දෙනකු මියගො
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
ඉන්දුනීසියාව ගෘහ සේවිකාවන් සෞදියට යැවීම නතරකිරීමට යයි
ලසන්ත Wednesday, 28 December 2011 12:07 AM
ඇයි අපේ ලංකාවටත් බැරි මේවගේ තීරණයක් ගන්න.
ඩිල්ශාන් Thursday, 23 May 2013 08:06 PM
ලසන්ත ඔබ හරි.අපේ රටත් මේ වගේ තීරණයක් ගත්තොත් හොඳයි.අපේ කාන්තාවන් මැද පෙරදිග රටවල ගිහින් ආයෙත් ලංකාවට එන්නේ පෙට්ටියෙන්. (නි)
නසාර් Thursday, 23 May 2013 08:17 PM
ලංකා රාජ්යයත් මේ වගේ හොද තීරණ ගන්නවා නම් කොච්චර හොදද? (නි)
නසාර් Thursday, 23 May 2013 08:17 PM
ලංකාවත් මේවගේ තීරණ ගන්නවානම්... (ත)
ජානක Wednesday, 07 May 2014 02:11 PM
අපේ අයට එහෙම කලොත් නය ටික ගෙවාගන්නේ නොහොමද? (නදී)